المشاركة الأصلية كتبت بواسطة هوندانا
تبي شوري ونصيحتي ابعد عن هوندا وتويوتا خصوصا موديلات 2012
الاكورد عزمها تعبان وعزلها الجانبي والارضي سيء سيء وانا اقولها ومعي 2012 بعد ( سعرها مبالغ فيه ) قلة المواصفات الرفاهية
الرساوة في 2012 مب مثل اول لانها صارت امريكية واختلفت جودة الصناعة قليلا ناهيك عن ازعاج محرك 4 سلندر في الخطوط وعزمه الميت والاكورد قطع غيارها الغير استهلاكية غالية جدا وحتى الاستهلاكية مرتفعة جدا ( تحتاج شخص يحافظ على زيوتها وصيانتها وزيت قيرها ما يتغير الا بالوكالة واذا حافظت على تغيير زيت قيرها راح يعمر طويلا )
سيارة اذا ركب معاك 2 او 3 راح تحس بثقل السيارة يالله تمشي ودفع امامي وتعليقها قاسي ومطبها قاسي ومزعج وفيها اصوات ديكور مزعجه والله على ما اقول شهيد
صيانتها في الوكالة مكلفة تخيل صيانة 10 الاف بـ 475 ريال وهي زيت وتبديل كفرات وصنفرة فحمات
نصيحة مني دور غير الاكورد لان اغلب الي معاهم 2012 نادمين وانهم كانو يقدرون يشترون بسعر الاكورد سيارة افضل وسيارة 6 سلندر
والله ثم والله ان الاكورد صارت شكل فقط ولا تهمك سمعة الاكورد السابقة ( الفتى ليس من قال ابي كان انما الفتى من قال هـ انا ذا ) وكذالك متانة بودي الاكورد كل ماله ويخف اكثر واكثر خصوصا 2012
وكذالك السيارة فيها عيب تحذف يسار كذا شخص ومن ضمنهم انا معنا 2012 فيها حذفة تطلع والسيارة ما كملت1000- 3000 بحد اقصى
قطع غيارها غالية ووكيلها زفت الزفت ومعقدة في تركيب القطع لان اي شغل يد في الوكالة مكلف جدا حتى والشغلة بسيطة
واغلب الي معهم اكورد تلقاهم متعصبين للسيارة مدري ليه محسسيني انها بنتهم يحاولون بشتى الطرق الذب عنها
شف لك تورس او افالون او جنسس او كادينزا تراها 6 سلندر او شوف لك سيارة مثل كريسلر او حتى كابرس 8 سلندر وعز عمرك بلا 4 سلندر بلا هم ولا تقرب للاكورد 6 سلندر تراها دجه والعن من 4 سلندر لا في قطع ولا في بيع ولا سعر شراء 135 الف !!!
ولا عمرك تشتري اكورد وتمسك فيها خطوط انا علمتك وحذرتك من منطلق الامانة
هل ندمت على شراء الاكورد ( نعم ثم نعم ) ودك تبيع ( الود اليوم بس ما اقدر لظروف خاصة )
رد مع اقتباس
مواقع النشر (المفضلة)