الموضوع: صور جديدة للأكورد 2013

المشاركة الأصلية كتبت بواسطة دواس الضلماء

والله المشكله
طيب اللي يبي سته سرندل ولايبي تشغيل زر يبي مفتاح دقمه عايدي
سراحة الان صرت اتخوف جداً من بعد حوادث التعليق بسيارات تشغيل الزر
لحد يقوللي هذي المشكله في تويوتا انا اعرف واحد شخصياً والله على ما اقول شهيد معه التيما 2011 علقت عليه ونجا من موت محقق بالقصيم مع السريع من عند البترا واللي يعرف المزيريره
بالتحديد يعرف القصه هذي وتفاعل معه امن الطرق حق النبهانيه ويمكن البعض قراها في سبق
اذا تويوتا عندها المشكله هذي ونيسان عندها المشكله هذا وسمعت ماركات ثانيه صار فيها المشكله هذي لكن ماني متأكد من صحت ذالكلام
يمكن تصير المشكله هذي بهوندا ماندري ثم خل الزر ينفعك
المشكله ترا مهي من مثبت السرعه زي ما اكثر الناس فاهم المشكله في النضام يعلق وماعندك حل تطفي السياره لو مفتاح ماعندك مشكله خلها تعلق مد يدك على المفتاح وطف السياره
وترا اغلب السيارات تعلق سيارتي اكورد 2004 والله احياناًالدعسه اذا رفعت رجلي احس فيها لكك والحمد لله ماصار معي شي لكن لو تأزم الوضع وعيت تفك الدعسه اطفي السياره ونتهت المشكل وبرضه كانت عندنا ددسن 83 كبليترها خربان وهي واقفه تشحط المكينه اااااننننننن
ولحد يلومني لو خفت من الظام هذا وش بينفني فيه الزر اذا علقت علي ثم برد وجهي اصلاً يمكن اموت من الخلعه
والله اني ناوي على سته سرندل لكن والله تحطمت هلحين بعد ماعلمت
يمكن البعض يقول همجي او غير متقدم وما يبي التطو لكن اذا كان التطور يمكن يودي بحياتي ما ابيه
ياروح مابعدك روح

مثل ما قلت مسبقاً، هذه مواصفات السيارات الكندية بس أتوقع ربعنا راحو يبخلوا ببعض من هذه ويخلو الدخول الذكي ومفتاح التشغيل بس في فل الفل

عموماً، بعد مشاكل تويوتا مع التعليق والتي سبقتها مشاكل أودي مع التعليق في تسعينيات القرن الماضي (بغض النظر عن صحة الإدعاءات من عدمها لعدم وجود دليل قاطع)، قامت هيئة سلامة الطرق الأمريكية NTHSA بعمل عدة توصيات منها:

- وضع مواصفات قياسية لزر التشغيل لضمان تصرف جميع السيارات بنفس الطريقة عند أي طاريء ولا يتغير على السائق شيء من سيارة لأخرى، بالمناسبة اللكزس إي إس 350 اللي جعلت مشكلة التعليق مشهورة كان زر التشغيل فيها يطفيء السيارة عند ضغطه لمدة 3 ثوانٍ متواصلة ولكن وسط الرعب لم يتسنى للركاب ذلك، يعني طريقة عمله مشابها لزر تشغيل أي جهاز كمبيوتر فيمكنك إطفاء الجهاز بالضغط على الزر لعدة ثوان متواصلة والجهاز راح يطفي حتى لو كان نظام التشغيل معلق، في سيارات أودي زر الـPark أو الهاندبريك إلكتروني وعند ضغطه والسيارة تمشي راح يعمل على إيقافها بأسرع مدة ممكنة.

- تجهيز السيارة بنظام مكابح قادر على إيقافها حتى لو كانت دواسة البنزين مضغوطة (المصدر) وهذه الميزة موجودة في جميع موديلات هيونداي الجديدة فأتوقع هوندا راح تضيفها أيضاً.

المشاركة الأصلية كتبت بواسطة الـــظـــل

حسب ما أشوف ان تصميم الوجه والخلفية من الجنب (الرفرف الخلفي) مقارب للأزيرا القديمة ,,, يا خسارة

السوناتا والأزيرا القديمتين تصاميمهما مقتبسة من الأكورد الأقدم وخصوصاً من الخلف :d