الحمد لله
تم تغيير فلتر البنزين عند ورشة هوندا .. بدل الوكالة
سعر فلتر البنزين من الوكالة بعد الخصم 172 ريال
شغل اليد 130 ريال بعد المكاسر عند ورشة هوندا نسيت اسمها في صناعية السليم .. القصيم - بريده
أدري غالي بقوه .. لكن على الأقل أرحم من الوكالة وأسرع
المجموع 302 ريال
أول ما جيت للورشة ترك السيارة اللي يشتغل فيها
و بدأ يغير فلتر بنزين سيارتي
الفك والتركيب والخ ... ياخذ تقريباً نصف ساعة
ومكتوب بالكتالوج تغيير فلتر البنزين كل 40 ألف << أحس أنها قليلة بقوة .. بمشي عليه 60 أو 80 ألف .. خاصة ان تغييره يكلف مع شغل اليد 300 ريال تقريباً
بعض الأشياء اللي استفدتها وانا اشوف عامل الورشة يغير الفلتر
انه يفتح غطاء تانكي البنزين قبل يفك غطاء التانكي اللي بالشنطه عشان يفك الفلتر
بعد التغيير سكّر غطاء تعبئة البنزين
واذا جيت تشغل السيارة
افتح السويتش واصبر شوي ثم شغل السيارة
طبيعي انها ما تشتغل على طول
دق سلف المرة الأول ثم طف السيارة
وكررها 3 مرات تقريبا
وبتشتغل السيارة
بس ارفق على السلف لا تخربه
المهم بعد التغيير لاحظت .. تحسن ملحوظ بالأداء والتسارع + المكينه صارت أهدء في وضع الخمول idle ( يعني تكون مفضي القير ولا تدعس بنزين )
و جاري تنظيف البخاخات
حطيت محلول امريكي أصلي حق تنظيف البخاخات .. في تانكي البنزين
المحلول هذا مخصص لوضعه في تانكي البنزين ثم تعبئة بنزين فل
رد مع اقتباس
مواقع النشر (المفضلة)