s c o r p i on معلش خاف ربك يابن الحلال لاتقس على الريال يقولك موديل 2008 وستة سلندر تروح تعطيه سعر 2004 اربع سلندر تعلمنا بالاسعار انا كويتي ومن اهل الجهراء وساكن العيون يعني سكراب امغرة خمس دقايق من عندي واعرف بالاسعار زين واتحداك تجيبلي مو 250 دينار ابي 500 دينار واتحداك جدام الاخوان انتبه لاتورط الريال معاك وتخليه يضرب مشوار وينقل سيارتة بمبلغ وقدرة ويمكن تسكر البوابة مالت الجمارك ويقعدونه يوم على الرصيف واخلاق الجمارك زفت الله يكرمكم والله مايمشونه اعرفهم زين وبالاخير يدخل وينصدم بالاسعار مادون الالف دينار شي حرام عليك انا وربي مغير ماكينة السيارة مالتي موديل 2004 اربع سلندر ستاندر 240 دينار مع التركيب واخذ مني الماكينة القديمة وانا ساعة مكاسر انا والسوري سكراب الريش وفريت كل السكاريب سكراب الجهراء والعيون كلهم اصلا خمس محلات هوندا يس من كثرهم وهذي اسعارهم الكويت غاليه نفس السعودية والله يااخوان الا اذا بغيت ماكينة ابو شهرين وتقوم عليك تحصل 150 الى 250 بدون كفالة وبعدين من تقولة للسعودية يقولك كفالة اسبوع بس يخافون تبدلها
والستة سلندر ماتلقتها نااادرة وغالية 2008 الى 2011 وربي بالف دينار اذا حصلتها بس فيه ناس واصلين ويشترون كونتيرات من بره واغلبهم من الافغانية واتحداك اذا عطوك وجه اصلا بس اذا انت كاش وفلوسك وايد وتاجر قطع اهم اللي يجونك ويعطونك باسعار خاصة ويختارون لك النظيف ليش يخافون تتركهم وتشتري من غيرهم فانصحك نصيحة لاتتورط اذا ميزانيتك ماتسمح لاتسمع كلامه والله غااااالي نصيحة لله الا اذا بامنها لك جدام تجي وبشهادة الاخوان عليه وبشرط كفالة اقل شي 20 يوم انا اقولك تعال اسف للاطالة وشكرا