بسم الله الرحمن الرحيم

السلام عليكم ورحمة الله وبركاته

بعد معاناة وبحث عن حل لتعليق نور الأكورد ,, قررت اجرب الكتاوت الصفراء التايوانيه





جربتها عند محل الزينه قبل اخذ الكتاوت والظفيره الصفراء للبيت
وتأكدت ان كل شيء يشتغل ( ركبو شمعات على كل الأفياش )

اخذتها للبيت عشان اركب لها جرجور اسود والخ ... لأن مكينة الأكورد حرارتها دائما على النصف
ولازم جرجور عشان يحمي الأسلاك من الحرارة , لأنها اذا ذابت الأسلاك من الحراره ممكن تلتمس وتحترق السياره لا سمح الله





كل كتاوت 30 امبير ( واحد للواطي وواحد للعالي = 60 امبير )









تركيب جرجور للأسلاك ( شريت الجرجور من ساكو 4 متر بـ 28 ريال .. المتر بـ 7 ريال )
وكيسه فيها 100 حبه ( اللي تمسك الأسلاك .. لونها ابيض شفاف ) بـ 15 ريال تقريباً








بعد ما ركبت الكتاوت وركبت كل فيوز العالي .. ما انحلت مشكلة التعليق

لكن عقب قلت لنفسي خل اجرب اركب فيوز واحد واشيل واحد والخ ... ,, المهم انه بعد ما شلت فيوز النو العالي جهة اليمين وخليت فيوز العالي جهة اليسار



راح التعليق

والحمد لله انحلت المشكله

لأن الكتاوت الصفراء تركب فيها فيش واحد من نور الواطي وفيش واحد من نور العالي >> الكتاوت >> تعطيك فيشين للنور الواطي وفيشين للنور العالي

يعني أفياش النور العالي والواطي جهة اليمين ما نستخدمها ولا نحتاجها ( نلفها بشطرطون عشان ما يجيها ماء وتلتمس وتحترق السياره لا سمح الله )

سعر الكتاوت بعد الخصم 40 ريال وتكلفة التركيب 10 ريال

50 ريال .. احسن من انك تدفع مبلغ وقدره عشان تغير علبة الفيوزات او الظفيره .. او كهربائي يلعب بعلبة الفيوز او الظفيره

ميزة الكتاوت الصفراء تقدر تشيلها بعدين بدون أي مشاكل وبدون أي أثر ( مافيها تقطيع ولا تجريح أسلاك ) ولا تكلفك الا 50 ريال مع التركيب

النور ما شاء الله ممتاز جدا .. شمعاتي بالواطي 70 واط والعالي 100 واط

لكن لازم الواحد يشيك عليها كل فتره .. ( اذا الأسلاك أو الجرجور أو الكتاوت ) ذايب من حرارة المكينة أو الرديتر

* انصحكم تحطون جرجور أسود حتى على الجرجور الأصفر .. انا تحسفت اني ما حطيت جرجور أسود عليه


باقي بعض الصور ( بعد التركيب ) .. ارجو عدم الرد إلا بعد الإنتهاء من رفع جميع الصور .. عشان يكون الموضوع منسق ومفيد