لا تنسون تشيلون الفيوز هذي بعد تركيب الكتاوت والظفيرة الصفراء



الفيوز هذي تبع ( النور الواطي + النور العالي ) جهة اليمين .. لأننا ما راح نستخدم أفياش نور الوكاله جهة اليمين .. لأن مالها حاجه ولزمه .. نلف أفياش النور جهة اليمين بشطرطون لحمايتها من الغبار والماء + نشيل فيوز النور جهة اليمين ( العالي والواطي ) عشان لو لا سمح الله جاها ماء ما تلتمس لأن ما يوصلها كهرباء لأننا شلنا الفيوز حقها

الظفيرة الخارجيه الصفراء .. تتوصل بأفياش النور جهة اليسار فقط ( العالي والواطي ) عند البطاريه .. لأن الكتاوت الخارجي فقط ياخذ اشاره كهرباء بسيييطه من فاصل النور ( التشغيل أو الإطفاء ) ولا يسحب كهرباء عالي من الفاصل أو أفياش نور الوكاله.. يعني أفياش نور الوكاله فقط للتحكم بالنور ولا عليها ضغط ولا شيء .. والكتاوت والظفيره الصفراء عليها الضغط و تسحب كهرباء من البطاريه مباشرة اذا شغلت النور أو اذا جيت تكبس العالي .. واذا ما شغلت النور ما تسحب كهرباء ابد من البطاريه

ويريّح ويحمي ( كتاوت النور الشد بلد + فاصل النور + ضفيرة النور + يحمي أفياش نور الوكاله اذا ركبت شمعات نور أقوى من الوكاله )

ولمزيد من المعلومات .. شوفو ردي هذا
http://www.hondaarabia.com/club/t58444/#post591357

ملاحظه مهمه :

اذا ركبت كتاوت وظفيرة صفراء بدون ما تشيل الفيوز اللي قلتلك عليها = ما راح تنحل مشكلة التعليق

واذا ركبت كتاوت وظفيره خارجيه صفراء + ازالة الفيوز اللي قلتلك عليها = بتنحل مشكلة التعليق



الكتاوت والظفيره الصفراء ( التايوانيه ) مجربها من مدة طويله ومن أحلى ما يكون لا تعليق ولا يحزنون .. وأنصح اي واحد يعاني من تعليق العالي .. يركبها ..

وترى التركيب أفياش .. يعني مافيه لا قص ولا تجريح اسلاك ولا يحزنون .. وتقدر تركبها وتفكها بسهوووووووله وبدون أثر , لأنها أفياش


أهم شيء تأكدوا أنها ( تايوانيه ) وليست ( صينيه )

التايواني افضل من الصيني