ماعرفت انزل المقطع:(
السلام عليكم ورحمة الله وبركاته
عندي صوت مزعج جدا في الاكورد الصوت مره يكون خلف ديكور المسجل والمكيف و احيانا يطلع من عند القير جربت حطيت قطعة مدبلة من بطاقة سوا بين القير وديكور القير( زي الي في موضوع اصوات الاكورد ) علما اني مفضي الدروج عشان الاحظ الصوت
(ولا فاد الصوت الي ورا المسجل والمكيف لازال موجود وحقا مزعج جدا )
اتمنى تفيدونا علما بان الوكالة ماني رايح لها لان ما عندهم الا تصريف وخذ موعد وتعال على صيانة 20 الف وكلام فاضي والا قالوا طبيعي
لكي يبان الصوت الرجاء وضع سماعات اثناء تشغيل المقطع علما بان الصوت الصادر اقل من العادة ( العادة يكون مزعج جدا )
وش الحل في رأيكم وهل هذا الصوت لديكم ايضا يا اصحاب 2012 ( الي مشى 15 الف وفوق ) ؟
الصوت ما طلع الا بعد ممشى 15 الف بعد صيانة الـ 15
لمشاهدة الفديو ( على اليوتيوب )
http://www.youtube.com/watch?v=n2YrA...ature=youtu.be
الصوت يظهر بوضوح عند الثانية الرابعة تماما
التعديل الأخير تم بواسطة هوندانا ; 17-08-2012 الساعة 05:27 AM
ماعرفت انزل المقطع:(
بصراحه اما انا خلاص تعودت على هذي الاصوات صارت عادي عندي
هذا رابط جديد من 4shared
ادخل الرابط واستمتع باصوات الديكور ;)
http://www.4shared.com/video/AIIAulIB/IMG_0356.html
اضغط على الرابط
يالغالي عندي أصوات لليل في الديكورات وعند المسجل ومشي حالك الأصوات موجودة دائما في الأكورد وتعودت عليها...
ياخي الله يهديك نزل المقطع فاليوتيوب
لا شفناه بالرابط الاول ولا الثاني
عليا الطلاق اني ماعرفت لا انزلو في الرابط الاول وله الثاني ياخي غشيم ايش اسوي:(ههههههههههههه
حسست باموو وله عرفت تكفى نزلوو هناا بشووفوو لنو ابغى اعرف الاصوات الا عندي طبيعية وله انا موسوس:d
وله هيه من جدد اصوات حقيقية زيك وزي الشعب الا عندهم 2012
اوكي هذا المقطع ونزلناه في اليوتوب ولا تزعل يالغالي
http://www.youtube.com/watch?v=n2YrA...ature=youtu.be
كلكم تبغون تسمعون الصوت
ياحبي لكم
يارجال مافي حل إلا انك تتعود على صوت الديكور لانه صار في اغلب السيارت وانا معاي حالياً لكزس es350 2009 وانواع الاصوات في الديكور وتنسيم في البانوراما وعد واغلط واخوي معاه كابريس رويال 2011 والسياره كلها ترقص من كثر الاصوات والثاني افالون 2011 ونفس الفلم صوت في المسجل ومقعدة الراكب بالعربي ركب سدادات حقت الاذن وعيش حياتك
التعديل الأخير تم بواسطة ملك قوقل ; 17-08-2012 الساعة 05:36 AM
سبحان الله وبحمده سبحان الله العظيم
^^
هذي نتائج التصنيع السريع والاهتمام بالكم وليس الكيف وكثرة استخدام الكلبسات البلاستيكية الرديئة وترك فراغات بسيطة في الديكورات
وحنا ما شاء الله شوراعنا مسطرة
والله مشكلة. الصوت هذا الله يستر لا يطلع لي بعدين
ابشرك الصوت عندي وكنت احسبوو عادي هههههههههههههههه
وسيارتي ماشية حكم 3933 مدام انو طلع عيييب بروح للوكالة في صيانة 5000
وادا صلحوها صلحوهاا وادا ماصلحوها بقلهم براسل الشركة الام ووقتها نشووف
وبرجع وبرسل خطاب لهمم وبصور مقطع وارسلو مع الخطااب عشان يوضح العيووب
ونشوف يا انا ياهشومي وانت ياخوي هوندانا ليييت تراسل الشركة الام ادا ما صلحوها لك الصيانة خلينا نطلع عييوونهمم
مو ندفع 100 الف وفي بعضنا دفع اكثر من 100 الف وفي النهاية تطلع اصوات وعيوب ياخي يربطوها يشدوها
الين تززببببط ويفكونا مو كل مرة عادي عادي عادي عاد كـــ ........... النقط هذه سبة هههههههههههههههه
المهم انت راسل الشركة الام وربك بحلهاا
انا اول يوم بعد العيد بكون هناك لكن تعرف وش القهر ( ان الصوت يطلع لي طوال الاسبوع ويختفي يوم تخيل اليوم قبل شوي مافيه صوت وبكره الصباح راح يطلع وانا متأكد وقهر تروح الوكالة والصوت يكون مختفي فالافضل انك تسجل الصوت بالصوت والصورة وانت رايح لهم قل لهم اسمعوه وتأكدوا )
انا ما يقهرني الا الي يقول يارجال ارفع المسجل ومدري ايش (( طيب انا احب اسوق بهدوء وما احب اسمع الاغاني او اعلى الصوت السالفة غصب يعني ))
المشكلة الي يقول لك عل الصوت شاري الموتر ايام الرخص وكاده كد 5 - 7 سنوات ويقول عادي ترا فررررررررق واحد دافع 105 وواحد دافع 65 ( على سبيل المثال )
يارجال اعرف سيارات اقدم من سيارتي بكذا سنة مافيها اصوات ابدا ليه الهوندا كذا طالعه اصواتها مبكرا
كذالك ازيدك طالع عندي صوت عند رفع قزازة السائق اتوقع بسبب احتكاك القزازة ب حوف الباب الي تمسك القزازة
الي يقول حط بطاقة ومدري ايش ( جربت حطيت ولا فاد ) انا شاري موتر اتمتع فيه ولا شاري موتر اشوهه
مب كافي علينا العزل السيء جدا ( ارضي وجانبي ) تجينا الاصوات
ياخوان اذا شركة هوندا بامريكا مب قدها خلاص لا تصنع للخليج اكورد امريكي تخلي الخباز لخبزهـ
والي جالس يتفلسف علي هذاك اليوم مدري وش اسمه ويقول الاكورد وزنها ما نقص ياعمي جب 2011 و جب 2012 وشف سماكة الحديد خصوصا في الرفارف الخلفية ( انا قارنت كذا سيارة اوروبية ويابانية مع الاكورد ) الاكورد حديدها خفيف مره واضح انها خفيف مرهـ ( بيجيني واحد منبرش بيقول شف السوناتا لا رساوة وحديدها قرطاسه وانا مجربها وكلام كثير ) انا اسئلك عن الاكورد لا تجي تقارن لي درادع كوريا ( يارجال الكوري ذا الي نسميه دردعه انها صناعة كويسه وقطعها رخيصه لك انت تتخيل فحمات هونداي النترا ( الي زي حقت الليموزينات بـ 30 ريال حسب كلام اخي ) وتعيش برضه !! الكوري ممتاز فقط فيه فئة الفل كامل وهي افضل من الاكورد ( فل كامل )
الاكورد مافيها ميزة الا في 2012 انها توفر side air bags + vsa +abs
مثبت سرعة
اعيد وازيد الاكورد 2008- 2012 مب بجودة 2007 ونازل
جودة البدي والصناعة بشكل عام كـجودة
اذكر الله وروح للوكالة ومايسير خاطرك الا طيب وادا ماصلحوهاا ارفع عليهم شكوة في الشركة الام ومعاها المقطعع
وانا بادن الله بسوي زي كداا وربك يحلها وناخد حقنا
صح اخوي هوندانا لاحظ انك مشغل المكيف على اوتو كييف مشغلو ؟؟
لنو كل من اضغط اوتوو يتعلى المكيف على الاخيرر وارجع اوطييه تقووم تنطفي الكلمة
ايش اسووووي ؟؟؟؟؟؟؟؟
زر auto يشغل المكيف بقوة اول ما يشتغل علشان يخلي حرارة السيارة الداخلية مثل الحرارة الي في الشاشة ويحافظ عليها بالبداية يكون دفع الهواء قوي عشان تبرد السيارة من داخل ومن ثم تنخفض وهذا افضل للمحافظة على المكيف بدل ما تخليه عالي او نازل طوال ما انت ماشي والمكيف يبرد اكثر على ( auto ) لانه مثل الكمبيوتر يتحكم في السيارة وانا انصحك اذا كانت سيارتك فل ( يصير عندك في الشاشة الصغيرة يمين ويسار مثلا ( 19 ---- 17 ) في طرف الشاشة هذي المكيفين الي في السيارة انت تقدر تتحكم فيها لكن انا انصحك اول ما تشغل السيارة وتحمى لين تثبت الحرارة على الاقل
اضغط auto ---> اضبط درجة الحرارة يمين ويسار على 19 ثم اضغط زر sync (( وظيفة هذا الزر هو انك اذا غيرت درجة الحرارة لـ 20 الجهة الثانية اوتوماتيك راح تتغير لـ 20 (( لكن لازم تحرك ضابط الحرارة الايسر )) اذا حركت الايمن راح يطفأ نظام sync واذا ضغطت على زر sync راح يطفأ هذا النظام
انت مثلا راكب السيارة وحاط على auto و الحرارة 19 وحر تبي تزيد قوة المراوح حقت المكيف لا تضغط على ^ يعني لا تضغط زر المراوح حرك زر الحرارة الايسر الاقرب اليك وخل الحرارة مثلا 17 راح ترتفع قوة الهواء اوتوماتيكا وكذالك راح تغلق ساحبة الهواء الخارجي ويزيد ضخ الهواء واذا خليت الحرارة lo راح يشتغل المكيف بالطاقة القصوى واقوى قوة دفع هواء
انا انصحك بالليل تخليه على 19 وبالنهار اذا مره مره حر خله 17
ممكن انت تبي المكيف قوي والي جنبك ما يبيه قوي شغل المكيف اضغط اوتو بعدين ( اضغط زر sync وخل اللمبة تطفا ثم خل الجهة الي عند 17 والجهة الي عنده 21 ) لكن انا ما جربتها بس اتوقع ان نظام اوتو يطفا ( وعادي اذا طفا ) نظام اوتو ينطفي لمبته اذا رفعت او نقصت في قوة الهواء
واذا بغيت نظام اوتو يرجع اضغط زر اوتو ( وحتى والمكي شغال ) راح يرجع النظام زي ما كان يعني ما راح ينطفي المكيف
__________________________________________________ ______
النظام الحالي الي انت تستخدمه انك تضغط زر off عشان تشغل المكيف عادي مافيه مشكلة بس درجة الحرارة نقصها لـ 17 او 19 لان lo على المدى الطويل مضر
__________________________________________________
اي استفسار انا جاهز
انا رايح وعارف ما وراهم الا الدجة ولا خل السيارة عندنا ( تقعد كم يوم واخر شيء يقولون مافيها شيء ولا طبيعي ولا تعال سو صيانة 20 الف ونشوفها )
يارجال وكالة هوندا فرع خريص قسم الصيانة عندهم سيارة مصدومة اكورد 12 ليمتد لها اكثر من 4 شهور ما حركوها من مكانها !!!
الرياض محتاجة مراكز صيانة سريعة لهوندا كثيرة ( لصيانة الـ خمسات 5000 و 15000 ...الخ )
مثلا فرع ( شمال الرياض - فرع جنوب الرياض - فرع غرب الرياض - فرع شرق الرياض ) فقط ( زيوت وسيفون فلاتر هواء ومكيف وتركيب قطع مثل فحمات وبواجي واشياء بسيطة زيت قير وفلتر زيت قير يعني صيانة سريعة )
انا متأكد ان فيه احد من وكالة هوندا قاعد يقرا كلامي وياليت ينقله لهوندا
(( ما قلنا لكم سووو فرع صيانة كبير لا سووو فروع صيانة سريعة زي بترومين لكن بعدد رافعات 5 سيارات لكل مركز ( راح يخفف الضغط على فروع الصيانة الرئيسية + كثير من الناس يتعنى المشوار لخريص او فرع الخالدية عشان زيت وسيفون وانا انصحهم بالخطوة ذي راح يطلعون منها خيييير ))
لكن وكالة هوندا خوافة تغامر ما تحب تغامر
للآسف سياسة سيئة ما تحب التوسع ( هم بقرارة انفسهم يقولون حنا ربحانين ومرتاحين ليش نتوسع )
يعني واحد جاي يغير الزيت ليش ينلطع 4 ساعات
ذا الشركة خايفه ( تفتح فرع في شمال الرياض كـ تجربة فقط واذا نجحت تفتح تدريجي في باقي الرياض )
كلامك صحيح يا هوندانا
الشرررقية كلها على فرررع وااحد !!!!!!!!!!!
وين قاعدين ؟!؟!
مواقع النشر (المفضلة)