الموضوع: الرجاء من الجميع الرد مشكلة في الفرامل الاكورد 2012

يا اهل الخبره أنا اشتريت فحمات أمامي لسيارات الاكورد 2012 بسعر 290 ريال صناعة يابانية بس مو من الوكالة
وقالي صاحب المحل انها اصلي وسعرها في الوكالة غير وانا اول مرة اشتري قطع لسيارتي هل اروح عند اي ورشة لتغيير
الفحمات او القماشات او لازم فني متخصص من الوكالة والمشكلة الوكالة بعيدة وسيارتي موقفها عند البيت وماحركتها لأني
سمعت صوت في السيارة يوم امسك فرامل والسيارة لها معي 7 اشهر من يوم شريتها من الوكالة وخفت انها تزيد المشكلة وما حركتها ..
أفيدوني هل هذا عطل في الفرامل وهل اوديها عند اقرب ورشة مني وهل الفحمات اللي جبتها اصلي ....
وشكراً .......

انا عندي أكورد 2007
أخذت الفحمات الامامية بحدود 360
ويوم ركبتها كل شوي توصخ الجنوط الاماميه تصير سوداء
رحت للورش قالوا لي من الفحمات ماهي أصليه تتفتت <<< تقراها من الجهتين ^_^
المهم انها تتفتت ع الجنط رحت للوكاله قالوا كل فحماتنا أصليه والحين الفحمات قامت تصفر ولها 5 شهور

السلام عليكم .انصحك تغير بالوكاله افضل وأضمن -لأني مره غيرتها ببنشر طلع صوت واقلقني فتره من الزمن سويت مرتين خرط بلا فايده وفي النهايه رحت الوكاله غيروا الكليبرات على الظمان وراح ولله الحمد -انا مابي اخوفك اذا كان تعرف بنشر او ورشه فاهم في تركيب فحمات الهوندا تمام .ماتعرف لاتطيح سيارتك بورشه ماتعرفها . لن بعض الورش همهم فلوس ماهمهم كيف يرضو الزبون بالعربي . توكل على الله وروح الوكاله

الله يعين انا معاي اكورد 2012 لها 3 اشهر تقريبا وبيدت احس ان الفرامل تضعف يعين لم ادوس على الفرامل تروح رجلي جوه

يا إخواني أنا رحت الورشة عند ميكانيكي صاحب خبرة وفك الكفرات الأمامية عشان يغير الفحمات ولقينا انها باقي كويسة وبتمشي معي اقل شي 3 اشهر
وبالصدفة في واحد من ربعي لقيته في الورشة ومعها سيارة اكورد 2008 وقالي ان الفحمات الخلفية تنتهي قبل الأمامية وغيرها في سيارته مرتين قبل ما تنتهي الأمامية
وسألته طيب ليش ؟ وقال لان الضغط يكون على الفحمات الخلفية اكثر عند الدعس على الفرامل وهذي ميزة في الاكورد عشان لا تميل السيارة الى الامام ويختل توازنها
يعني تنزل السيارة من الخلف او بمعنى اخر تنضغط من الخلف الى الأسفل بعكس السياراة الثانية مثل الكامري .....
ثم قام الميكانيكي بفك الكفارات الخلفية ووجدنا ان الفحمات منتهية وان الصوت اللي يطلع منها ولازم تغير ...
شكرًا لكل من قام بالرد على الموضوع ....​

بالتوفيق وزين انك افدتنا يعني بالاول نشيك على الخلفية

تسلم اخوي

يا أخوان خذوا العلم مني خبرة وتجربة مع الفحمات

الامامية ماغيرتها الا يوم مشى الموتر 200 الف !! موديل السياره 2009

والخلفيه كنت اغيرها كل 20 الف تقريبا لان كان فيها عيب مصنعي في الكليبرات اللي تمسكك الفحمات ويوم غيروها لي ضبط الموتر وصار يمشي 70 الف بدون مااغير الخلفي بس مااكون شاد على الفحمات اقصد نفس الميكانيكي اللي ركب الفحمات ماشد عليها بالحيل لكن صارت افضل من اول ( في العمر )


اذا جيتوا تغيرون الفحمات انتبهوا ( تخرطون هوبات ) مواتركم جديده لاتخرطون الا على الاقل بعد سنتين لان الهوبات لها عمر افتراضي مع الخرطة الثالثه يمكن تحتاج تغيير
انا موتري ماشي حول 255 الف وللحين ماخرطت هوبات ولاهم يحزنون لكن قريب راح اخرط وللمرة الاولى


الفحمات الخلفية اذا مشتك 60 الف ممتاز والامامية غيرها مع الخلفية على 120 الف وهكذا
وركبوا اصلي وخذوها من الموزعين النعماني افضل لكم اصلي زي الوكاله وارخص تجي الخلفيه بـ 220 ريال تقريبا

الله يعطيك العافيه تأألمت بس تعلمت
كفيت ووفيت بالمعلومات
بس بالنسبه لمن غير اصلي من موديلات 2007 وتحت وكانت الصناعه فرنسيه فيوجد فيها عيب انها تسود الجنوط مع الاستخدام حتا لو 1000 كيلومتر وانصحهم بتغيير الاقمشة اليابانية من الموزعين مثل النعماني
وبالنسبه للاقمشة الخلفية من يوم غيرت الكليبرات والاقمشة في الوكاله مجانا ماغيرتها ابدااا ولها تقريبا سنه و10 شهور ماشاء الله