الموضوع: [ استشاره ] أكورد 2012 وموضوع السرقه

غير صحيح

واحد يجي يفتح السيارة ويسرقه هذي مستحيله إلا بحالة شيلها بسطحه
........................

لكن كثر العين عليها يعني توقف عند محل وتخليها تشتغل وووو
.....................................
........................
هــــــذا رأيي وقناعتي

سيارتي أكورد 2012 وانسرق طقم الكفرات الأربع مع الطيس والصواميل قبل 8 ايام من عند البيت ,, طلعت الصباح ولقيتها على بلك

طبعاً انا بالرياض ..


حسبي الله على من سرقها والله لايحلله ولايبيحه دنيا وأخره

سرقات الاكورد كثير لكن ما اتوقع السياره كامله، اهم شي خدها نصيحه دخلها داخل البيت لاتحطها بالشارع ابد ،،

المشاركة الأصلية كتبت بواسطة أبوفيصل 22

سيارتي أكورد 2012 وانسرق طقم الكفرات الأربع مع الطيس والصواميل قبل 8 ايام من عند البيت ,, طلعت الصباح ولقيتها على بلك

طبعاً انا بالرياض ..


حسبي الله على من سرقها والله لايحلله ولايبيحه دنيا وأخره

الله يعوضك ونصيحة يا اخوان تخسر 300 ريال ولا تخسر 5000 وفوق
.........................

وشرايكم بالصورة



وريح راسك

انا مركبها على سيارتي اكورد 2008 و سيارة اخوي 2001 وهذي صورة الجنط حق سيارة اخوي



اذا تبيها رااااسل الاخ العضو : المبارشر يطلبها لك من برا

المشكلة اللي ما عنده ( كراج أو بايكه ) يدخل سيارته جوا البيت ... وش يسوي ، كل يوم حاط يده على قلبه

يطلع الصباح يقول يارب تكون سيارتي موجودة ... طبعاً جميع السيارات وليس الأكــــورد فقط .


قولوا معي ....

(( حسبي الله ونعم الوكيل على من يسرق حلال الناس ... حسبي الله وكفى ))

الله لا يوفقه لا دنيا ولا آخـــــــــره

آمــــــــــيــــــــــــــــن يا رب العالمين

اخوي خلفهم

عشان ما نطلع من صلب الموضوع تبي رأيي ؟؟

اذا موقع بيتك واضح للي رايح جاي و ما فيه ( ركوووود فخلك على الاكوووورد )

عندنا وعندكم خير على الأقل بالرياض في أمل يمسكون بالحرامي

لكن بالمحافظات خارج الرياض يفرش الحرامي بساطه ويشرب بارد ويسرق على أقل من مهله ومحدن جايب خبره !!

أما بالنسبه للموضوع الدعوه مهيب فوضى وأنا أخوك يجي يشغل ويمشي وياخذها بارده مبرده !!

لو كانت للحراميه قدره على سرقة السياره كامله كان ماشفتهم مايشلحون غير الكفرات والجنوط والآستبنه !!

أما إني أتردد عشانهم يقولون إنها تنسرق وودي بها بس خايف !! هذا مهوب منطق وكلامك غير مقنع أبدن !!

عمري ماترددت في أخذ سياره بحجة خاف تنسرق !! أتكل على ربك وحطها بمكان واضح للماره وماصاير الآ كل خير

الهوندا اكورد ( السوح ) بالذات اكثر عرضة لسرقة كفراتها لإنها مناسبة للتفحيط ويفضلونها الي ما تربوا .

المال السايب ( الطايح ) يعلم السرقه بمعنى لو تخلي موترك شغال عند البيت او بقاله سواء هوندا ولا غيره اكيد انها بتكون عرضه للسرقة

اما بالنسبه للهوندا سالفة انه بيجي الحرامي وبيسرق الموتر كامل يبطي عظم الا اذا كان فيه مفتاح سبير بالسياره حتى الشنطه لها قفل لو تقفل مايقدر يفتحها الا بالمفتاح يعني بيفكر بالكفرات .... والكفرات حلها سهل ركب مسامير الامان مثل ماقال k363k

ولاننسى يا اخوان بان فوق كل شيئ هناك رب نوكل اليه جميع امورنا ونستودع الله حلالنا
بالتوفيق

صحيح لصوص السيارات اللي يسرقون السيارات علشان التفحيط ...يفضلون وبقوه الجنوط الحديد

لأنه أخف في التفحيط وأسرع تبديل ولا تنكسر بسهوله ... و توجد في كل مكان حتى لو بغى يشتري علشان يعزز لنفسه أو أخوياه يلقاها رخيصه

حسبنا الله ونعم الوكيل ... اللهم أكفنا شر من به شر .

المشاركة الأصلية كتبت بواسطة nasser1430

صحيح لصوص السيارات اللي يسرقون السيارات علشان التفحيط ...يفضلون وبقوه الجنوط الحديد

لأنه أخف في التفحيط وأسرع تبديل ولا تنكسر بسهوله ... و توجد في كل مكان حتى لو بغى يشتري علشان يعزز لنفسه أو أخوياه يلقاها رخيصه

حسبنا الله ونعم الوكيل ... اللهم أكفنا شر من به شر .

الاكورد صممت على ان تكون سيارة رسمية شبابية ( عشان ما تصير ليموزين ) وهنا بالسعودية هي رقم 1 في التفحيط الله المستعان

اذا خايف على السياره تنسرق أمن السياره شامل وريح نفسك ولاتخسر السياره الي سعره كلفك افوق 100000الف

المشاركة الأصلية كتبت بواسطة dedme

اذا خايف على السياره تنسرق أمن السياره شامل وريح نفسك ولاتخسر السياره الي سعره كلفك افوق 100000الف

انا مأمن شامل ودافع حوالي 6000 ريال ومتحسف لاني عندنا بايكة في البيت وغير كذا بقعد كل سنة ادفع 5000 الاف لو قلنا ف 5 سنين ، 25 الاف ريال :d

ممكن اول سنة امن شامل وبعدها كل سنة امن تامين ضد الغير


الحافظ الله سبحانه وتعالى