رد مع اقتباسهلابك اخوي
انا مجرب 2009 و2012 كلها فل
ما فرق في الرساوة احسها نفس الرساوة
لكن البودي لاحد يقلك 2011 اقوى من 2012 ترى كلها وحدة
2011 وتحت قطع ياباني تجميع ياباني و2012 قطع ياباني تجميع امريكي
الفرق في التنسيم في باب السواق خفيف لايذكر
تعال و اكــســـب أجر المحتــار
سلام عليكم
كثير محتار في الاكورد 2012 لأنها أمريكية
نبي واحد يجرب عنده 2012 ويجرب لنا 2011 وتحت ( الموديل الياباني )
1 _ الفرق من حيث الرساوة
2_ البوودي
3_ العزل ( التنسيم )
ولليقول ليش أنت ماتجرب أقوله لاتوفرت أبشر لكن حاليا مقدر
نبي نقطع الشك باليقين يا شباب
هلابك اخوي
انا مجرب 2009 و2012 كلها فل
ما فرق في الرساوة احسها نفس الرساوة
لكن البودي لاحد يقلك 2011 اقوى من 2012 ترى كلها وحدة
2011 وتحت قطع ياباني تجميع ياباني و2012 قطع ياباني تجميع امريكي
الفرق في التنسيم في باب السواق خفيف لايذكر
شكرا لك
زياده فرق/2012 فيها 6ايربقات
^^
هو قال لك البودي ، والعزل ، والرساوة مو المواصفات
اكيد فيه فرق يا جماعة لو فرق بسيط
اعطيك مثلا الكامري اليابانية والاسترالية والامريكية
اكيد فيه فرق بين كل وحده
سوا في المواصفات و الرساوة والقوة والعزل لابد ان يكون هناك اختلاف لو بسيط والسعر يختلف كذالك
تحياتي
الآنطباع السائد عن الآكورد واللي يميزها عن غيرها هي الرساوه
لكن ب 2012 اختفت هالميزه للآسف وكل موديل قادم أسوء من اللي قبله
ممكن الموديلات السابقة تكون اكثر رساوه من الموديل الحالي
جربت 2005 ، 2006 بالفعل فرق شاسع .. موديلات سابقه لكنها أفضل بكثير عن 2012
ماننلأم لما كانت رغبتنا الأفالون .. للأسف بس !! خيبة أمل !!
انا معي 2012 وحلوه بس فيها تنسيم من باب الراكب بعد 100
ومع الشوارع التعبانه يصير فيه شوية ازعاج مادري كل الموديلات كذا او لا
المشاركة الأصلية كتبت بواسطة مزاحماوي
وشهد شاهد من اهلها
وانتم في موضوع عيوب الاكورد تهجمتوا علي قايل لكم جربوا موديلات الي قبل 2012 وبتحص فروقات لابد تحصل
وش اقول من اول ارجعوا لموضوع عيوب الاكورد 2012 واقروه زين مره ومرتين وتأكدوا من كلامي
شكرا للأخ هوندانا
أنا ركبت ركبت مع واحد سيارته 2010 طبعا هو اللي بيسوق وأنا جمبه أشوف أنها أفضل رساوة من 2012 ممكن بسبب الكفرات لكن فيه فررررررق وكبير بعد
محد مصدقني وانا اخوك
اقول لهم مندي الرومانسية طعهم غير مندي الناضج بس محد يصدق :d
جرب اركب مع نفس السواق بأكورد 2012 علشان تعرف الفرق .. لاتركب مع سواق وغشيم وتحكم على السيارات .
السائق غير من الراكب .. ياتكون راكب دائما او سائق دائما علشان يكون حكمك صحيح ومعقول
موديل 2005 و2006 مختلف كليا .. لاتخلط الحابل بالنابل وتحشر موديل ال 2012 بكل صغيره وكبيرة وكل مشكلة ..
العلة فيك أو في سيارتك أنت بس أما سياراتنا فهي سليمة ولله الحمد
طيب لو فرضنا لو فرضنا ان 2007 افضل من 2012 فهذي سقطة بحق هوندا كلها لان السيارات تتطور ويتحسن الاداء و الرساوة
جرب موتر 2011 مثلا على خط 200 كيلو وادعس 150 مثلا وقارن بينهم وشف اذا الخط فيه هواء قوي ولا متوسط وابدا قارن وخصوصا لما يشطفك تريلة او جيب ع 170 مثلا تشوف الموتر يرج ويتهز ويحوس على خفيف ولا لا ؟
^^^^^^^^^^^^
جودة صناعة السيارات من سيء لأسوأ .. وليست الأكورد أو الهوندا فقط.
جودة الكامري 2002 لاتقارن بجودة الكامري 2012 . وكذلك جودة الكابرس 1990 لاتقارن بجودة الكابرس 2012 , وجودة الكاديلاك 1970 لاتقارن بجودة الكاديلاك 2012
التكنولوجيا والرفاهية تزداد لكن جودة التصنيع تتناقص مثلها مثل صناعة المكيفات والتلفزيونات وغيرها ..
انا اليوم واصل من سفر 1000 كيلو وكنت أمشي 180 والحمد لله تمام .. أما تأثر السيارات بالهواء فهذا شيء طبيعي حتى التريلات تتأثر به لكن قوة التأثير تحكمها وزن السيارة .
عشان الناس قالت الكامري 2002 جودتها احسن تجي وتكرر كلامهم بدون ادله من خبراء ، المفترض تقول ان 2002 بدون اي تقنية نهائيا و 2012 تحتوي تقنيات ونظام تعليق جديد و انظمة سلامة انت مجرب 2012 10 سنوات عشان تحكم عليها ؟؟
يجيك واحد ما يغير الزيوت في وقتها و ما يحرص على الصيانة الدورية ولا طب الوكالة ولا يغير الزاليوت الموصى بها ولما تتعطل عليه يقول مافيها جودة كرتون :d
واذا على صلابة البودي
البودي المفروض تكون صلابته متوسط إلى فوق متوسطة يعني ما يكون صلب او خفيف كرتون :d
وهذا اجريت عليها اختبارات من المصانع عشان الحوادث وامتصاص الصدمات
سيارات 2012 ضد بعض
http://www.youtube.com/watch?v=3gTNB...eature=related
سيارة قديمة × سيارة جديدة
http://www.youtube.com/watch?v=joMK1WZjP7g
قديم × قديم
http://www.youtube.com/watch?v=siT-SIfOnQw&feature=related
http://www.youtube.com/watch?v=GLcULzNgT0c
واحيانا تغير مكان صنع السيارات يؤثر في الجودة لما تكون سيارة زي هوندا يابانية 100% غير لما تكون امريكية اكيد بيصير فيه فروقات بسيطة إلى متوسطة
كذالك الكامري مثلا كامري 2012 يابانية وكامري 2012 استرالية اكيد بيكون فيه فروق بينهم في المتانة والجودة
الكابرس 1990 كان بلا تقنيات ومافيه شيء يخرب ووشهي الجودة الي فيه تكفى ؟
والكاديلك كذالك نفس السالفة
كل ما زادت التقنية طبيعي تكون فيه اعطال اكثر لكن الي يحافظ على سيارته كويس حتى لو 2012 تعيش معه 20 عادي
والقطع الاستهلاكية في السيارات الحديثة مصممة ( على انها ما تعمر عشانها استهلاكية والوكالة تشفط فلوسك ) لكن تظل القطع الاساسية بجودة مقبولة خصوصا في الاكورد مثل قير او مكينة فهمت علي ؟
يعني مثلا على كلامك ذا
الاكورد 94 او 97 اجود وافضل من الاكورد 2011 :d
لانها اقدم
مشكلة اذا ارتبطت الجودة بكل شيء قديم !!!
قل اول كان ما يجي الا اصلي وكان رخيص
والحين الاشياء تجي اكثر من درجة اصلي ، اصلي تجاري ، تجاري ، مغشوش
وصناعة في دوله غير دوله
خذ مثال
التوصيلات الكهربائية
والمكيفات
والسيارات الحين
التعديل الأخير تم بواسطة هوندانا ; 07-07-2012 الساعة 03:08 AM
ون قال لك أنتي أخذت بكلام الناس ؟ هذا كلامي ومقتنع فيه
أنا أتكلم عن جودة التصنيع وأنت تتكلم عن الرفاهيه .. فحمات السيارات القديمة ومساعداتها ومقصاتها وركبها ودينموها وسلفها ووووو .... الخ والمواد المستخدمة في المقصورة أكثر جودة في السابق عن سيارات 2012 .. انا ما أتكلم عن الشكل والألوان والراحة ياأخوي أنا أتكلم عن التحمل والجودة وأنت ذكرت أن الصناعات القديمة أكثر جودة وهذا كل الناس تعرفه ..
السيارات سابقا أقل رفاهية وأقل سرعه وأثقل وزنا لكنها أكثر صبرا وتحملا وأقل أعطالا لكن صناعة السيارات الآن أسرع وأجمل وأريح لكن قطعها تستهلك بسرعه وقليلة التحمل .
لاتقارن دولة صناعية متوسطة مثل استراليا تصنع الكامري بدولة صناعية أولى بالعالم صناعيا هي الولايات المتحدة الأمريكية في صناعة الأكورد .. اليد العاملة في مصنع هوندا (أمريكية ) تعرف وش معنى أمريكي وإلا الهدف فقط الإنتقاص ؟؟
لمعلوميتك الأفالون أمريكية وهي أفضل سيارات علامة تويوتا الآن وما أحد إنتقصها أو عيبها كما تتكلم أنت عن الصناعة الأمريكية .. المكسيما صناعه أمريكية ولم نقرأ يوما أحد ذكر هذا عيبا في السيارة وإنما يعد ميزة .. ليش أنت ماسك كلمة أكورد 2012 أمريكية لتعدها نقص ؟؟؟؟
طيب يا فيصل
ما الحكمة من تغيير صناعة الاكورد من اليابان الى امريكا ؟؟ >> خفض التكاليف طبعا >> بالتالي خفض الجودة ولو قليلا ! >> والله أعلم
أنا ابوفيصل أخوي ولست فيصل ..
سياسة شركة لانعلم سببها وإن كان الظاهر لنا أن المشكلة نشأت بعد التسونامي الذي اصاب اليابان منذ سنه ونصف ..
خفض التكاليف كيف يتم ؟؟ يعني اليد العاملة الأمريكية رخيصة مثلاً أو اقل مهارة من اليابانية !!!!
تقارن اليد العاملة الأمريكية بأستراليا أو الصين او ماليزيا أو غيرها من الدول الناشئة ؟؟؟
تعرفوكالة الفضاء الأمريكية ناسا وتعرف طائرات البوينج وال f 15 والباتريوت والأيفون والأيباد وgoogle و مايكروسوفت ووووو... الخ هذي شركات ومصانع أمريكية وبدري على اليابان أو غيرها منافستها .. قليلا من التعقل هداكم الله و محاولة التقليل من شيء بسبب تغير مكان التصنيع فقط لاغير
معروف ان الشيء الذي يصنع في مسقط رأس الشركة الأم يكون افضل صناعة وجودة فمعليش تبريرك مو في محله انه امريكا سوت كذا وكذا امريكا تخترع الايفون صح بس الصين تصنعه يا حبيبي
كم لوهندا امريكا بالسوق من سنه وكم لهوندا اليابان في السوق من سنه وخبرة
ياخي تخيل بنقالي يسوي تميس وافغاني يسوي تميس طبعا كل واحد عنده خبره بس الافغاني خبرته طويله جدا مقارنة بالبنقالي في النهاية كلهم يسوون تميس لكن الجودة والدقة في العمل بتكون لصالح الأفغاني
مثلا هالقرصان والجريش الي بتشتريه من مطاعم ابو يمن ولا القرصان الي يصلحونه كبيرات السن ( الله يطول بأعمارهم ) الي لهم سنين وبنبن وهم يصلحونه يعني كلهم بيصلحون لك قرصان وجريش لكن راح يكون واحد افضل من الثاني لو على الاقل بفارق بسيط
مثال اخر /
لو جبت مدرس انجليزي مصري له 10 سنوات يدرس وجبت لك مدرس اجنبي بريطاني له 20 سنه خبره في التدريس وخليته يدرسك 3 سنوات لغة انجليزية انت برأيك لو اجتهدت معهم كلهم لكن بعد 3 سنوات برأيك
يقول المثل / عط الخباز خبزه ولو اكل نصه
وانت مصدق ان اليد العاملة الامريكية متميزة وانها افضل شيء ترا الي يركبون السيارات وكذا اغلبهم فنيين مب مهندسين على مستوى ....الخ صح انها ربما تكون افضل من التايلندية وطقتها لانها تصنع سيارات قبل تايلند وكذا لكن انا اتكلم عن هوندا نفسها في اليابان ويميز العمالة اليابانية الدقة بكل شيء وحسن التعلم والإنجاز بشكل ممتاز
السيارات الامريكية الامريكية تتفوق فقط في نقطة وسائل السلامة AIR BAG
_______________________________________
الأفلون فيها عيوب واسئل اصحابها ومنها الرساوة والتنسيم يعني انه على سعرها هذا ورساوتها وعيوبها ما تستاهل المبلغ هذا
لكن لو فيه افالون صناعة يابانية انا متأكد 100% انها راح تكون افضل من الأمريكية
اليابان دولة عريقة عريقة حتى كوريا لا تقارنها مع اليابان
made in japan هذي لحالها تفرق
حتى اليابان بدأت تصدر بعض البضائع كـ درجة ثانية وكذا
مثلا كفرات دنلوب
___________________________
انظر إلى الكفرات مثلا ميشلان فيه كفرات ميشلان امريكية وفرنسية والمانية وتركية وبرازيلية وصينية وتايلندية ( الي في الاكورد ) وغيرها اتوقع فيه 8 - 9 انواع لكفرات ميشلان
تجد مثلا كفرات ميشلان primacyبريماسي التايلندية مواصفاتها تراكشن a وحرارة a وتتحمل إلى 240 مثلا
وكفرات ميشلان primacy بريماسي الألمانية مواصفاتها تراكشن a وحرارة a وتتحمل إلى 240 مثلا
وكفرات ميشلان primacy بريماسي فرنسية مواصفاتها تراكشن a وحرارة a وتتحمل إلى 240 مثلا
وكلهم بنفس المواصفات بالضبط وبنفس تاريخ الانتاج راح تلاقي اختلاف في السعر والجودة والتحمل بينهم
بالرغم انهم من شركة وحده وبنفس المواصفات لكن لابد يكون فيه بينهم فروقات وكفر افضل من الثاني
وسلامتكم
بغض النظر عن التكاليف
انت لو عندك مرسيدس ياباني الصنع ولا مرسيدس الماني الصنع انت برأيك وش تفضل كلهم نفس المواصفات ونفس السعر ونفس كل شيء لكن الصناعة تختلف وش تفضل ؟
طيب بعيد عن الهرج الكثير
أبو فيصل وليس فيصل >> عشان لا تزعل ههه
أنت جرب 2012 وجرب 2011 وعطنا الفروق بينهم
مع إحترامي لك مثالك وقياسك الذي ذكرته غير صحيح ولايمكن أن تقارن الصناعه بالطبخ !!!! فالمقارنه غير صحيحه
الطبخ أو التعليم مهنه مختلفة كليا عن الصناعة والقياس هنا غير صحيح
الصناعة عندما تكون في البلد الأم ستكون أفضل لكن عندما تتقل إلى بلد آخر متقدم لن تقل الجودة فالدول الصناعة تهمها سمعة بلدانها وسمعة صناعتها إن كنت لاتعرف . ولايرضون أن يكونون مكانا للصناعات الرديئة
مع إحترامي لك فأنت تحتاج الكثير من القراءة لتعرف الكثير عن الصناعات الأمريكية .. أجل تقارن تايلند بأمريكا
صناعة السيارات بدأت في أمريكا أخوي ,,,اليابان نهضت وتقدمت بعد الحرب العالمية الثانية وتفوقت على كثير ممن سبقها كالإتحاد السوفيتي السابق وبعض الدول الأوروبية لكن هذا لايعني أنها تفوقت على الكل
نعرف ان الصناعة اليابانية ذات جودة ومتانه لكن هذا لايعني أن نقلل من المنافسين لنثبت كلامنا .. الولايات المتحدة الأمريكية واليابان وألمانيا وبريطانيا وفرنسا كلههم متفوقون ومتقدمون
الصناعة في بلد آخر متوسط يكون الهدف منها خفض التكاليف أما الصناعة في بلد متقدم هدفها زيادة عدد المصانع وتغطية الطلب
أخوي معه افالون 2011 ومافيها أي شي مما تذكره .. لكن الغريب أنك تردد موضوع الرساوة في كل المواضيع وكل السيارات عندك مو راسية .. موضوع السعر مانختلف فيه فالأسعار مرتفعه لجميع السيارات والسلع والعقار وغيرها
لمعلوميتك الرساوة تعني الثبات على الطريق والتماسك والتشبث بالأرض في المنعطفات ,, وأنت تتكلم عن تأثير الهواء على السيارات وتسمية رساوة
الهواء يقتلع بيوت ويدمر مدن وأنت لاتريده أن يحرك سيارة ؟؟
made in usa عالم آخر
بالنسبة للميشلان تأكد أخوي أن الصناعة الفرنسية والالمانية والأمريكية هي الأفضل لأنها دول صناعية وأن الأقل جودة هي في دول تايلند وتركيا لأنها دول ناشئة .. فرنسا لاترضى بأن تصنع شيئا أقل جودة وكذلك ألمانيا وأمريكا لذلك تجد الصناعات الأقل في مصانعها في دول أخرى .
ضوابط المشاركة
مواقع النشر (المفضلة)