السلام عليكم

مبارك عليكم الشهر اخواني اسال الله ان يتقبل صيامنا وقيامنا

ياخواني انا خلاص وصلت لمرحة كارهـ ام الاكورد

ودي ابيعها اليوم قبل بكرا من جد شي ينرفز يرفع الضغط

سيارة 2011 تسمع فيها انواع القربعة والاصوات

والله صرت اتفشل اركب معي احد واخاف المس عيون القطط ويسمع صوت ديكور المسجل ولا خرفشة القزاز

شي لايطاق السيارة قاااسية الى ابعد حد مادري وش الحل ياخوان

والوكالة النصابين ماغير يلهفون فلوس الصيانة ويقولون نسوي تربيط وخرابيط ولا شفنا شي

وغيرت كفرات الوكالة الى قودير وبرضو مانحلت المشكلة فيه قساوة مو طبيعية وتحس ان السيارة ماتمتص الصدمة

ومره كنت اسوي ترصيص للكفرات عند ميزان المجد قلت خلني افحصها وقالي يبيلها مساعدات امامية 2

معقولة امداها تخرب والسيارة ماكملت سنتين والوكالة يقولون مافيها شي ؟

وش الحل ياخوان تخبرون لي ورشة تشوف لي حل او تربيط

وابي ورشة كويسة برش الصدامات انعدمت من الحكات والخطوط

وآسف ثقلت عليكم بس احس اني بنفجر وقلت اشكيلكم همي :d