اقتباس المشاركة الأصلية كتبت بواسطة هوندانا مشاهدة المشاركة
انتظر شوي لين تنزل الافالون الجديدة واتوقع انها بترتفع 5 - 10 الاف ريال اقل شيء

والاكورد راح ترتفع 5 الاف ريال في كل فئة مثلا ستاندر 87 الاف مثلاَ


الاسعار مو طبيعية والي يرفع الاسعار بالذات هم الي يشترون بالتأجير المنتهي بالتمليك

صارت الناس تشتري تأجير وزاد عدد الي يشترون ومثلا الي بيشتري تاجير مو فارقة معاه 5 الاف زيادة لانه بالتأجير يوصل مجموع سعر السيارة إلى شيء خرافي بصراحه

ما يأكلها الا الي يجمع القرش على القرش ويشتري كاش او الي يقصدها من البنك

التأجير المنتهي بالتملك هذا المفروض يستهدف الي رواتبهم 10 الاف وفوق لانه مثلا واحد راتبه 12 الف والقسط 2000 بقى 10 الاف نعمة

لكن الي راتبه 4000 الاف ويدفع نص راتبه على سيارة ويجلس 5 سنين وهو يقصد لا هو الي تزوج ولا هو الي ادخر مال

اعترف واقولها وانا اولكم

نحن شعب ما نخطط حسب احتاجنا وحسب قدراتنا المالية

لا حنا نخطط لـ 5 سنوات قدام وغيرنا يخطط ل 50 سنة قدام

نحن للاسف نهدر الاموال ونحب الفشخرة والمظاهر واقولها بالفم المليان

واحد راتبه 3 ولا 4 الاف وش حدك على تقصيد ولا تأجير منتهي بالتملك وفي النهاية كلها سيارات تؤدي الغرض

يعني لو اقصد سيارة على قدي او سيارة مستعمله شوي بـ 35 الف وامش حالي فيها لين الله يفرجها احسن من هالتأجير


مثلا اكورد سعرها وكالة بـ 105 تطلع حوالي 140 تقريبا

وانا اقصد كل هالسنين وبعد 7 سنين مثلا ابيعها ما تجيب لي 30 الف

واكون خسران 110 الاف طيلة 7 سنين

اغلب الي ياخذون تأجير تجلس السيارة معه 3 - 5 شهور ويعرضها للتنازل ( لما يفكر ويحسبها صح )

وكذالك مشكلتنا نحن ننظر للكماليات على انها اساسيات ونهمل الاساسيات



اسئل الله ان يوفق الجميع ويرزقهم من حيث لا يحتسبون ويعطيهم راحة البال والقناعة