مشكلة في العكس اليمين بعد حادث سير

[ابو الأمجاد]

انا حصل لي حادث سير جهة اليمين قبل فترة

وكان الحادث جهة الكفر الامامي اليمين

الحمد لله صلحت كل شي وغيرت كل شي بس باقي لي العكس

العكس الداخلي تضرر من الحادث وصلحته بتغيير الرمانات ولكن

عند المشي بالسيارة من تقريبا سرعة 20 الى 50 هناك رجة في الدركسون سببها من عند العكس نفسه

رحت عند مهندسين , اللي يقول هذا العكس الداخلي واللي يقول تغير رمانات العكس الداخلي فقط واللي يقول تحتاج كبس العكس الداخلي لان فيه فضاوة

المشكلة اختلف العلماء

فيه احد ممكن عنده خبرة او علم؟؟؟

[السيف القاطع]

مساء الخيرات اخوي انا كانت عندي رجه في سياره بين 20 و30 في نمره ثانيه وقال لي صاحب ورشه عندك العكس داخلي يمكن انت مثلي كذا

وانا غيرت العكس الداخلي والحين الحمدالله تمام بس سعره اصلي اشوي غالي فوق الفين هذا حق العكسين يمين ويسار وشكرا اخوي

[كايدهم]

السلام عليكم

اخوي المشكله اذا كانت مشكله عكوس فهي 100% من راس العكس الداخلي

لان راس العكس الخارجي يسبب طقطقه مع اللفات فقط

اما الراس الداخلي فهو اللي يسبب فضاوه و رجه مع الدعس

والطريقه لتتاكد ان المشكله من العكوس ولا لا

ببساطه وانت ماشي وجاتك الرجه حط السياره في n او الفاضي وشوف اذا الرجه مستمره فالمشكله مو من العكوس

اما اذا راحت الرجه فمعناه المشكله من العكس

صوره للعكس



الراس الداخلي هو الحديده و جلدتها اللي في يمين الحديده (هذه تكون راكبه في الجربوكس)
والخارجي وهو اللي في اليسار (تكون راكبه ع الكفر)

اتوقع من وصفك للمشكله انها راس العكس الداخلي كما قلت فأمامك طريقتين

تشتري عكس كامل وتريح نفسك من المشاكل او تشتري راس عكس داخلي اذا لقيته اصلي

ان شاء الله اكون افدتك

بالتوفيق

[ابو الأمجاد]

السيف القاطع

العكس الداخلي سعره حدود 1250 بعد الخصم مقدور عليه الحمد لله , لكن ياخوفي اشتريه وفي الاخير مايطلع الخلل منه

كايدهم
والله حتى لو حطيت القير على الفاضي n فان الرجه موجودة

من وين ممكن تكون المشكلة

انا قلت ممكن من مسمار التوازن

[السيف القاطع]

اجل يمكن عندك كراسي امه مكينه اوكرسي قير