الموضوع: افيدوني ابي اشتري كفرات جدد

اذا انت في الرياض والوضع المادي عندك جيد انصحك حسب ما سمعت من الاخوان انه اطارات ( برجستون ادرينالين بوتنزا ) هذي على كلام الاعضاء انها ما شاء الله راسية مره وتميل للرياضية نوعا ما وتتحمل وهي قاسية نوعا ما واقل ازعاج واعتقد نزلوا كفر صامت يعني كاتم للصوت نوعا ما

وعندك ( برجستون تورينزا gr-80 ) اقل رساوة واقل قساوة من ادرينالين بوتنزا لكن مريح يعني مو رياضية

وعندك هذا الرابط منتجات من شركة الطلائع ( هذي الشركة الموزعة لإيطارات برجستون عندنا في الرياض )

http://www.altalayi.com/cms3ar/index...id=7&Itemid=12
____________________________________________


وهذا رابط عن ايطارات ادرينالين بوتنزا

http://www.altalayi.com/cms3ar/index...2-32&Itemid=22

_____________________________________________


بالنسبة لي ما انصحك تركب ميشلان التايلندي الي يجي على جنط 17 لانه مب راسي بالرساوة الي اتطلع لها وصوت الارض مزعج يعني كفر مزعج ورساوته وسط لكنه يتحمل ويعيش

اذا ما ودك بميشلان التاديلندي شوف الامريكي او الفرنسي اذا حصلته

او اذا تبي كفر مريح لكن حق ابو سنة وشوي عندك هانكوك وهانكوك على فكرة انواع فيه منها الرياضية والعادية والوسط بين الرياضية والعادية

لكن بعطيك عدة نصائح عند اختيار وتركيب الكفرات

1/ التزم بمقاس الكفر الموصى به من المصنع ( واعتقد تحصل هالتفاصيل في الاستيكر الي موجود عندما تفتح باب السواق تحصله في جدار الباب

2/ اختيار كفر بدرجة حرارة A عشانه يتحمل الاجواء الحارة عندنا

3/ معامل الاحتكاك يفضل انه يكون A وفوق واذا حصلت AA فهو ممتاز وغالبا AA ممكن تحصله في ايطارات تويو

4/ تاريخ الكفرات تأكد من انه كفر حديث الصنع وليس قديم ومخزن ( يفضل انك تركبه عند وكالة الكفر الاصلية مب محلات ابو يمن لان تخزين الكفرات عندهم سيئ فهو معرض للحرارة والرطوبة والشمس اثناء نقل الكفرات للمحلات ) و ( تحمل السرعات العالية )

ادخل هالرابط واقرأ بتمعن شوي :

http://www.sabraeng.com/vb/showthread.php?t=10123

وكذالك

http://mbc3forum.mbc.net/showthread.php?t=464465




5/ الحرص على الترصيص الجيد عند المحل وتعبئة الكفرات حسب الضغط الموصى به من المصنع وتجده في جدار باب السائق واعتقد الاكورد ضغطها المناسب 32 - 33
بس تأكد ان معيار الضغط الي يقيس به انه كويس لان اغلب معايير الضغط عند البنشرية مضروبة وتعطي نسب غير دقيقة احيانا

اذا كان في السيارة حذفة والكفر فيه ميلان فانصحك بعد تركيب الكفرات انك تصلح الحذفة او انحراف الكفرات لانها مع الوقت تخلي الكفرات تتأكل بسرعه وتتمسح

بعد تركيب الكفرات انصحك كل 10 الاف كيلو تبدل اماكن الكفرات على شكل X او ( الامامي تحطه ورا ، والخلفي تحطه قدام ) عشان ما تتسمح الكفرات بسرعه

6/ اثناء السفر ووجود اشخاص معاك وعفش انصحك بزيادة ضغط الكفرات إلى 35

7/ الحرص كل اسبوعين على معايرة ضغط الكفرات عند البنشرية او بنفسك تشتري لك معاير ضغط صناعته كويسه بـ 50 ريال مثلا وتخليه بالشنطة وتعاير ضغط الكفرات اذا اردت مثلا الصبح قبل لا تشغل السيارة وتشوف الضغط لان المعايرة الصحيحة للكفرات تكون والسيارة والكفرات باردة والجو كذالك والا تكون على منحدر او مرتفع

احذر ثم احذر من الي يبيعون لك الكفرات الي جاية من الامارات فأغلبها يكون تخزينها سيئ ولاعب فيها الشمس وحتى مصدر الكفرات غير مطمئن كذالك وكالة الكفرات الرئيسة اضمن ويعطونك ضمان على الكفرات

بعض تجارب اخواني الاعضاء في المنتدى واراءهم عن الكفرات


http://hondaarabia.com/club/t4892/


http://hondaarabia.com/club/t19679/


تمنياتي لك بالتوفيق ( وانتبه من السرعة ففي العجلة النادمة وفي التأني السلامة )

انا ماحصلت كفرات نوع بوتنزا إدرينالين عند الوكيل ماتحصل منها لانها نقشه رياضيه ومزعجه بصراحه لو احد من جدة يعرف مكان عندوا هذه كفرات ياريت يقلي وين مكانو

ميشلان برمسي لين وحلو وسعره رخيص روح لوكيل ميشلان صدقني كفر طيب

http://www.tirerack.com/


شوف هالموقع دخل سيارتك ونوعها وموديلها وهي هي فل او سوح او نص فل ويعطيك الكفرات المتاحة والمناسبة لمقاس كفر الوكالة ويعطيك الاسعار وتضربها في 3.75 وقد تزيد عندنا او تقل حسب المكان وتاريخ الكفر والعروض عند الوكلاء


فيه كفرات هانوك شبه رياضية اسعارها مقبولة بس يمكن ما تحصلها عند الوكيل

المشاركة الأصلية كتبت بواسطة حميد

ميشلان برمسي لين وحلو وسعره رخيص روح لوكيل ميشلان صدقني كفر طيب

كم سعره الله يرضى عليك + هل هوالميشلان الامريكي بريسيمي ؟

وشكرا

اليوكوهاما سيء عن تجربة (قاسي جدا ويطلع أصوات وشقوق في دعسة الكفر ) ولكن نقشته ما تتمسح بسرعة
واللي أشوفه أن أفضل الكفرات للهوندا من ناحية الراحة وعدم خروج الأصوات والسعر هو: تويو وميشلان وبريجستون

^^

لا يجب الحكم على كفرات من تجربة واحدة لك وايضا الشركة الواحدة لديها عدة انواع كثيرة من الاطارات مب نوع واحد

اذا الشخص بيقول تجربته في الكفرات يذكر الشركة واسم الكفر ونوعه ومقاسه وعيوبه ومواصفاته لكي يكون دقيق اكثر

اشكرررررررركم جدا جدا على تفاااعلكم جزاكم الله خير
وتم شراء ميشلان برايمسي اتش بي فرنسي
والصراحه انعم من التايلندي بس الازعاج بعددني ماحسيت بالفرق خهع

شكرا لكم مره اخرى

بالنسية للازعاج والقساوة يا خوي هذي عيب السيارة مو عيب الكفرات مهما كان نوع الكفر صوت الازفلت واضح بسبب سوء العزل والقساوة بسب نوع تعليق السيارة القاسي
من ناحيتي كان عندي ميشلان وغيرته نتو ثم برجستون والمشكلة نفسها ازعاج وقساوة

بما ان الموضوع عن الكفرات فاحب اطرح تساؤل واتمنى ما ينزعج صاحب الموضوع لكن لتعم الفائدة للجميع

انا مركب كفرات ميشلان وعايش في الشرقية

لما جيت الرياض الاسبوع اللي فات أحس اني صرت مفحط محترف من كثر الاصوات اللي تطلع من الكفر لما اديور او اضرب بريك
بينما في الشرقية مافيه اي صوت ابداً

ويش الموضوع يا جماعة الربع ؟؟؟؟؟

انا عن نفسي

مركب دنلوب ولو انتهت بركب دنلوب ولو انتهت بركب دنلوب

قبل شهر ركبت ميشلان نفس اللي معي الواحد 540 وحولها.

متعوديين على الازعاج..

اخر كلام وخير الحديث ما قل ودل نصيحه ركب تويو

المشاركة الأصلية كتبت بواسطة eliqio

بما ان الموضوع عن الكفرات فاحب اطرح تساؤل واتمنى ما ينزعج صاحب الموضوع لكن لتعم الفائدة للجميع

انا مركب كفرات ميشلان وعايش في الشرقية

لما جيت الرياض الاسبوع اللي فات أحس اني صرت مفحط محترف من كثر الاصوات اللي تطلع من الكفر لما اديور او اضرب بريك
بينما في الشرقية مافيه اي صوت ابداً

ويش الموضوع يا جماعة الربع ؟؟؟؟؟

مساء الورد
انا لاحظت هالشي كانه الكفر ضغطه ناقص لدرجة اني شيكت والضغط مضبوط ولمى اطلع من الرياض تختفي .... اتوقع من حرارة الزفلت الزايده والجو الجاف الكفر يصرصر من الحرارة ...
طبعا الكفر عندي ميشلان ,,,, وانواع القساوة

ميشلان بيرمسي فرنسي سعره الان 400 للحبه يجي مقاسه اصغر من الوكاله ولين وكفاءه وصدقني كفر طيب مافي ازين منه ولك تحياتي وتحصله بوكيل الجفالي بالخبر والدمام واكيد بجده والرياض
تحياتي واتمنى لك التوفيق

بالنسبه للكفرات
ركب جوديير الالماني
وبتدعيلي
لين وهادي وضمانه مفتوح
ونقشته حلوه

المشاركة الأصلية كتبت بواسطة هوندانا

http://www.tirerack.com/


شوف هالموقع دخل سيارتك ونوعها وموديلها وهي هي فل او سوح او نص فل ويعطيك الكفرات المتاحة والمناسبة لمقاس كفر الوكالة ويعطيك الاسعار وتضربها في 3.75 وقد تزيد عندنا او تقل حسب المكان وتاريخ الكفر والعروض عند الوكلاء


فيه كفرات هانوك شبه رياضية اسعارها مقبولة بس يمكن ما تحصلها عند الوكيل

في الموقع اختار اي نوع للاكورد 2009 فل ؟ ex ولا ex-l ولا lx ؟

ex اعتقد للفل كامل

و lx للسبيشل او السوح

على ما اظن

بتلاقي انواع كثيرة مرهـ منها الغالي والوسط