رد مع اقتباساذا سحبت مرتين يروح الضمان
أنا رأي السيارة أول 20 ألف لا تحتاج صيانة غير زيت وسيفون بسسس
وديت انا سيارتي صيانة الف كيلو وفيه اكسورات كانت ع القير من الوكالة وماحصلتها ورجعت سالت عنها يقولون مو عندنا. ودحين سيارتي ماشيه 6الاوف ف مادري اوديها صيانة 5الاف والا اسحب
اذا سحبت مرتين يروح الضمان
أنا رأي السيارة أول 20 ألف لا تحتاج صيانة غير زيت وسيفون بسسس
شوف يالغالي انا سويت صيانة 10 الاف وعرفت ان الوكالة ما عندهم سالفة وزرف دراهم قالوا تربيط وتشيكات ولا سووها وقدامي شف نصيحة لك
انت رح الوكالة كل 5 الاف كيلو وغير الزيت والسيفيون وبس ولا تسوي شيء غيره
وفلتر الهواء وفلتر المكيف نظفه برا الوكالة عند اي بنشري والكفرات بدل اماكنها كل 10 الاف كيلو x او ( خلي الي ورا قدام والعكس )
إلى ان توصل إلى 60 الف كيلو غير زيت القير في الوكالة
واعتقد فلتر الهواء وفلتر المكيف تتغير عند عند 30-40 الف لكن ( حافظ على تنظيف فلتر الهواء وفلتر المكيف كل 3-5 الاف كيلو بالهواء عشان يعيش الفلتر اطول فترة ممكنه اذا ما كنت تحافظ ماراح يطول يعني 15 ويخرب بس حافظ على نظافتهم باستمرار ( فلتر المكيف غالي حافظ على نظافته دائما نصيحه)
وممكن تغير الزيت في بترومين لكن جب زيت هوندا الاصلي او زيت متطابق مع لزوجة زيت هوندا الاصلي وبالمعيار الاصلي ( السيفون اشتره من قطع الغيار الاصلية حقت الوكالة او النعماني في الصناعية القديمة في الرياض ولا تشتريه من اي مكان غيرهم لانه بالغالب ما تكون اصلية الا عند الوكالة والنعماني فقط )
بالنسبة للزيوت الاخرى زيت الدركسون ، الفرامل اذا نقصت عبها من الزيوت الموصى بها من المصنع خصوصا زيت الدركسون انتبه منه الزيادة والنقصان تخرب الطرمبة والدودة عليك
الفحمات اشتر الاصلية اليابانية من قطع الغيار واسئل دوما عن الخصم و ( النعماني سعره كويس )
انت بس حدد موقعك واسئل اخواني الاعضاء ويعطونك الورش الممتازة المتخصصة في هوندا
( موية الراديتر اذا احتجت تعبيها عبها موية مقطرة اصلية او الموية الموصى بها من المصنع ، الموية حقت المساحات يفضل انك تعبيها موية مقطرة )
وعادة السيارة خلال الـ 3 سنوات الاولى مع القيادة الهادئة ما تطلب الا حاجات استهلاكية زيوت وفحمات وسيور
البواجي تتغير 80 - 100 الف والافضل الا تتجاوز الـ 100
زيت القير لا تغيره الا بالوكالة + ينصح بتغيير فلتر القير الخارجي مع كل تغيرة زيت قير
زيت القير اول مرة عند 60 الف كيلو والمرة الثانية عند 100 الف كيلو والثالثة عند 140 الف زود 40 الف كل مره وهكذا
البنزين ينصح انك تعبي فل دائما لكن لما تعبي بنزين خلي العامل يعبي شوي شوي طقة وحده ولا يزيد يعني مثلا جيت تعبي فل وطقت شيشة البنزين فل 31.42 ريال مثلا قل للعامل لا يعبي زيادة لانها مع الوقت تضر طرمبة البنزين وكذا
اذا حصل مشكلة بالسيارة لا سمح الله مستقبلا وكان عيب مصنعي روح الوكالة وانشب بحلقهم ، واذا رفضوا كلم الشركة الام سوا في اليابان او امريكا حسب صناعة سيارتك ـ ولا يهمك اكبر شنب بوكالة هوندا تراهم وصخين بهالسالفة
ميزان الاذرعة الالكتروني اذا احتاجت السيارة ودها للوكالة عندهم ميزان كويس وراقبهم اثناء عملهم وحاول فيهم يسوون لك خصم وكذا
دائما راقب المواضيع والمستجدات خصوصا بقسم الصيانة ولا تترد بأي سؤال ترانا اخوان
اي سؤال جاهزين تحت امرررررررررك
الفحمات فكها وصنفرها او نظفها كل 10 الاف كيلو + تبديل اماكن الكفرات يطيل عمرها الافتراضي بس خل ورشه مختصه بهوندا تفك الفحمات وتنظفها وتصنفرها
يعطيككم العافيه وربي يباركم فيكم ماقصرتو اخذت معلومات كثيره جديدة لان اول سيارة اشتريها ومو عارف ايش اغير غير زيت مكينة وسيفون ومكاني انا ف جده وىسيارتي اكورد سبيشل لميتد
خذ النصيحة مني روح الوكالة كل 5000 وغير زيت مع سيفون ب135 ريال ولا تسوي شي غيره
سيارة جديدة ماتحتاج شي 3سنين على الاقل ولما توصل 40000 غير فحمات خلفية بدون خرط هوبات
بالنسبه لي من 1000 الى 65000 الف في الوكاله .
الصيانات القادمه بسحب عليهم نفضو جيوبنا من غير فايده .
انت رح الوكالة وغير زيت وفلتر زيت ( سيفون ) عندهم مع تعبئة الراديتر الاحتياطي قربة الماء بالماء المقطر + تنظيف فلتر المكيف وفلتر الهواء بالهواء بـ 135 وخلهم يعطونك سند قبض او فاتورة مكتوب فيها كل هذي + خلهم يكتبون عداد السيارة عند كل تغيرة زيت واحتفظ بهذي الفواتير
وزيت القير عند 60 الاف في الوكالة + غير فلتر القير الخارجي مع كل تغيرت زيت قير
الكفرات غير امكانها كل 10 او 15 الاف كيلو
وشوف الصيانات المهمة مثل 60 الاف ، 100 الاف هذي احرص عليها في الوكالة
ولا الباقية زرف دراهم وانا اخوك اجل صيانة 10 الاف كيلو بـ 475 ؟؟؟ وش خلوو للكزس ؟؟
انا سويت صيانة الى 100 الف ولا استفت غير الخساير
الي كسبته مروحة الدرج خربة وصلحوها على الضمان وغير كذا مافي شي
سويت لها صيانه بال 25 ألف فقط .. وكان تغيير زيت ب 135 ريال وهي المرة الأولى والأخيرة اللي ازورهم فيها .
طريقتي دائما في كل سياراتي اشتري قطع الغيار من الوكالة وأغيرها بنفسي في ورش برا بسعر اقل بكثير
يارجال الزيت مايبي له شغله ترا !! عشان ماتروح الا عند الوكاله . سو مثلي . اشتري 10 فلاتر زين ( سيفون ) من الوكاله . وحطه بالشنطه . واشتري كرتون زيت ورح لبنشر كويس يغير لك زيت ب 10 ريال ومع فلتر ب 15 ريال .. طبعا غير كل 5 الاف زيت وكل 10 الاف مع فلتر .. والوكاله رح لهم على صيانه 60 الف . عشان زيت القير .. و 80 الف عشان فلتر البنزين و 100 عشان البواجي .. واسسحب عليهم .. والضمان مايروح ماعليك منهم .. صار شي راسل شركه الام ولا تتعب نفسك معهم الي هنا ...
نصيحه لك ..
المشاركة الأصلية كتبت بواسطة فتىسدير
اضيف على كلامه زيت القير ايضا في الـ 100 الف + نظف فلتر الهواء والمكيف كل 5000 الاف كيلو مع تغيرة الزيت ولا تهملها ابدا
وكل 20- 30الاف شيك على الفلتر اذا يحتاج تغير ولا لا
تبديل اماكن الكفرات مهم يعني كل 10 الاف بدل اماكنهم عند بنشري محترم وانتبه لا يشد ولا يرخي صواميل الكفرات خله يلفها شوي شوي عشان تمسك صح
الوكالة نصابين يارجل تشيكات وخرابيط والله لعب على الدقون وانا اخوك
باقي الزيوت تعلم كيف تشيك عليها تشوف علبة الزيت مثلا حقت الفرامل لها حد من برا حد اعلى وحد نازل اهم شيء يكون داخل النطاق واذا ناقص عبه زيت من نفس النوعية الموصى بها من هوندا خصوصا زيوت الدركسون هذي انتبه لها فقط عب زيت الي يستخدم في الوكالة ويعبون للدركسون منه
البواجي تتغير برا الوكالة ما يبيها لها شيء بس روح عند ورشة مختصه بالاكورد وجب البواجي معاك بس وتأكد انها تتطابق مع سيارتك وموديلها وانها اصلية
بسألك بالنسبة لو بغيت اغير الزيت في بنشري يوما من الايام
كم علبة احط لاني اغير السيفون مع كل تغييرة زيت
اشوف الوكالة يحطون 4 لتر بالضبط + انهم يغيرون السيفون عند كل تغيرت زيت ويكتبون في الورق اننا حطينا 4.2 لتر !!!
ولما يخلص من تعبئة الزيت يشغل السيارة 10 ثواني ويطفيها ويرجع يعاير الزيت يحصل مستوى الزيت عند النقطة الصغيرة الي فوق
انا مستغرب منها
انت تغير عند البنشر يطلع لك مثلي ؟
تستمر في الصيانه ليش ؟
الااذا فلوسك زايده شي ثاني
عموما اهم صيانتين الــ60الف والـ100الف
البقية وجودها والعدم واحد
حتى الاقمشة لو خلصت غيرها برا وريح راسك
أنا أغيره برا وأخليهم يحطون أربع علب وربع تقريبا مع السيفون طبعاً .. وهذا اللي موجود بالكاتلوج وهم اللي صانعين السيارة وأفهم من عمال الوكالة
طبعاً الزيت له حد أدنى وأعلىزيت ضررها والوكالة يضعون الحد الأدنى له ربما للتوفير أو للإحتياط لأن الزيادة في الزيت ضررها كبير وأكثر من النقص
طيب شباب كيف أعرف أن البطارية قربت تخلص ؟؟ يعني هل تطلع علامة في الطبلون ولا كيف ؟؟
^^
انت شوف كل بطارية ولها مثلا فترة وتخلص فجاءة عليك بدون سابق انذار انت شف اذا حسيت انها خلص ضمانها عطها شهرين وبدلها وحسب النوع فيه بطاريات تعيش مدة طويلة في شيء ابو سنه ويخرب
http://www.assayyarat.com/forums/thread27783.html
اقرأ هذا الموضوع واذا ما استفدت
اهم شيء انك تغيرها بنفسها وعليها ضمان ولازم تكون نفس الامبيرات
واشترها من وكالتها مب محلات الزينة والبناشر
واتوقع السيارة قد تحتاج لبرمجة بعد تغير البطارية
يعني لما اغير في محلات بترومين مثلا وش نوع الزيت الي اغيره ( مثلا لو ما لقيت زيت هوندا وكنت مضطر اغير الزيت ) ووش اللزوجة المناسبة
وهل اخلي الفني حق بترومين يحط 4 لتر مع السيفون ولا 4.25 او 4.20 لتر مع السيفون
ولما اغير زيت بدون سيفون كم لازم احط من لتر او علبة بالضبط
وهل عدم تغير السيفون كل 5000 لها اضرار على المكينة ؟
بالنسبة لي أغير موبيل عيار 15 40w لكن هالعيار توقف من السوق من 3 شهور تقريبا مدري ليش وما كنت احصل إلا موبيل تصنعه بينما الشركات الثانية ماتوفره مدري ليش ..
حاليا أغير فوكس سوبر جي تي 10 30w وأنا اشوفه ممتاز وخفيف ومريح للمكينه ..
مع السيفون حط أربع علب و200 مل فقط ,, ومن دون سيفون 4 علب فقط تقريبا لأن سيفون الأكورد صغير وسعته هي ال200 مل الفارق بينهم
الأفضل تغيير الزيت مع السيفون طبعاً وإن كان هناك ضرر فلن يكون ملحوظ طبعاً وإنما على المدى البعيد سيتضح الضرر ,, لأن السيفون هو فلتر للزيت وعن تغيير الزيت دون الفلتر فستقل كفاءة السيفون وربما تصل بعض الشوائب للمكينه بسبب إمتلاء الفلتر ببقايا الزيت السابق
22 ريال مبلغ بسيط تريح راسك وتحافظ على سيارتك
والله أعلم
فلت رالزيت حق الاكورد ما كان ب 15 ريال ؟؟
سحقا لك عبدالله هاشم
http://www.hondaarabia.com/club/t21904/
يقولون 4.5 علب بالسيفون
و 4 علب بدون سيفون
ما عرفنا لكم تتوقع يقصدون مكينة 2003-2007 ولا كلهم نفس العيار والمستوى في الزيت ؟؟
شكلنا والله بنسحب سيفون على الوكالة
الكاتلوج يقول 4,2 للأكورد 4 سلندر .. هم اللي صانعينها وأفهم من الوكيل وغيره
ممكن ال 4,5 للأكورد 6 سلندر أو الموديل السابق
فلتر الزيت عند الوكالة ب 27 ريال وبعد الخصم آخذه ب22 ريال .
الفلتر آخذه من الوكالة والزيت نغيره برا اسرع وأقل تكلفه .. عبدالله هاشم نصاب ومستغل وإلا الرياض مافيها إلا فرعين صيانه ؟؟؟!!!
ورا ما تاخذ القطع من النعماني الي في الصناعية القديمة ( حسب كلام الشباب هنا )
خذ لك 6 سيفون ممكن يخصمون لك عليها ويطلع عليك السيفون باقل من 22
انا داري وحاس ان السيفون المستخدم في صيانة الوكالة مب درجة أ او احسن شيء
الي قرأته ان الامريكي افضل شيء والوكالة تستخدم ياباني درجة اولى ..
كل واحد اصغر من الثاني
فرعين صغيرات والله ما تليق بسمعة وشعبية هوندا
المفروض في الرياض 4 فروع صيانة على الاقل
واحد شمال وواحد غرب وواحد شرق ( خريص ) وواحد جنوب ( الصناعية )
حي الشفاء لحاله يستحق فرع صيانة كاملة ( لو خدمة سريعة على الاقل )
فتحوا فرع في الخرج صيانة (( بدررررررررررررري ))
انا آخذ من الوكالة 3 أو 4 بسعر 22 .. بعض القطع الأساسية والمهمة أفضل آخذها من الوكالة أضمن ومن ضمنها السيفون لأن الفرق بالسعر راح يكون بسيط ومايسوى
والسيفون اللي آخذه من الوكالة صناعته أمريكي وليس ياباني ,, ولو كان ياباني بآخذه أيضا
ضوابط المشاركة
مواقع النشر (المفضلة)