مشكلتي مع هذا ( صورته بالداخل )

**just 4 u** · 31-10-2007, 07:34 PM

مـشكلتي معه ..!!

أنا استخدمه للرديتر عندي لكن اللي أنا استغربت منه
إن بعد أول مرة عبـيت منه صار لي مشكلة في نقص الماء من القربة بشكل غريب ..
ولا أدري هل كان يتبخر أو كان تهريب ! وزودت عليه ماء مقطر وصار الوضع تمام

بعد فترة اضطررت اصلح الرديتر كان فيه تنسيم عندي وطبعاً عبيت نفس النوع وصارت معي مشكلة
إن الحرارة ارتفعت علي بشكل قوي وأول مرة تصير لي مع استخدامي للسيارة من مدة طويلة
وبعد يومين صار الوضع تمام ولا كأن شيء حاصل

السؤال

هل هالنوع بـطء الإنسجام مع السيارة ؟
أو إن الفتحات بعد التفريغ والتعبئة تكون ممتلئة بالهواء ويحصل ضغط ؟

**B Unique** · 31-10-2007, 07:41 PM

في الاكورد لا تستخدم الا موية الرديتر اللي لونها اخضر

انا كان معي كابريس موديل 2001
(الله يرحمه)

ما اذكر وش كان لون موية الرديتر فيه هل هي حمراء ولا خضراء
بس اول ما غيرت اللون صارت لي نفس مشكلتك !!

وما رجعت السيارة مثل اول حتى رجعت على اللون الاصلي حق وكالتها

**just 4 u** · 31-10-2007, 07:49 PM

هـلا أخوي B Unique
وأنا مثل ماقلت استخدم الـ ( أخضر ) .. وتصير المشاكل ولا عمري جربت الأحمر

**B Unique** · 31-10-2007, 08:02 PM

اجل تأكد من غطاء الرديتر و غطاء قربة موية الرديتر

انا كان عندي غطاء قربة موية الرديتر يهرب مع الضغط وكل ما اشيك على الموية فيه القاها ناقصة
بس بعد ما غيرته راح التهريب وضبط الوضع

**just 4 u** · 31-10-2007, 08:07 PM

أخوي B Unique

بالنسبة للغـطاء وضعه تمام ولا عليه خلاف والقربة ماحصل منها أي شيء
ولا شفت أي تسرب أو تهريب وتحسست الصاجة ماعليها أثر ماء رديتر
والحمد لله إن كل شيء تمام الحين المشكلة في أول يومين بعد التغيير لا أكثر !!