الموضوع: بخصوص الي ماقدر يروح لـ صيانة الـ 5000 كيلو هل يعدم السيارة ؟

شوف ياخوي ترى احنا في المنتدى نتكلم عن الوضع المثالي اللي يجب إنك تتقيد فيه للحصول على عمر أطول لمحركات سيارتك ..الخ
لو تسوي استبيان باللي يغيرون بالوقت المحدد ماراح تلقى إلا عدد قليل جدا جدا يعني لازم تشطف لك كم كيلو إلى ألف كيلو حسب استخدامك
أنا أحيانا أتعدى ألف وعليها خصوصا إذا كنت ما أسافر والوضع تماااااام ولله الحمد

الخلاصة من واقع تجربة / مادام إنك ما تحرق الزيت بالسرعة والقومات ومشيك بعقل صدقني لو تشطف ألفين كيلو إنه مافيها ضرر
لا تشيل هم عيد مع الناس وانبسط وكلها أسبوع والوكالة تفتح وكل سنة وانت طيب

آسف جدا على الاطالة

بس يروح الضمان عليه لو ما راح صيانة 5000 الاف ^^^^

أنا مارحت صيانة ال5000 وشطفت على الوكالة الضمان من الله وبإذن الله ما راح الضمان لأني ماشي تقريبا على العشرين ما شا ء الله تبارك الله ويالغالي بالنسبة لك لو تمشي 6000 ما فيها شيئ ...

-



طمنتوني طيب يروح الضمان ؟

المشاركة الأصلية كتبت بواسطة GMC

-



طمنتوني طيب يروح الضمان ؟

وكالة هوندا وصخين من ناحية الضمان

لكن بقول لك حاجة انت ماشي على الزيت 4000 الاف باقي لك 1000 كيلو على الزيت على الاقل

بس اهم شيء شيك على مستوى الزيت ( على النقطة العلوية الصغيرة ) والسيارة طافية وباردة

حاول تتجنب السرعة الكبيرة يعني 120 لا تزيد عليها ،،،

اول ما يفتحون الوكالة روح بدل الزيت والفلتر حق الزيت ( خلهم ينضفون لك فلتر الهواء وفلتر المكيف بالهواء المضغوط عند كل زيارة لصيانة ضروري جدا نبه الفني عليها )

ما انصحك تسوي صيانة 10 الاف في الوكالة روح لهم في صيانة 10 قل لهم ( غيروا زيت وسيفون و تنظيف فلتر الهواء والمكيف )

يعني قل لهم مثلا لو جيت على صيانة الـ 10 قل لهم الي سويوتوه بصيانة الـ 5 سووه بالضبط في صيانة الـ 10 بـ 135 ريال

ترا صيانة ال10 كلام فاضي فاضي قالوا لي تربيط وخرابيط كثيرة يارجال حتى فلتر المكيف ما نظفوه الا لما قلت لهم ولا ما عنده نيه الفني ينظفه

اسعارها غالية جدا تخيل صيانة 10 قيمتها 475 ريال صيانة 20 قيمتها 515 ريال صيانة 30 قيمتها 590 ريال

هذي الصيانات مافيها ( فحمات او فلتر مكيف او خراطة الهوبات كلها كلام فاضي ونصه ما يسوونها والله )
هبااال هو ادفع كل 10 الاف كيلو ما يقارب 700 ريال هبال وربي مثال صيانة 30 الف مع 35 الف ( 135 + 595 = 730 ريال

(( لا تخاف من سالفة ضمان او غيرهـ انت حافظ على الزيت في الوكالة ولا يهمك احد واذا صار شيء او شيء عندك رقم الشركة الام اتصل عليهم والله يأدبونهم صح ))


وانا من صنفرو لي الفحمات الفرامل ما تسمك مثل اول

* اذا على تبديل الكفرات روح لك محل كفرات محترم وقل له يبدل لك الكفرات x كل 10 الاف كيلو ( ما ياخذ اكثر من 20 - 25 ريال ان كثرت )

وخله يشد على صواميل الكفرات بشويش (( يشد علي الصواميل بالصليب موب المسدس عشان ما تتكسر الصواميل ))

لا تهمل فلتر الهواء والمكيف خلهم ينظفونه عند كل زياره للصيانة حقت الوكالة

الصيانات المهمة مرهـ : 60 و 100الف لانها فيها زيت القير ( زيت القير لا تغيره الا في الوكالة اضمن وافضل شغل ) وخلهم يغيرون لك فلتر القير الخارجي عند كل تغيرت زيت قير (( مهمة جدا جدا واحرص عليها وانشب في حلوقهم لين يغيرون الفلتر الخارجي للقير وتأكد بنفسك ترا مرات ما يغيرونه كذا عباطه ويسجلون عليك في الفاتورة ))

اثناء اي صيانة قل لهم يشيكون على كل الزيوت ويعبونها (( اذا اضطريت تروح لمركز صيانة او تغيير زيت خارج الوكالة قل لهم لا تجون زيوت السيارة الاخرى مثل زيت الدرسكون وزيت الفرامل وزيت القير هذي لا تخلي احد يعبيها او يلمسها غير الصيانة حقت هوندا فقط ))
حتى لو قال لك البنشري او مركز تغيير الزيت ترا زيت ( الدركسون ناقص او زايد ) قل له لا تجيه ولا تلمسه وعند اقرب صيانة ثانية خل صيانة هوندا يشوفونه ونبههم على الشيء هذا لو لاحظته

احرص على دخول المنتدى لو على شكل اسبوعي لمشاهدة المستجدات

وان شاء الله نساعد بالي نعرفه ونقدر عليه


بالتوفيق


شوف المواضيع الي ناقلها في توقيعي ادخل عليها واستفد منها

هوندانا ، بسم الله ماشاء الله، اللهم صلي على نبينا محمد صلى الله عليه وسلم، كلامك نابع عن سنوات عشتها في تجاربك مع صيانة الوكالة والبناشر ، وعطيتنا الزبده، الله يحرسك ويحفظك ويسهل كل عسر تمر فيه.