السلام عليكم

كيف حالكم ان شاء الله بخير ؟


حبيت أسألكم وأستشيركم


كم شغل يد تغيير فلتر بنزين الأكورد ؟


اليوم رحت لورشة عليها شعار هوندا وشفت فيها بس أكوردات .. يعني اتوقع متخصص هوندا

وسألته عن شغل يد تغيير فلتر البنزين .. أول شيء نسيت كم قالي لكن قريب جدا لشغل يد الوكاله ( شغل يد الوكالة تقريبا 190 ريال )
قلت 190 شغل يد الوكالة !! اروح لها أصرف

بعد المكااااااااااااسر و آخر شيء قال 140 ريال .. ويقول وش تبي اكثر من كذا احمد ربك وفرت 50 ريال
قلت طيب شغل وتركيب كويس ؟ .. قال نص ونص لأن شغل اليد قليل 140

حاولت اكاسره لـ 100 ريال ما رضى

بس ما أدري أحس انه صالخني بالسعر 140 .. و يمكن يتعلم ويخرب علي طرمبة البنزين أو عوامة البنزين .. يعني ازيد 50 ريال وأوديها للوكالة أفضل من أن احد يتعلم بسيارتي

لكن مشكلة الوكالة ما يخلون الواحد يدخل يشوف سيارته وهم يصلحونها .. يعني وش يضمن لي انهم يغيرون فلتر البنزين


وش رايكم

1) أوديها لورشة , وكم شغل اليد ؟

2) أوديها للوكالة ؟

3) أغيره بنفسي ؟ ( خلوهآخر الحلول .. لأني خايف أجيب العيد )


ترى المسألة مو مسألة بخل , بالعكس

لكن والله العظيم انغبن وانقهر اذا احد نصب ولعب علي لأني سعودي .. بعض العمال يقول سعودي فلووووس كثيييييييير يعني لا تدقق بالسعر .. يرفعون الضغط يحسبوننا مخفات عندهم