استفسار قبل الشراء

[مكتئب]

السلام عليكم ورحمه الله وبركاته

انا ناوي اشتري اكورد 2012 لكن اول شي قلت انتظر لين ماينزل الشكل الجديد واخاف يطلع الشكل الجديد فيه عيوب مصنعيه وهذا شي اكيد لانه اول شكل وبكذا راح ترتفع سعر 2012 صح ولالا ،،

ولا أنتظر إلين ماتجي عروض الحج !! ولا شركه هوندا ماتنزل عروض الحج

وياليت تذكرون لنا الإختلافات بين 2011 و 2012 كلها سبشل

ومالفرق بين 4 سلندر و 6 سلندر من ناحيه القطع ولا قطعهم وحده وهل قطع الاكورد متوفره

وهل السياره عمليه او تجلس كم سنه وتتهربد انا والله خايف لاني بدفع كل ما املك حتى اشتريها :(




{ وياليت تذكرون لنا عيووووب السياره } وكم سعرها بالوكاله .. وآسف على الإطاله ..

[القايله]

اول شي الله يكتب لك الزين

الشي الثاني لايوجد سياره بدون عيوب

الشي الثالث لايوجد فرق بالقطع بين 6 و4 اشياء بسيطه

الشي الرابع الاكورد اثبتت صبرها وحقت كد حافط تعيش معك

الشي الخامس خذ لفه بالمنتدى تابع المواضيع

الشي السادس لاتنسى الاستخاره

[مكتئب]

آمين يارب وياليت أخوي تذكر الفروق بين 2012 و 2011 وكم سعر الاسبشل بالوكاله وهل تنصحني أخذ جديد أو مستعمل نظيف

وهل الهوندا تمسك سعرها ولا تطيح قيمه السياره

[تألمت بس تعلمت]

عندنا 2009 و2012

احس 2009 امتن ومرتبة السائق اطمن من 2012

لكن الرساوه وحده ويمكن 2012 افضل بعد وانعم من 2009 مطبها اخف

لكن 2009 افضل بالعزل ..2012 فيها تنسيم خفيف لايذكر

الخلاصه وانا اخوك الموتر حلو بس انصحك بالموديل الجديد

والسبيشل 2012 يفرق عن 2011 ان جنوط مقاس 17 بعكس 2011 يجي 16

وصناعه امريكيه والـ 2011 صناعه يابانيه

[مكتئب]

وهل تنصحني أخذ اربع سلندر أو سته سلندر

انا كثير نصحوني بأربع سلندر يقولون عمليه أكثر وقطعها متوفره هل هذا الكلام صحيح أم لا

[تألمت بس تعلمت]

ماعتقد فيه فرق

كلها اعتماديه واكيد 6 سلندر افضل خصوصا لاكنت راعي خطوط

انا مجرب الاكورد اللي معي خطوط لاصرت محمل ناس وعفش يمين بالله تكره نفسك يالله توصل 120 تصيييير ثقيله

بس 6 سلندر كلام ثاني وانا اخوك وحلووه والصرفيه ماتختلف ابد عن 4 سلندر

والقطع نفسها تقريبا مافيه فرق بس بدال ماتغير 4 علب زيت بتغير 6 علب تقريبا وبدال ماتركب 4 قطع بواجي ممكن تركب 6

[مكتئب]

هل صناعه الجنط في 2012 امريكيه ولا السياره كامله ؟؟

[تألمت بس تعلمت]

السياره كامله وانا اخوك

ترى حتى الموديل الجديد 2013 بيكون امريكي

مر طال عمرك تاجير السياره وخذ لك وحده 6 سلندر وجربها

[مكتئب]

طيب الأفضل أخذ 2012 ولا 2011 .. يعني بالعربي أمريكي ولا ياباني ؟؟

والله بديت اخاف من السيارة

[alkasr777]

ما أنصحك أبدا في الـ 6 سلندر سعرها مرتفع جدا و قطعها غااالية و غير عملية و في فرق كبير في القطع بينها و بين الـ4 سلندر و غير ذلك سعرها في البيع يطيح

أنا أنصحك تصبر للموديل الجديد لأنك بتدفع مبلغ كبير و لا تستعجل

[مكتئب]

يعطيك العافيه أخوي الكاسر طيب بسالك الافضل 2012 أو 2011 ... يعني أمريكي أو ياباني؟

والموديل الجديد بصراحه خايف منه اخاف يطلع فيه عيوب مصنعيه وتعرف اول شكل لا يخلو من العيوب

[S c O r P i O n]

ياخي انا مجنون اخذ 2012 والموديل الجديد بينزل
معلش اسمحلي على الكلمة ؟؟ بس منطقيا مايصير تاخذها اذا نزل الشكل الجديد بتصير سيارتك خبر كان
ولاتنسى الجديد في تقنيات جديده كليا واتوقع لوتاخذ فئة اقل يمديك بعد فترة تجددها
ويكفي انه الدرسكون صار كهربائي
نصيحتي لاتستعجل هذي الاكورد 2013 تحفة هوندا المنتظرة انا متاكد انهم وضعو كل طاقاتهم فيها وطلعت لنا بهذا الشكل

[ماجد .]

2011 ماريح تحصل جديد ولو حصلت اكيد اقولك خذها

والعيوب الاقمشة الخلفيه تغيرها كل 30 الف

وعلبة الدركسون يسير فيها تهريب بعد 80 الف وتسويلها اصلاح

وللمعلومية شركة هوندا يسون عروض الحج وانا اخذت سيارتي وكان عليها خصم في فترت الحج

وانا انصحك تنتظر وخذ الشكل الجديد وربي انه مجنون هوندا تفوقة على نفسها فيه

وبالمقارنة بالسيارات التي في فياتها الاكورد افضلهم بلا منازع

[مكتئب]

والله بديت أعجب بالـ 2013 بس وشلون درسكون كهربائي ؟؟ مافهمت هالنقطه

[مكتئب]

أحس إني كرهت الأكورد بسبب سعرها المبالغ فيه ........... أفكر بالأزيرا , أو افالون صاله

[م ل ك السعودية 345]

انا عندي اكورد 2012
والله انها سيارات فاشله .. وانوواع الاصواات ماوصلت 45 الف كيلو

نصيحة اخ لاخوه .. خذ لك افالون 2012 فل كامل وريح راسك ..

[al.berens1]

مع اخوي الا فوق ^^^

معاية 2012 وانوااع الاصوات وانواع التنسيم وريحة مكيف ورجة وحدفة ولسا السيارة مامشيت الا 4000

ادا تبغى تستنى 2013 استنى وادا ما تبغى عليك بالافلون او الازيرا 6 سلندرر الاثنييين حلوويين ومواصفاات حلووة