تقرير عن سيارتي اكورد 2012 بعد ممشى 25000 كم وبعض الاستفسارات !

**دربيل** · 31-08-2012, 08:48 AM

بسم الله الرحمن الرحيم

يا اخواني الاعزاء انا اشتريت اكورد 2012 في اجازة عيد الضحى السنة الماضية
المواصفات : اسبيشل لون بني . العداد حتى هذه اللحظة 24600 كم

المهم : السيارة بصفة عامة جيدة جيدا بحكم اني كنت املك اكسنت 2004 سابقا وبعض السيارات القرمبع
ولا زلت املكها حاليا بالاضافة الى اني امتلكت سيارات كثيرة ولكن موديلات قديمة شوي فبالتالي الاكورد فرقت معي للافضل في كل النواحي

وماشاء الله لاقوة الا بالله من اول يوم طلعتها من الوكالة الى حد الان ما عانيت من اي شي فيها
طبعا رحت الوكالة صيانة ال 1000 فقط ومن بعدها ماعاد طبيتها ابد ولاني بداخلها الا في خير ان شاء الله

اغير الزيت كل 3000 مع السيفون بانتظااام شديد في البناشر اللي برا
اطلع من الدوام واروح الوكالة اخذ السيفون ب 25 ريال وامر على افضل بنشر
اغير الزيت واغسل السيارة وارجع اوقفها فالبيت وهكذا وبمجرد تمشي 3000 كم اسوي نفس الطريقة
ونفس الحركة وهذي طبيعتي انا في جميع سياراتي اللي امتلكتها والحمد لله
امتلكت تقريبا 9 سيارات ماعمري خبطت علي اي سيارة بل بالعكس كانوا عيال الحارة و الجيران والزملاء فالعمل
يتعالمون بسيارتي وبنظافتها

المهم يا رجاجيل انا حبيت استفسر عن بعض الاشياء في موتري :

1- صوت الديكور ابشركم ماعمري سمعته الا البارحة وقبل البارحة وفعلا كان مززززعج جدا
والله نفس الصوت اللي سمعته عند واحد من العيال قبل اسبوع وماعرفت من وين مصدره

2- القزاز حق السائق وحق الراكب بمجرد اني اضغط الزر احس انه يطيح تحت بسرعة بعدها
يمشي عادي بانسيابية
فهل الوكالة تزينه لي ؟؟؟؟؟

3- ايضا القزاز اذا نزلته يقعد يلقلق ازعج امنا ، اضطر اني ارفع القزاز واشغل المكيف
والمشكلة في ابها اذا شغلت المكيف برررد واذا طفيته و نزلت القزاز برررد واذا قفلت
القزاز تحس انك مكتوم
فهل الوكالة تصلحة لي ؟؟؟؟؟

4- عندنا في ابها امطااار تقريبا في الصيف وفي الشتاء ماشاء الله لاقوة الا بالله مافيه فرق ابد
حتى فصل الخريف يكون فيه امطار . المهم انه بعد المطر افتح السيارة ريحتها رطووبة مخنززة
وريحة خنيززز كأن السيارة مليانة موية ومقفلة . يعني نفس ريحة الفرش الغرقان فهمتوا
دورت فالسيارة كاملة ابحث بالمليميتر ياحبيبي بالمليميتر مالقيت اي قطرة مويه
لا التندة ولا المقاعد ولا حول فتحة السقف ولا فالارضيات ولا فالشنطة فمدري شالسبب لحد الان !

5 - النور الامامي الواطي سيئ جدا ! نور الاكسنت افضل !! لا احد يزعل فوالله اني صادق في كل كلمة اقولها
فهل فيه حل للنور ؟؟؟

6- كعادتي كل 10000 اغير مكان الكفرات الوراء قدام والقدام وراء ولكن بشكل قطري
وانا للحين قد غيرتها مرتين ولكن للاسف المرة الاخيرة اكتشفت ان واحد من الكفرات محبل ( مورم )
فحبيت استشيركم ايش اسوي اروح اتهاوش معهم وهل الوكالة بتغيره لي والا لا ؟

7- غيرت فلتر الهواء بعد 20000 كم وكلفني 160 ريال . ف
هل فيه ارخص من كذا ياشباب ؟ والا سعره مناسب ؟

8- فكيت فلتر المكيف ورحت اسأل عنه لقيته ب 350 فالوكالة
وصراحة قمه الغبنة تحط 350 في ورقة المهم اني نظفته ورجعته مكانة
فالسؤال هل فيه ارخص من كذا والا ماعندي حل الا الوكالة ؟

9- الجنوط عندي لونها مرررة خايس مدري كيف اوصف لكم
احس جنوط ال 2010 الفل كامل افضل لانها المنيوم لماع
اما 2012 المنيوم على لون رصاصي غامق
فهل فيه بخاخ المنيوم لماع او بوية ارش فيها الجنط
او تعرفون ورشة ترش الجنوط وتغير لونها الى لون افتح شوي ؟؟؟

المميزات :

سافرت عليها اكثر من مرة وعلى سرعات عالية وماشاء الله تبارك الله اشطف التريلات وهي مثل السيخ مايحركها الهواء
- عمليه لابعد حد - تتحمل الحفر القوية والله ثم والله اني قد اكلت ممكن اكثر من 6 حفر ياشيخ انزل من السيارة اشيك عليها
من قوة الحفرة وما شاء الله ولاكأن صار شي - سيارة كشخة بمعنى الكلمة شبابية وكشخة
وحقت شيبان ومعرسين ومفحطين في نفس الوقت - ثقل الطارة وهذا يحسسك بالامان فالقيادة - الرساوة ممتازة -
تقبل التعديل من اكسسوارات من غير قص وتجريح ( الشاشة والاسطبات والشمعات والزينون وغيره ) - مراتبها مخمل
ممتااازة جدا صحيح قاسية بس والله حلوة بالاضافة الى بعض المميزات الاخرى

هذي تجربتي مع ال 2012
وان شاء الله تكونوا استفدتوا وابي تعليقكم عالكلام هذا
من اللي طلعت عنده المشاكل هذي ومن اللي مااطلعت عنده وكذا

واللي عنده اجابة عالاستفسارات ياليت مايبخل علينا
ولكم جزيل الشكر
والسلام عليكم ورحمة الله ويركاته

اتشرف باستضافتكم عال bb : 27154432

**عاشق العيون** · 31-08-2012, 09:18 AM

راي شخصي ::: اكبر مقلب السياره هذه...توقعتها كفو طلعت اي كلام...افكر ابيعها حاليا
كل يوم اكتشف شي سئ فيها مع احترامي لاراء الجميع.. ماشيه السياره تقريبا 33 الف للان العيوب اللى شايفها ومقهور منها
1 - صوت طقة بالقير .. واللى يقهرك الاخوان بالصيانه كلهم يقولون طبيعي ... وين طبيعي وربي انه صوت معفن ويقهر .
2 - صوت من قزاز السواق والراكب لما افتحه بيجلس يطلع اصوات... سالت الاخوان بالوكاله كلهم يقووا عادي ياترفع القزاز ياتفتحه كامل .
3 - اصوات الديكور عندي خفيفه ماهي ذات اهميه .
4 - اي حجره خفيفه تعدي من تحت السياره بتسويلك فيلم واصوات ... مافيه عزل من تحت السياره ..وكمان من داخل السياره .
5 - 2012 ومافيها حساسات كيف تجي مدري .
6 - الوكاله تعاملهم اغبي تعامل بالدنيا ونصابين .
7 - عزم السياره وقومتها فاشل لكن بالسرعات العاليه تقريبا راسيه .

راي الشخصي وسلامتكم

**جاكي2** · 31-08-2012, 12:20 PM

اخوي دربيل
بالنسبه للمشاكل التاليه
4 - شيك علي ليات المويه حقت الفتحه ممكن اذا نزل مطر الليات مفكوكه
وتنقط علي التنده من داخل بَــ̯͡سَ مالاحظتها وطلعت الريحه

7- فلتر الهوا كان سعره 116 وارتفع 126 والحين ب130 اخر مره اشتريته بذا السعر
حاول تشتري من موزع النعماني اشوف اسعار ارخص من حيث الاستهلاكيات وبعض القطع

8 - فلتر المكيف تخب عليه كرتون وب350

المشرف كنج الظاهر يبيعه 140 تقريبا
وفي عضو اخر يبيعه من جده ب140 فـ♡ـي قسم البيع والشراء فـ♡ـي الاكسسوارات

وشكرااا

وانا الحمد لله السياره ماشيه للحين 204 الف والحمد لله مشاكل بسيطه
مثل صوت ديكور خلفي توه طلع والقير تمااااام والحمد لله لانه قير عااادي
والزيت كل 5000 مع السيفون

وترا غالي سيفونك 25 من الوكاله
لانه كان ب17 ريال وتوه ارتفع الي 21 ريال
شكل اللي يبيعك شغال فيك رفع اسعااار

**دربيل** · 31-08-2012, 02:44 PM

المشاركة الأصلية كتبت بواسطة عاشق العيون

راي شخصي ::: اكبر مقلب السياره هذه...توقعتها كفو طلعت اي كلام...افكر ابيعها حاليا
كل يوم اكتشف شي سئ فيها مع احترامي لاراء الجميع.. ماشيه السياره تقريبا 33 الف للان العيوب اللى شايفها ومقهور منها
1 - صوت طقة بالقير .. واللى يقهرك الاخوان بالصيانه كلهم يقولون طبيعي ... وين طبيعي وربي انه صوت معفن ويقهر .
2 - صوت من قزاز السواق والراكب لما افتحه بيجلس يطلع اصوات... سالت الاخوان بالوكاله كلهم يقووا عادي ياترفع القزاز ياتفتحه كامل .
3 - اصوات الديكور عندي خفيفه ماهي ذات اهميه .
4 - اي حجره خفيفه تعدي من تحت السياره بتسويلك فيلم واصوات ... مافيه عزل من تحت السياره ..وكمان من داخل السياره .
5 - 2012 ومافيها حساسات كيف تجي مدري .
6 - الوكاله تعاملهم اغبي تعامل بالدنيا ونصابين .
7 - عزم السياره وقومتها فاشل لكن بالسرعات العاليه تقريبا راسيه .

راي الشخصي وسلامتكم

بالنسبة لصوت طقة القير فأنا اشوفها عادية لاني لاحظتها في سيارات سابقة فورد 99 وكابرس 2006
وجمس 2001 كان الصوت يطلع عند التعشيق في جميع السيارات اللي ذكرتها لك لكن تختلف الاصوات من سيارة لسيارة فهمت !!!
فانا اشوفها عادي

**كرفوح** · 31-08-2012, 04:16 PM

هلا فيك يا اخ دربيل بالنسبه للاكورد 2012 افضل من 2011 من ناحيه السلامه لكن في الجوده 2011 لانها اخر اصدار يباني لكن يا اخ دربيل انت محافظ ما شاء الله والاشياء الي فسيارتك طبيعيه تلاقيها في اي سياره سواء كامري او هونداي الريحه الي تجيك بعد المطر دا تنسيم وتنحبس ريحت المطر جوت السياره طبعا سيارات اللكزس والمرسيدس ما تلاقي تنسيم والهوندا مره رائعه افضل من بعض السيارات الثانيه وبالنسبه للجنوط ما شاء الله حلوه حق 2012 وادا مهي عاجبتك انا بشتريها واجيبلك جنوط حق 2010 الشكل الي قبل الي عندك من الوكاله والله يعطيك خير السياره ويكفيك شرها وتحياتي لكم جميعا
0558036407

**دربيل** · 01-09-2012, 02:06 PM

المشاركة الأصلية كتبت بواسطة جاكي2

اخوي دربيل
بالنسبه للمشاكل التاليه
4 - شيك علي ليات المويه حقت الفتحه ممكن اذا نزل مطر الليات مفكوكه
وتنقط علي التنده من داخل بَــ̯͡سَ مالاحظتها وطلعت الريحه

7- فلتر الهوا كان سعره 116 وارتفع 126 والحين ب130 اخر مره اشتريته بذا السعر
حاول تشتري من موزع النعماني اشوف اسعار ارخص من حيث الاستهلاكيات وبعض القطع

8 - فلتر المكيف تخب عليه كرتون وب350

المشرف كنج الظاهر يبيعه 140 تقريبا
وفي عضو اخر يبيعه من جده ب140 فـ♡ـي قسم البيع والشراء فـ♡ـي الاكسسوارات

وشكرااا

وانا الحمد لله السياره ماشيه للحين 204 الف والحمد لله مشاكل بسيطه
مثل صوت ديكور خلفي توه طلع والقير تمااااام والحمد لله لانه قير عااادي
والزيت كل 5000 مع السيفون

وترا غالي سيفونك 25 من الوكاله
لانه كان ب17 ريال وتوه ارتفع الي 21 ريال
شكل اللي يبيعك شغال فيك رفع اسعااار

يعطيك العافية والله انك حليت ازمة ابشوف للاخ المشرف كنج والنعماني ان شاء الله احصل عندهم هالاغراض

وجعل والديك فالجنة

**دربيل** · 01-09-2012, 02:23 PM

المشاركة الأصلية كتبت بواسطة كرفوح

هلا فيك يا اخ دربيل بالنسبه للاكورد 2012 افضل من 2011 من ناحيه السلامه لكن في الجوده 2011 لانها اخر اصدار يباني لكن يا اخ دربيل انت محافظ ما شاء الله والاشياء الي فسيارتك طبيعيه تلاقيها في اي سياره سواء كامري او هونداي الريحه الي تجيك بعد المطر دا تنسيم وتنحبس ريحت المطر جوت السياره طبعا سيارات اللكزس والمرسيدس ما تلاقي تنسيم والهوندا مره رائعه افضل من بعض السيارات الثانيه وبالنسبه للجنوط ما شاء الله حلوه حق 2012 وادا مهي عاجبتك انا بشتريها واجيبلك جنوط حق 2010 الشكل الي قبل الي عندك من الوكاله والله يعطيك خير السياره ويكفيك شرها وتحياتي لكم جميعا
0558036407

بعطيك خبر بس مو الحين بعدين

**ميكائيل** · 01-09-2012, 06:10 PM

CTRL + Q to Enable/Disable GoPhoto.it

يعطيك خيرها ويكفيك شرها ..
انا قبل يومين مطلع اكورد 2012 كامل مواصفات وماشاءالله زي الفل..
مشيت للحين 200 يمكن
يمكن اجاوبك عن الاناره في دقمه يسار السكان حطها على 0 مو 3 وبيزيد مدى الضوء ..