جراب جديد لمفتاح هوندا بعده ألوان و فرشات أرضيه غير

[ن ع ر السعودية 0005]

بسم الله الرحمن الرحيم

أولا : السلام عليكم ورحمه الله وبركاته

اليوم جايب لكم صور عن جراب حلو ومختلف ومميز وفيه له عده ألوان منظرها جدا رائع وتمتاز أنها تحمي المفتاح إذا طاح أنه ما يتفكك أو يتمخش أخليكم مع الصور والأكتشاف الرائع .

وهذي الصورة الأولى وهي لبعض مفاتيح وجرابات السيارات الأخرى

وفي الصورة الثانية لمفاتيح الهوندا

وهذي الصورة والمفتاح على الجراب

http://www.m5zn.com/uploads/2010/10/8/photo/1008100610122ta8fonfgurye9i9vm2m.bmp

الحين نجي لصور الفرشات الأرضية وفيه منها لونين البيج وهذا للأسف ما عندي صور لها واللون الثاني الأسود أو يمكن يكون قريب للون الرمادي نوعا ما . أخليكم مع الصور .

في هذي الصورتين توضح كرتون الفرشات وهي باللون البيج .

وهذي باللون الأسود وتجي 3 قطع

هذي حقت باب السائق

وهذي حقت باب المعاون

وهذي حقت الخلفية كاملة قطعة وحده زي ما تشوفون

وهذي الثلاث قطع كاملة

هذي وهي راكبه وهي خاصة بموديل من 2008 إلى 2011

هذي وهي راكبه لموديل 2003 إلى 2007 وزي ما تشوف مغطية الأرضية بشكل كامل بحيث تمنع وصول الماء للفرش الأرضي وكذالك التراب

وهذي حقت باب المعاون لموديل 2008 إلى 2011

وهذي للخلفية وتوضح أنها مغطية كل الفراغات وثباتها وعدم تحركها زي الفرشات العادية

وهذي توضح أكثر كيف طريقتها

وبكذا أنتهيت من هذا الموضوع وأخذ مني4 ساعات تقريبا لأن الأتصال عندي ضعيف ومواقع التحميل سببت لي قلق شوي لأن بعضها بطي والبعض يرفض رفع الصور لكن الحمد الله أنتهينا على خير .

وفي الأخير الجرابات مو موجودة هنا في السعودية وكذالك الوطايات :( إذا تبغاها إطلبها من برى السعودية :d

إذا أعجبك الموضوع أكتفي بشكرك لي . أخوكم عبدالله

[حـمودي]

يشرفني اني اكون اول من يرد على موضوعك المميز

وصرااحه حركه حقت المفتاح والوطيات

بسس وين فيه ذي يبيعوونها ..؟

[King]

عندي تعليق بسيط على الأرضيات, المشكلة ان الأرضيات إلي تطلبها من برى تجي فيها
فتحات خاصة لتثبيتها بأرضيات الأكورد, لأن الأكورد إلي هنا مالها اي مثبتات للأرضيات.

انا ودي احد يكتب لنا رد إذا كان مجرب هذا النوع من الأرضيات.

ويعطيك العافية يالغلا.

[ن ع ر السعودية 0005]

عندي تعليق بسيط على الأرضيات, المشكلة ان الأرضيات إلي تطلبها من برى تجي فيها فتحات خاصة لتثبيتها بأرضيات الأكورد, لأن الأكورد إلي هنا مالها اي مثبتات للأرضيات.

انا ودي احد يكتب لنا رد إذا كان مجرب هذا النوع من الأرضيات.

ويعطيك العافية يالغلا.

أعتقد أنه ما فيه مشكله بنسبة للفتحات هذي لأنها راح تكون ثابتة ومغطية المكان وما في أمل أنها تتحرك ومشكله الفتحات ممكن أنك تلغيها بأي أختراع بسيط .

ونتمنى أي واحد جربها يعطينا معلومات عنها ومن وين أخذها إذا كانت موجودة هنا في السعودية .

ونورت الموضوع يا كنق

[B Useful]

** يعطيك العافية ع الموضوع والمعلومات **


King@
الدعاسات القديمة اللي كانت تجيبها الوكالة كانت بـ 250 على ما اظن ..
خامة متينة .. وفيها فتحات للأرضية ومشقبيات خاصة .. تركب ولا تتحرك ..

الجديدة الحين اللي بـ 100 ريال .. الصينية المخيسة ،، مع الاسف مافيها هالشغلة ..

[AboOoSh]

اهنييييك على الموضوع
والله الجرابات خطييرهـ
وبنسبهـ لدعاسات وديبها بس وين نحصلها

ومشكوور على الطرح

تحياتي

[Ëńġ․ℱάίśάℒ]

طيب هذي الاشياء وين نحصلها ولا نطلبها من برا

[Tiger-v6]

اشكرك اخوي علي موضوعك المميز

و بالنسبة للفرشات الي عندي فيها فتحات وتتثبت يعني دي تركب ميه ميه

[S A M I]

السلام عليكم ..

يعطيك العافيه .. صراحتا الجرابات جدا خطيره .. والدعاسات اخطر ..

وحصلت هذا الموقع الي يبيع الدعاسات .. http://www.weathertech.com

بس سعرها غالي شويتين .. يطلع عليك تقريبا 600 ريال

وفي مثلها للشنطه ..

وجاري البحث عن موقع يبيع الجرابات ..

.
.
.

.

[ن ع ر السعودية 0005]

طيب هذي الاشياء وين نحصلها ولا نطلبها من برا

هذي زي ما ذكرت في أخر التقرير أنها مو موجودة هنا في السعودية وهذي لزم تطلباها من برى :(

[قناص الطايف]

السلام عليكم اخوي
طيب ممكن اوصيك وتطلبها لي وبعدين ترسلها لي """""ومشكور

[ن ع ر السعودية 0005]

السلام عليكم اخوي
طيب ممكن اوصيك وتطلبها لي وبعدين ترسلها لي """""ومشكور

وعليكم السلام يا هلا فيك أخوي

يا ليت أقدر أطلب :d لأن ما عندي خلفية وزي ما ذكر أخونا S A M I أنها غالية وأعتقد أنه فيه أرخص لكن راح نشوف بعض المواقع إلي تبيعها بأرخص الأسعار مثل موقع ebay ونشوف السعر المناسب .

[EBrA]

مشكور الصارحه الجرابات اجرام خاضه الابيض

[k.s.b.s]

والله الصراحه الجرابات حق المفاتيح مرره حلوه
ياليت لو تقدر تطلبها تعمل خير والله
ياليت واحد من الاعضاء يجمع الطلبات ويطلب دفعه من برى

[عاشق الابيض]

ابدداع جدا ياليت الاعضاء يوفرونها لنا

[مجوووودي]

انا ابي الكفرات اقصد الجوارب :d

عشان اطقم مع كفرات جوالي البلاك والتكاميل :d

[أغـار يا هـوندا]

شكرآ عبادي

[accord7]

ابي جراب :(

[sul6an]

^^^^
وانا كمان :d

[tfah]

روووووووووووووووعه

[علالي]

وانا كمان ابي جراب

[ن ع ر السعودية 0005]

الكل مشكورين على مرورهم على التقرير وإن شاء الله ندرس الوضع ونشوف

[المباشر]

ممكن رابط الجرابات :d

[Ëńġ․ℱάίśάℒ]

و انا ابي جراب بس المفتاح ضايع ههههههههههههههههههههههههههه

[k.s.b.s]

يالله ياراعي الموضوع او المشرفين شدوا حيلكم واطلبوا لنا الجرابات من برى
يعطيكم العافيه