الموضوع: أحدى تطبيقاتي لأصحاب الأكورد : عدادات سيارتك بلون آخر !!!

السلام عليكم ..
كما عودناكم بالمواضيع الحلوة
ننقل أليكم في هذه المرة احد التطبيقات الجميلة التي رأيتها في جولاتي على النت وقمت بتجربتها وبائت بالنجاح المنقطع النظير ..

وش تتوقعون ممكن يسوي الهادف بذي الأغراض ؟؟ :d



مخطط الطبلون .. ((تمت اضافته بتاريخ 14-11-2007 ))




كما تعلم ان الأكورد من الجيل السابع ( 03-07 ) توجد في طبلونها انوار LED ذات صعوبة بالغة في تغيير الأنوار او الألوان .. خطرت ببالي فكرة اضافة تظليل خفيف خلف المؤشرات التي سوف تعطي اضائة ذات لون اجمل بتكلفة بسيطة .. (( صاحب الموضوع الأصلي من منتدى اجنبي ))
الأدوات التي سوف تحتاجها :
1. مفك براغي مربع
2. سكين
3.تظليل باللون الي يعجبك
4. مقص
التكلفة
اقل من 30 ريال ..
نبدأ بالشرح
طبعاً باحاول ابسط الصور بقدر الأمكان .. مع اني اتوقع الصور كلها واااضحة جداً ولا تحتاج لشرح اضافي ..

--------------------------
اولاً: نبدأ بطريقة فك الطبلون .. شيل البرغيين الي فوق بمفك البراغي المربع ..

برفق .. قم بسحب الغطاء كما بالصورة ..





شيل البرغيين الي تحت .. لونهم ابيض او نحاسي

فيه برغي واضح فوق .. شيله ..


شيل الفيش الأخضر الكبير بدفع الزر من الخلف وسحبه بنفس الوقت .. قد تكون العملية صعبة في البداية ..


اخيراً ازلنا الطبلون .
.

شيل الغطاء بفكه من المناطق المحددة بالأحمر





اسحب الغطاء للخارج





فك الغطاء للخارج بفكه من المناطق المعلمة بالأحمر










من ها الخطوة ورايح .. ينصح بلبس قفازات خفيفة الا يستعملونها الأطباء لأن البصمة ممكن تطبع على الطبلون من الداخل .. انا ما اشتغلت بقفازات ولكن صاحب الطريقة ينصح بها









قم باستخدام مقص او سكين لتقطيع التظليل على هذا الشكل ..




الحين سقط التظيل خلف الأرقام ..

خطوات واااضحة جداً

نكمل معاكم الشرح









Now the gear. Cut a piece like this and insert behind the carpet.

نكمل ....















واخيراً وصلنا لدي النتيجة ..

واخيراً خلصت ...

طبعاً جربت الطريقة والنتيجة حلوة في نظري .. لون جديد وغير .. مع اني اعرف ان بزهق منها بعد اسبوع وبافكها مرة ثانية ما ادري ليش :d


الحين خلوني اروح أعيد تركيب الطبلون وآخذ فرة صغيرة واطق لكم كم صورة للطبلون

------

صورة للطبلون بعد ما صورته ولاحظوا الخطأ الي صار :d

المشاركة الأصلية كتبت بواسطة تويتي

ماشاء الله عليك اخوي الهادف
شكلك راعي روااااقه بس اهنيك على المجازفات اللي تسويها في سيارتك بدون تخوف
وان شاء الله نشوفك من كبار التجار في عالم السيارات

لاهي مجازفات ولاشي .. بالعكس .. استانس وانا اسوي ها الشغلات :d

الله يسمع منك واصير وكيل هوندا :d

المشاركة الأصلية كتبت بواسطة و ص ص السعوديه 9 7 2

ما شاء الله صراحه اخوي اهنيك على هذي المحاوله التي اثمرت بنجاح
تقبل مروري

الله يعافيك اخوي ..

المشاركة الأصلية كتبت بواسطة mhaster

مشكور على الموضوع
بس انا شفت الموضوع هذا هنا من زمان
وحتى انكاني موغلطان انت اللي كتبته
لاكن يمكن مسحوه مع التهكير

على كل حال مشكوووووور على الموضوووع

صحيح كلامك .. الموضوع موجود هنا من زمان .. ولكن صاحب الموضوع نقله ولا عرف كيف يطبقه ..

تغيير لون اضائة العدادات


العفو اخوي ..

المشاركة الأصلية كتبت بواسطة HONDA BOY

حركه حلوه مشالله والتطبيق كان احلى والله يعطيك العافيه ننتظر جديدك
هههههههه مع الون الازرق سارت فلوكس واجن اكورد خخخخخخخخخ

الله يعافيك اخوي ..

المشاركة الأصلية كتبت بواسطة HONDA AND JUST

الله يعطيك العافية

درس متعوووب عليهـ

بس ياترى يمكن تطبيقه على 2002

وعندي سؤال ثاني قريب من الموضوع

هل يمكن النور حق الطبلون كامل أأغيرهـ ؟!؟!

و
يعطيك العافية عالموضوع

الله يعافيك اخوي .. بالنسبة لتطبيقه على 2002 فأكيد ممكن ولكن ما اتوقع بيعطي نتائج حلوة لأن انوار طبلون 2002 للأسف ما هي LED


نور طبلون الأكورد 2003 وفوق صعب جداً تغيرها لأن النور مدموج مع شريحة الكترونية ..
اما انوار طبلون 2002 اتوقع انها عادية وسهل تغييرها ..

المشاركة الأصلية كتبت بواسطة mhaster

مشكور على الموضوع
بس انا شفت الموضوع هذا هنا من زمان
وحتى انكاني موغلطان انت اللي كتبته
لاكن يمكن مسحوه مع التهكير

على كل حال مشكوووووور على الموضوووع

موضوع اخر يامهستر

والظاهر انك تقصد يوم يحط العداد بلون الاسود كانه مرسيدس

الظاهر ضربة فيوزاتك ههههههههه

<<يمكن انا;)

المشاركة الأصلية كتبت بواسطة MonsterX

شرح وااافي وكااافي....

مشكووووور اخوي الهادف على هالشرح ونقله لنا....

وإنشاء الله اتبع الخطوات إذا ضربت الفيوزات عندي:d....

تحياتي لك,,

خلاص .. اذا ضربت فيوزاتك مثل سويه :d

تحياتي ..

المشاركة الأصلية كتبت بواسطة accord2002

موضوع اخر يامهستر

والظاهر انك تقصد يوم يحط العداد بلون الاسود كانه مرسيدس

الظاهر ضربة فيوزاتك ههههههههه

<<يمكن انا;)

لا ما ضربت فيوزاته .. انا عارف عن ويش يتكلم

من ناحية الفيوزات .. انا اتوقع بصفتي مشرف قسم الكهرب والصوت ان فيوزاتك اسرع في الخراب :d

وش رايك تجرب الأحمر أو البنفسجي يالهادف

والله إنك فناااااااان

وش رايك نفتح محل زينة أنا معاك :d

انت عليك الشغل و انا اجمع و احسب المال ( العقل المدبر )

فكرة جيدة صح ؟;)

المشاركة الأصلية كتبت بواسطة BLK

وش رايك تجرب الأحمر أو البنفسجي يالهادف

والله إنك فناااااااان

وش رايك نفتح محل زينة أنا معاك :d

انت عليك الشغل و انا اجمع و احسب المال ( العقل المدبر )

فكرة جيدة صح ؟;)

للأسف .. ما حصلت الا تظليل ازرق .. :(
بالنسبة لمحل الزينة . هو مشروع كويس وتكرماً مني بعطيك 1% نسبة من الأرباح :d

ماشاء الله عليك يالهادف >>> كل يوم لاعب بالطبلون خلاص يكفي ياولد

اهم شيء انك طبقت الطريقة بنفسك وهذا مكسب لنا وللمنتدى

وعقبال ماتجرب كم لون بعد وتقولنا الاحسن ولا تنسى تصورهم كلهم >>> ناوي يتعبك :d

المشاركة الأصلية كتبت بواسطة الاخطبوط

ماشاء الله عليك يالهادف >>> كل يوم لاعب بالطبلون خلاص يكفي ياولد

وش اسوي بعد .. اهو الشي الوحيد الي قدامي وكله يبلش بي .. مسكين :d

اقولك المرة الأولى الي لعبت فيه جبت العيد .. صار الطبلون يرجع 10 كيلو متر من السرعة الحقيقة ..
يعني مثلاً لما اكون واقف الطبلون يأشر على -10 ولما امشي 10 الطبلون يأشر على 0 ولما امشي 20 الطبلون يأشر على 10 :d
ولكن الحمد لله .. رجعت وزنتها ..



المرة الثانية صار الطبلون يقولي ان البنزين مخلص ويقعد يولع اللمبة مع ان توني معبي السيارة فل .. شكيت في نفسي وقعدت اطالع تحت السيارة ممكن تكون تهرب ولا شي :d ولكن الحمد لله .. ظليت اشغل السيارة واطفيها كم مرة لزين ما فهم الطبلون وعدل وضعه :d

المشاركة الأصلية كتبت بواسطة الاخطبوط

اهم شيء انك طبقت الطريقة بنفسك وهذا مكسب لنا وللمنتدى

وعقبال ماتجرب كم لون بعد وتقولنا الاحسن ولا تنسى تصورهم كلهم >>> ناوي يتعبك :d

احرجتني اخوي :o


وش ناوي علي ؟؟ تدري اخذت ساعة شغل حق اسوي الحركة دي بالأضافة لذلك جرحت نفسي :(

اذكر اني قد شفت الموضوع هذا في موقع cardomain والصراحة كنت اشوفه من سابع المستحيلات
لكن انت يالهادف ما شاء الله عليك طلعت قدع وسويتها

اهنيك



بس قول لي وش رايك في اللون اللحين ؟
لاني بصراحة افكر ملياً في تغيير لون طبلون سيارتي الى اللون الازرق

المشاركة الأصلية كتبت بواسطة B Unique

اذكر اني قد شفت الموضوع هذا في موقع cardomain والصراحة كنت اشوفه من سابع المستحيلات
لكن انت يالهادف ما شاء الله عليك طلعت قدع وسويتها

اهنيك



بس قول لي وش رايك في اللون اللحين ؟
لاني بصراحة افكر ملياً في تغيير لون طبلون سيارتي الى اللون الازرق

لا مستحيل مع الهادف >> دعاية معجون اسنان :d


بصراحة يا بوحميد .. خلني اقولك شي في اذنك
الحركة سويتها وطلعت بالسيارة ربع ساعة ورجعت فكيتها للون وكالتها ..
اللون الأزرق حلو طبعاً وبصير مناسب اكثر مع اضائات الشاشة في سيارتك ..

طبعاً التظليل الي اخذته غامق ..
لما تكون العدادت في نصف قوتها في الوضع الليلي تصير الأضائة خافتة جداً ولازم ترفعها لأقصى قوتها .. ولو رفعتها لأقصى قوتها بصير لون العدادت الأحمر مزعج للعين .. وممكن تكون غير مزعجة بالنسبة لك
اذا كانت غير مزعجة بالنسبة لك فسوي الحركة وتوكل على الله