ابفيدك بالرش
الوكاله مسوين عرض رش الصدام ب500 ريال والصدامين ب 800 بالتوفيق
السلام عليكم
مبارك عليكم الشهر اخواني اسال الله ان يتقبل صيامنا وقيامنا
ياخواني انا خلاص وصلت لمرحة كارهـ ام الاكورد
ودي ابيعها اليوم قبل بكرا من جد شي ينرفز يرفع الضغط
سيارة 2011 تسمع فيها انواع القربعة والاصوات
والله صرت اتفشل اركب معي احد واخاف المس عيون القطط ويسمع صوت ديكور المسجل ولا خرفشة القزاز
شي لايطاق السيارة قاااسية الى ابعد حد مادري وش الحل ياخوان
والوكالة النصابين ماغير يلهفون فلوس الصيانة ويقولون نسوي تربيط وخرابيط ولا شفنا شي
وغيرت كفرات الوكالة الى قودير وبرضو مانحلت المشكلة فيه قساوة مو طبيعية وتحس ان السيارة ماتمتص الصدمة
ومره كنت اسوي ترصيص للكفرات عند ميزان المجد قلت خلني افحصها وقالي يبيلها مساعدات امامية 2
معقولة امداها تخرب والسيارة ماكملت سنتين والوكالة يقولون مافيها شي ؟
وش الحل ياخوان تخبرون لي ورشة تشوف لي حل او تربيط
وابي ورشة كويسة برش الصدامات انعدمت من الحكات والخطوط
وآسف ثقلت عليكم بس احس اني بنفجر وقلت اشكيلكم همي :d
ابفيدك بالرش
الوكاله مسوين عرض رش الصدام ب500 ريال والصدامين ب 800 بالتوفيق
^^^^
هههههههههههههه
بس صراحه معلومه خطيره ودي ارش بس حاط الحمايه
يالغالي موضوع القساوى كلنا نعاني منه وانا وانت والي مركبين قودير يعنون منه بشكل كبير انا انصح للي بغير كفراته يركب تويو يقولون ناعمه مره بس انها مو عمليه
أنا سيارتي 2012 وأصوات الديكور عندي طالعة إذا كان الخط سيئ لكن لا تبيع السيارة حرام 2011 تبيعها لو بعتها راح تتحسف لأن الأكورد صراحة ما تتقارن مع الكامري والسوناتا وغيره من فئات الأكورد
ارفع المسجل ياعمي وتنتهي المشكلة .. عندي الديكور الخلفي كأنك حاط صحون على الديكور
باب الراكب يرفع الضغط عليه أصوات ما تدري من وين ؟؟؟
فيه صوت يطلع من ديكور القير بعد الـ 120 بالله كيف تسوي فيه ذا ؟
المهم طنشها واستمتع بالميوزيك !!
طنش تعش تنتعش
افضل حل .. تخيل انك بالددسن وعند الغنم وماشي على ردميه .. وانت تتحمل الوضع
كلنا قاعدين نتخيل هالشي عشان نخفف على انفسنا
ههههه لاحوول يعني الوضع مو بس عندي
والله مشكله
طيب يأ ABOOD.9991 بالنسبة لعرض رش الصدامات
متى هذا ؟
هذي مشكلة شركة هوندا لانها بدأت تهتم بعدد السيارات المتنجة وسرعة الانتاج بغض النظر عن العيوب الموجودة في السيارة يعني حاجات بسيطة يعجزون عن تلافيها مثل اصوات الديكورات ، العزل الخارجي والارضي سيء لإبعد حد ، وانا اعتقد انها متعمدة لاجل خفض التكاليف وسرعة الانجاز ولا هذي العيوب صعب جدا ان تجدها في سيارات الاكيورا
للآسف اغلب الشركات التي يشتري منها عامة الناس ، تويوتا ، هوندا ، هيونداي ، فورد ، جنرال موتورز ، نيسان ..الخ
ينتهجون نهج الاهتمام بعدد السيارات المباعة + خفض تكاليف ومشتقات التصنيع وبيع السيارات بمبالغ طائلة للآسف ...
انا كأني سمعت ان شركة هوندا تصرف مليار دولار لاجل دعم الوكلاء ورفاهية العميل ... المليار هذا ليتهم دفعوه في انتاج سيارات ذات جودة وعزل افضل
يعني زي عبدالله هاشم وش الرفاهية او الخدمة التي يقدمها لك .. غير شفط الفلوس + تأخير صيانة السيارات + اسعار قطع مرتفعة + عدم تفعيل الضمان واضافة شروط من عنده ( عدم المواظبة على الصيانة الدورية يسقط حق العميل في الضمان )
للي يفهم في الهندسة الصناعية وشغل المصانع اتوقع راح يؤيدني
نعم الوكالة نصابين لا تربيط ولا يحزنون اصلا الفنيين الي في شركة هوندا سيئين خصوصا الجدد منهم وكذالك فيه اضطهاد لهم من قبل مدراءهم فلا تتوقع من الفني الاخلاص في العمل بالدرجة المطلوبة ..
كذالك قلة مراكز الصيانة يعني من عرفنا هوندا وما عندهم الا فرعين صيانة في الرياض بكبرهـ والصيانة على طول ضغط
صيانة الـ 10 الاف قالوا لي تربيط وكلام كثير وما شفت نصه لاني كنت اتابع الفني وواقف على راسه
تويوتا كصيانة افضل
صدقت بكل كلمه اخوي هوندانا
مانقول الا حسبي الله ونعم الوكيل
العرض حق الرش قبل يومين مودي السياره صيانه وشفت الاعلان عند الاستقبال
المشكلة في ناس مو راضية تقتنع واذا قلت كلمة ضد هوندا قام عليك وجلس يدافع عن هوندا كأنها شركة ابوهـ واذا ما لقى له مخرج قال شف حتى الكوري فيه وما فيه وحتى تويوتا فيها ومافيها يعني هوندا مثلهم ;)
هوندا بالعربي كل مالها وتدج لا محركات قوية ولا عزل خارجي ولا حتى ارضي ولا مواصفات وصيانة وكيل سيء وطماع وسعر مرتفع جدا وصناعة امريكية ( هذي باطة كبود بعض الناس الي اذا قلنا امريكية صار وجهه )
الضمان من عند الله لكن الصيانة والله كذب في كذب للأسف ..................
الصيانة من نفس الواحد لكن القطع المهم أنها تكون أصلية والمهندس يكون ممتاز غيرها من الزيوت مثل الدريكسون والفرامل تكون من الوكالة ....
معليش على الشطحة ...
مواقع النشر (المفضلة)