السلام عليكم اخواني
حصلت اكورد 2008 كوبيه
6سلندر وحبين استفسر عن المساحة الداخليه هل هناك فرق
بينها وبين الاربع ابواب الاغلبيه سمعت يقةل مساحة الكوبيه
الخلفيه حلوه ماتحس انها كوبيه فحبيت استفسر منكم
قبل لادق مشوار وهل هناك اختلافات اخري غير الشكل
بين البابين والاربع بيبان بخصوص قطع الغيار
غاليه او سعر مناسب
والله يكتب مافيه الخير
ويني وين الصاله الدوام ماخذ وقتي محصل واحد بيشيك علي السيارة
بيني وبينك خذ 4 ابواب افضل اذا ما عندك سيارة ثانية
لأنها لك وللزمن حتى لو ما يركب معاك احد
الكوبية تنفع سيارة ثانية لازم الكشخة والقيادة وسط الزحام
+
اكيد ان الكوبية نفس قطعها في السيدان ما اتوقع فيه فرق الا بالجنوط
طبعا مساحة (الاربع بـيـبـان) الخلفيه اوسع
مشكووووور ين علي الردود مالنا الا الاوف
طيب اخواني سؤال اخير بخصوص المكينة ايش الافضل الاربعة سلندر
او ال6 سلندر ؟؟؟
اذا انك معزم على الكوبيه .. مالك الا الـ 6 سلندر ..
اما اذا بتاخذ سيدان فأنصحك تاخذ فل جلد بدون شاشة سعرها بـ 106 الف في الوكالة .. وبعدين ركب لك شاشة اطلق من شاشة الوكالة بحول 2000 ريال ..
بصراحة الـ 6 سلندر غالية حبتين بـ 137 الف وفيه خيارات منافسة افضل منها ..
Honda Inspire : The other face for German Currency
محرك 6 سلندر طبعا افضل انا قبل معاي اربعة سلندر كانت سيارة ميته عزمها ماااش لكن السته سيارة تفاعليه وحية حتى لو زادت الحمولة في السيارة عزمها يبقى ممتاز
وفي البنزين كلهم نفس الصرفية وانا احس ان السته اقتصادية اكثر بسبب نظام ال vcm
مشكوور اخوي memories علي الصور والتوضيح
لاهانو الاخوان مبين من الصور مافي ذاك الفرق
طبعا السياره اللي باخذها مستخدمه موديل 2008
باخذها للولد علشان يفكني من المشاوير
ومنها وقت الكشخه ناخذها منه ونكشخ مافي مانع خخخخ
اما اخذ وكاله وين وين مافينا شده
بنشوف ممكن بموقع الشركة في مقاسات الداخليه للسياره
انا عندي اربعه سلندر وبسم الله ماشاء الله عزم و اقتصادية وعملية ..الست سلندر قطعهآ غالية ..ومعليك من الي يفتي من رأسه ناس تحب تفتي ..
^^^^
يا مفتي الديار انت
مين قال انه قطع الستة سلندر اغلى من الاربعة سلندر
قلي ايش القطع اللي تفرق بين الستة والأربعه غير المكينة وتوابعها!!
العفو يبو نادر ماسوينا الا الواجب
^^^
هههههههههههههه مدري
اما بخصوص القطع اخوى الحين السيارات مافي قطع رخيصة
كلها الفرق 5 ال 20 ريال فرق القطع بين الياباني والامركي والكوري
اول يقولون الامريكي رخيص لا يالغالي الحين الامور تغيرت
عندي امريكي الفلنجه حقت العكس للجمس 1300 ريال وطرنبة البنزين 980 ريال بعد المكاسر
والطرنبه حقت الماء للكدلك ب950 غير التركيب
شكلي بعود لليلباني ابرك لاني مشتري
قريب هوندا اوديسي , والحين بشري اكور حق ولدي
بس متحير بين الكوبه وال4 ابواب
مواقع النشر (المفضلة)