رد مع اقتباسوالله اني داري ان محدش حيرد
ابسوي صيانه ..اروح لورشة والا الوكالة؟
السلام عليكم....
يا شباب انا سيارتي 2005 واخر مره سويتلها صيانه كامله لما كانت ماشيه 60 الف .. وسافرت ورجعت ... فقررت اسويلها صيانه على 130 الف .
وش رايكم
1-اروح للوكالة ؟؟ وكم يمكن ادفع
2- اروح لورشة معتمدة ؟؟ وكم يمكن ادفع
والله اجابتكم بتفرق مع كثيييير
وشكرا
والله اني داري ان محدش حيرد
اخوي العزيز
لاتزعل من اللي قراء موضوعك ومارد عليك مثل منت عارف كثير من الشعب لا يهتم بالصيانه الدورية بمعنى الكل يعتمد على الجملة الشهيره
(سياره جديدة باذن الله 5 سنوات ماراح تفتح الكبوت) والناس تنتظر المشكلة وبعدين تبحث عن الحل
انصحك بالوكالة اذا انت كنت ناوي على الصيانه
هم يمشون على جدول من الشركة الام بنسبة للقطع التي تحتاج الاستبدال خلال فترات ممشى السياره
عموما سيارتك الله يبارك فيها في اعتقادي الشخصي ماراح تكلفك كثير تتكلم عن 7سنوات =130000كم مره ممتاز يدل على استخدام ممتاز ماشاء الله
ولد اخوي عنده 2011وكالة من 12 شهر =60000كم بصلاة على النبي
ا
شوف ياخي ذياب اذا انت مثلا ما غيرت الا زيت من بعد 60 الف كيلو إلى 130 الف كيلو يعني بالعربي ( بعد 60 الف ما طبيت الوكاله ولا غيرت الا زيت ) انت تحتاج تشخل السيارة شخل /
1/ فلاتر الهواء والمكيف كلها غيرها
2/ البواجي غيرها
3/ زيت القير يتغير وفلتر القير الخارجي لكن ((( اذا انت ما غيرت الزيت من اول ما استلمت السيارة فلازم تسوي طريقة تغير فيها الزيت وهي طريقة تغيير بطريقة تدريجية تعبي الزيت 4 او 3 مرات وبعد كل مره تمشي عليه نص ساعه وتغيره عشان تتعادل لزوجة الزيت وما يتأثر الفلتر الداخلي ويخرب القير عليك ( ابحث عنها في قسم الصيانة ) )))
افحص المكيف والفريون
افحص الثروتل بدي ( الدعسة )
شوف فلتر البنزين يمكن يحتاج تغيير
غير الفحمات وشيك على وزنية الكليبرات
افحص ماء الردايتر ماء التبريد وماء الراديتور الاحتياطي
افحص علبة زيت الفرامل وشوف مستوى الزيت (( عبىء الزيت الموصى به من المصانع ))
السيور اعتقد تحتاج تغيرها كلها
افحص المقصات والاذرعة
بشكل عام سوي تشيك شامل ع السيارة
(( انت بتخسر مبلغ على الصيانات لكن بترتاح إن شاء الله فترة طويلة من عوار الراس ))
بالتوفيق
الله يعطيكم العافيه ماقصرتوا شرحكم واااافي
سؤالي ... هل اسوي الصيانه في الوكالة.. وبيلعبون علي.. كم تتوقعون ابدفع ..؟
والا اشتري القطع من الوكالة .. واروح لورشة..؟؟
وايش الورشة الي ترجحونها بالرياض؟
المشاركة الأصلية كتبت بواسطة ذياب
إذا على الوكالة راح ينفضون جيبك نفض واتوقع لو بيسوون تشييك كامل وتصليح وقطع وشغل يد يمكن 10الف ريال وفوق
انت روح وشوف بالاول اذا فحصوا وعلموك كم بتكلف انشب لهم وقل ابي خصم وشف كم تكلف واذا التكلفة عالية شف لك ورشة متخصصة بهوندا
اذا انت بالرياض مر النعماني وسعر القطع الي تحتاجها
الله يعطيك العافيه
النعماني هذا محل بيع قطع غيار والا ورشة..؟
اسف على كثر الاسئلة (:
النعماني محل بيع قطع غيار هوندا اصلي بإذن الله ( ممكن تحصل قطع ارخص من الوكالة إلى 30% ) ونفس القطع حسب ما سمعت انه يشتري من الوكالة بكمية كبيرة ويعطونه خصم كبير وهو يخصم لك خصم معتبر . اعتقد فيه فرع الرياض الصناعية القديمة
ممكن تفحص سياراتك عند ورشة محترمة ( وتشتري القطع المطلوبة من النعماني )
عموما وزن الاذرعة شيك عليه ( فيه محل اسمه السبيع في الصناعية القديمة واحد قال لي عليه اليوم بس مدري عن انه متخصص في الاكورد ( الوكالة في الوزن اعتقد افضل )
اذا ودك تودي سياراتك الوكالة وتفحص وتصلحها هناك احجز موعد قبل تجي لانه فيه زحمه وبيصرفونك ويقولون خذ موعد واحجز
اذا انت بالرياض روح الصناعية القديمة فيه محلات واجد المختصين بالاكورد وانصحك تروح محل اسمه خيبر بجانب ورشة الوفاء للسمكره
الله يعطيكم الف الف الف عافيه بصراحو كفيتوا ووفيتوا
وان شاء الله راح اقولكم وش صار معي
ضوابط المشاركة
مواقع النشر (المفضلة)