بسم الله الرحمن الرحيم
السلام عليكم ورحمة الله وبركاته

اخواني انا كان عندي اكورد موديل 2006, 4 سلندر .. والحمدلله ما شفت منها أي مشكله و سياره جداً جميله
ولكن قدر الله وصار عليها حادث قوي ونفسي ماحبتها وبعتها وقلت مابعد الاكورد إلا أكورد ..

اشتريت اكورد 6 سلندر موديل 2007 ,الله يكتب لي خيرها ويكفيني شرها

وانا اكثر مشيتي بالسياره هاديه ,أساساً شوارعنا ما تساعد إنك تاخذ راحتك وتمشي بسرعه ..يعني لاحظت اذا امشي من 20 الى قبل الـ 60 احس كأن في أحد معاي يدعس بنزين :d راح احاول اشرحها ..يعني انا الحين امشي 20 ورجلي على البنزين اعطيها بنزين خفيف احس السياره تنط لقدام بسرعه يعني العمليه هذي ما تستغرق 3 ثواني احس كأن احد عطاها بنزين غيري وتندفع للأمام وترجع عادي بس مو قويه مره ..وإذا اجي بسرع من فوق الـ 60 نفس الشي اول ما اعطيها بنزين تكون عادي بعدها أحس بإندفاع السياره للأمام وترجع للوراء وتالي تكمل طريقها زي الحلاوه .. وأعتقد اللي راكب معي ما يحس لأن اللي يركب السياره ولا اقول له عن هالشي ما أشوفه يتكلم ويقول وش فيها السياره تنط ..سألت كذا شخص قالوا هذي عاديه في الأكورد من هالموديل اللي يكون 6 سلندر وأحياناً أول ماتطلع السياره وكاله يكون فيها هذا الشي ومايضر وبعض السيارات لما يتسوى للقير توظيب هم يصير مع بعضها هالشي ,المهم أنا مو مرتاح صراحه لأني مجرب الـ4 سلندر وكانت هاديه مافيها هذي الحركه بس هذي عزمها قوي وكل شي تمام بس القير معور راسي وجايب لي قلق ..أحد صارت مع هالمشكله ويعرف لها حل أو شي يخفف منها ؟ اللي سألتهم يقولوا مالها حل وما تضر
وتعتقدوا لأني جديد عليها بعد ما اتعود بيصير عندي هالشي عادي ؟ الفزعه يا شباب اللي له خبره وتجربه يفيدني باللي عنده لأن الصراحه من اول ما اخذت السياره وحسيت بهالشي وانا في قلق ومو مرتاح حتى احس الطفره هذي اللي تصير تخض بطني من كثرتها :d

هذا و السلام عليكم ورحمة الله وبركاته وأتمنى إذا ممكن تساعدوني