وجه سيارتي معدوم من حادث مسااااعده عاجله تكفون

**A 7 S A S** · 08-07-2012, 01:34 PM

السلام عليكم

ان شاء لله تكونون باتم صحه وعافية

يالربع معي سياره هوندا اكورد 2010 ابيض اربع سلندر وجهيت السياره معدومه ابي افضل ورشه وتقيم ومكانيكي تنصحون فيه شباب مساعدتكم وتنصحون بالوكاله او لا

ووش تنصحوني القطع وكاله او لا وياليت الورشه المناسبه انا في الرياض وسيارتي وقفتها في ورش ام الحمام ومحتااار ولا اعرف فالرياض شي خاااصه في الورش

ياليت ماتبخلون علي باي معلومه تفيدني شكرا لكم من القلب قبل وبعد كل رد ..

**A 7 S A S** · 08-07-2012, 02:26 PM

up up

**A 7 S A S** · 08-07-2012, 08:03 PM

up up

**alkasr777** · 09-07-2012, 07:09 AM

ابحث في قوقل بتحصل اسماء ورش ممتازة و لو اني من اهل الرياض كان والله خدمتك

و الحمد لله على السلامة و الله يعوضك خير...بالتوفيق

**B Useful** · 09-07-2012, 08:23 AM

فيه ورشه كويسة بحي الشفا ..

اذا كانك جاي من ديراب من جهة الملك فهد

رح سيدة لين يجيك طريق الامام مسلم
اطلع معة يسار
مع ثالث اشارة اطلع يسار
تصير الصناعية على يمينك امش سيييدة
بتجيك محطة على يمينك فيها صراف الانماء خش معها يمين شارع سيدين
امش سيدة بيجيك تقاطع (شارع منور فيه لمبات ) اطلع مع التقاطع يسار
ثاني لفة يسار
اول لفه يمين
ثاني ورشة على يمينك
الظاهر اسمها الضرغام او الغضنفر

حط موترك عندهم وشغلهم تمام خاصة بالبوية والرش الجزئي

القطع والله انا مدري وش المتضرر في سيارتك .. ( حط صورة للسيارة ونفيدك او اكتب القطع اللي يبيلها تغيير )

لكن التشليح ارخص من الوكاله بنسبة تصل الى 70% في بعض القطع مثل العكوس ودودة الدركسون ..
وبعض القطع نفس او قريب من سعر الوكاله مثل قربة المويه والدينمو حقها ..
وبعض القطع ان شافك كيوت وحبوب يجيبها لك اغلى من سعر الوكاله ..

التشليح يبيلك تكون مروق وراعي طقطقه ومفطر فول ومكاسر بإسلوب عشان تستمتع ..

الوكاله بتزرفك زرفه طيبة .. فيه موزع لقطع الغيار على نفس شارع الصناعية عندة خصم طيب من الوكاله وله بأمور التشليح والشغلات هذي ..

الموضوع: وجه سيارتي معدوم من حادث مسااااعده عاجله تكفون

أدوات الموضوع

عرض

وجه سيارتي معدوم من حادث مسااااعده عاجله تكفون

مواقع النشر (المفضلة)

مواقع النشر (المفضلة)

ضوابط المشاركة