رد مع اقتباسطبعا الطقه عندي احساس انها تبي ترجع والله اعلم
السلام عليكم ورحمة الله وبركاته
اسعد الله مسائكم بكل خير
ندخل بالموضوع على طول
ياجماعة الخير انا قبل 6 اشهر شريت اكورد 2009 سبشل
فحصة الموتر طلع 100٪ ولله الحمد
طبعاً مأخفي عليكم جاني مرض وسوسه مره بالمكينه مره بالقير والسبب الحنه المعروفه بالهوندا وابشكركم راحت
الوسوسه ولكن عادت من جديد بعد ماسافرت من للقصيم المره الثانيه
1 - صوت الهواء يدخل ماهو مثل اول واصوات زي الاذان ههههه
2- الموتر يحس باي شي بالزفلت وتغيرت الرساوه
3 - المكيف بارد ولكن احس انه يزيد صوت الحنه الي بالهوندا ويثقل على السياره
وبعد ماجيت من القصيم رحت للميزان العضيب وفحصتها
1- المساعدات الاماميه تهرب زيت غيرناها وكاله
2-سحب مقص
3-ميزان
4-ترصيص
طبعاً كل شي سويته عندهم
وبعد هذا كله رحت للبيت صحيت الصباح رايح لدوام طلع صوت صرصره تحت ومع المطاب تطلع طقه تحت عن الكفر الأيسر ورجعت العضيب قالو مافيه شي الموتر قلت والصوت هذا قال سوي تربيط بالصناعيه قلت حبيبي الموتر بعد ماطلع الموتر من عندكم طلعت الاصوات هاذي طبعا شدو مصامير الي تحت ربطوها واختفاء الصوت وبعد يومين رجع ورجعت لهم وبطوها ثاني مره بس احس الموتر رساوته زفت والهواء اسمعه وخاصه من تحت ياليت تفيدوني بكل الي ذكرته وآسف على القرقره الزايده
واتمنى الافااااااده لاني وسوست وفكرة أبيع الموتر وحرام وخاصه بيني وبينها حكاية حب وغررررام
طبعا الطقه عندي احساس انها تبي ترجع والله اعلم
السلام عليكم
بالنسبه يا اخوي للحنه موجود في الاكورد وفي كمان تنسيم جهة باب السائق اوقات ماتسمعه واوقات يكون الهوا برا قوي على السياره وتسمع تنسيم قوي اما بالنسبه للثقل في السياره اي سياره يقل عزمها مع المكيف بالنسبه للاصوات الي تحت روح محل ميزان كويس ومعروف يسويلك وزن وتربيط لسياره وان شاء الله اكون افدتك ياخوي وتحياتي لك
وعليكم السلام ورحمة الله وبركاته
ترى الوسوسه والاهتمام المبالغ فيه جدا .. أحيانا يؤدي إلى نتائج عكسيه
مثل بضرب لك مثال
يجيك واحد محافظ جدا على سيارته ويمشي شوي شوي على بيض .. ويجي غشيم ويقشعه ويعدم الموتر
خل ضغط هواء الكفرات على 30
وترى الحنة اللي انت تتكلم عنها .. طبيعيه بعد 3000 RPM أو بالـ RPM العالي .. الـ VTEC يشتغل وصوته يحمس و يطرب
وبالنسبة للمكيف .. نظف فلتر المكيف وجرب سكّر الهوّايه
المشاركة الأصلية كتبت بواسطة عاشق الهنادي 2
حرام عليك تغير المساعدات على طول .. لا تغيرها الا اذا تأكدت فعلا أنها خربانه
وأكبر غلط أنك خليتهم يلعبون بميزانية سيارتك ( سحب مقص وخرابيط ) كلام فاضي .. كفرات الأكورد الخلفيه فاااااارشه عشان تزيد الرساوه والثبات .. ولو تلاحظ السيارات الفخمه كفراتها الخلفيه تكون فارشه
ومحلات ميزان السيارات وغيرهم يسوون انفسهم أفهم وأذكى من هوندا اليابانيه .. ويستغفلون الموسوسين
اذكر قبل كنت اوسوس .. وقالولي سيارتك يبي لها سحب كذا وكذا و و و .. خرابيط وكلام فاضي .. بمبلغ وقدره
وسحبت عليهم
اذا تبي ترجع الميزانيه مثل اول
اتوقع يمكن الصيانه بالوكاله .. يرجعونها لك شد بلد
أو خذ كتالوج سيارتك انجليزي وعربي ( الكتاب الصغير اللي يكون بدرج السياره ) .. وخذه لمحل ميزان فاهم وخبير .. وخله يوزن على الأرقام اللي بالكتالوج
الأصوات يمكن جلد مقصات أماميه أو الركبة السفليه ( لاحظ الصورة جهة اليمين .. ركبة الأكورد تشبه هذي الركبة ) .. لا تغيرها إلا اذا كنت متأكد منها 100%
انا كان عندي أصوات بعد حادث .. وانحلت المشكلة بعد تغيير وكبس الركبة السفليه لأن فيها فضاوة و تغيير جلد مقصات أماميه
والله أعلم
تأكد من خراب القطعه .. قبل تغيرها
عشان ما تخسر على الفاضي وما تنحل مشكلتك
الله يعطيك العافيه اليوم فتحت الكبوت ولقيت الثروتل عليه زيت شوي اظاهر يبيله تنظيف وتظاهر هو الي يثقل المكيف
عفواً ماهو الثروتل الطومبة حقت الدركسون عليه زيت السواه ياجماعه
ومع العلم اني غيرت البنزين من 91 الى 95 هل فيه اشكاليه
ضوابط المشاركة
مواقع النشر (المفضلة)