رد مع اقتباسافا ^_^
وين ردودكم ياشباب 18 مشاهد ولااحد رد
مشكلتي مع الاكورد 2006
السلام عليكم
كيف حالكم ياشباب
انا عندي اكورد 2006 سبيشل وحاب اعرض عليكم مشكلتي معه
اولا الطاره لاجيت اشغل السياره الصبح تكون ثقيله ثقيله رحت كم من ورشه كلهم قالو لي علبة الدركسون ابي اسال كم سعرها وهل هي السبب ولا لا واللي عنده حل يطرحه
ثانيا الفحمات والهوبات تخرب عندي كثييير كل 3 شهور اغيرها تقريبا
مدري وش الحل حتى فكرت اني ابيع السياره واجيب كامري بس الكل قالي لا وللي عنده حل يقولي يااخوان الموتر ماشي بس 130
افا ^_^
وين ردودكم ياشباب 18 مشاهد ولااحد رد
علبة الدركسون ماادري عنها ،، اتوقع سعرها 750 ريال
كمان ،، مافهمت كيف تخرب الفحمات كل 3 شهور ،، اذا يطلع صفيير بس ،، ماعليك منو ولا تشغل بالك فيه ،، لاتغير الا اذا صرت تسحك على حديد
ايه اخوي صفير بس مزعج
وصوت اللي ازعج منه في الريوس
وعليكم السلامالمشاركة الأصلية كتبت بواسطة هنادي 06
الحمد لله بخير وانت كيف حالك ؟
بنبدأ من الأسهل إلى الأصعب مع ذكر بعض الملاحظات
1) وقف السيارة على ارض مستويه تماماً .. ثم خل السياره تبرد ( خلها فترة عشان تضمن أنها باردة وتضمن ان فحصك لمستوى الزيت يكون صحيح ) .. شيّك على مستوى زيت الدركسون ( تحذير .. لا تعبي زيت احمر !! لأنه هو اللي يعدم ويخرب علبة الدركسون والدوده ) .. لازم يكون بين الخطين ( خط المستوى الاعلى وخط المستوى الادنى ) .
اختياري : تقدر تشفط زيت الدركسون .. وتعبي ( زيت دركسون وكالة هوندا فقط لاغير ) .
أهم شيء لازم يكون مستوى الزيت صحيح ولازم زيت دركسون هوندا .. عشان ما تخرب عليك الطرمبة ولا تخرب صوفة الدودة .
ولا تنسى ان الحرارة لها دور كبير بمستوى الزيت .. اذا السياره باردة يكون الزيت اقل .. واذا حارة يتمدد الزيت شوي
( افحص مستوى الزيت اكثر من مرة .. عشان تتأكد أن مستوى الزيت صحيح )
لاحظ لونه
كم مقاس كفراتك وكم ضغط الهواء ؟
لأن الكفرات وضغط هواء الكفرات .. له دور بثقل الدركسون وله دور باستهلاك البنزين وله دور بالرساوه والثبات والراحة و الخ ...
وللمعلومية
ضغط هواء الكفرات يزيد قليلا يعني تقريبا 2 .. عند القيادة لمسافة
يعني مثلا والكفرات بارده ضغطها 30 .. ومعي المشي والاحتكاك والحرارة يزيد الى 32 تقريباً
انا أتوقع بأن المشكلة من ضغط هواء الكفرات الأمامية .. لأنك تشتكي من ثقل الدركسون عند تشغيل السياره الصبح فقط
ومع القياده .. يزيد ضغط هواء الكفرات شوي .. ويروح أو يخف الثقل
لأن لو المشكلة بالطرمبة أو الدودة .. كان يكون الثقل مستمر
أنا أتوقع بأن المشكلة :
1) ضغط هواء الكفرات الأمامية منخفض .
2) يمكن الزيت يحتاج تغيير أو الزيت اللي عندك ( أحمر )
3) طرمبة الدركسون متآكلة أو ضعيفة
تأكد أن الفحمات والهوبات أصلية
واذا عندك رجة بالفرامل .. اخرط الهوبات .. ثم ركب فحمات جديده
لأن على ما اظن لو تخرط الهوبات وتركب الفحمات القديمه .. ما تستفيد
ما أدري عن طبيعة قيادتك ؟ لكن طبيعي ان الفحمات تنتهي بسرعه بأي سيارة في العالم .. اذا كنت راعي سرعه وتمسك فرامل كثير وبقوه خصوصا وأنت مسرع
فيه ناس تفتح الإشارة .. يحط رجله على البنزين ( شوي وتطلع من الكبوت ) .. واذا وصل الإشارة الثانية كبس أم الفرامل .. وعلى هالحال يعني كأنه بسباق
اذا قيادتك كذا .. ما راح يفيد معك شيء حتى لو تغير السيارة .. غير أسلوبك بالقيادة أو اشتر سيارة تكون قير عادي ( عشان يساعدك بالفرامل وتخفيف السرعه .. ترد نمره بالقير + تمسك فرامل )
انا سيارتي قير عادي .. وما اغير الفحمات الا كل فتره طويله كل سنتين تقريباً .. ما شاء الله تبارك الله
أول ما شريت سيارتي انتهت فحماتي الامامية خلال 6 شهور .. لأني كنت غشيم + قيادتي كأني بسباق
اسرع بقوه وامسك فرامل بقوه + ولا أرد نمر لأني موسوس واخاف القير يخرب ههههه + والخ...
ويمكن الفحمات اللي ركبها راعي السيارة اللي قبلي .. فحمات تجاريه
لكن مع الوقت تعلمت من أخطائي + اركب فحمات أصلية فقط وآخذها من الوكالة بنفسي عشان اضمن انها اصليه
اذا قربت حول الإشارة او اذا جيت اهدي .. اترك البنزين واخليها تهدي تدريجيا .. ولا افضي القير على طول إلا اذا قرّب أو نزل لـ 1 عداد الـ RPM
( القير العادي يهدي اكثر من الأوتو .. من واقع تجربة )
وأرد نمرة لكن شوي شوي و بدون غشامة .. عشان ما يتأثر القير أو كراسي المكينة والقير
ما أنصح برد النمرة للقير الأوتوماتيك .. لكن تقدر تثبت النمره اذا انت بتنزل دحديرة او نزله قوية
اتمنى ان افدتك
بالتوفيق ان شاء الله
الفحمات ما عليك من صوتها .. ركز على سماكة الفحمات
اذا كانت سماكة الفحمات قليلة جدا جدا .. غيرها
مثل الفحمات اللي تحت .. او ازود شوي
^
الصوره فقط للتوضيح
لكن لون فحمات الاكورد يختلف عن اللي بالصوره
ضوابط المشاركة
مواقع النشر (المفضلة)