أبدأ من الأسهل والأرخص إلى الأصعب والأغلى
يعني :
1) نظف اصابع البطارية وشدّها زين ( شدّها بقوة لكن موب لدرجة ان اصبع البطارية ينكسر )
اذا ما نفع عطها اشتراك
اذا اشتغلت السيارة بدون مشاكل .. فالمشكلة من البطاريه
لكن ترى بعض أسلاك الإشتراك خرطي وتوصيلها سيء جدا .. وبعض الأسلاك ممتازه وعلى طول تشتغل السياره
يعني حاول جرّب اكثر من اشتراك
واذا ما اشتغلت بصراحه ما ادري يمكن السلف أو شيء ثاني
حاول تنتظر شوي بين كل دقة سلف
وش نوع البطارية الحالية في سيارتك ؟
اسي ديلكو أو شركة ثانيه ؟
و على نفس البطارية مكتوب .. كم أمبير ؟
المحلات ينصبون و يلعبون على خلق الله
مثلا يقولون هذي بطارية 60 أمبير .. وهي في الحقيقة والواقع 45 أمبير ( مكتوب على نفس البطارية )
وكان عندي نفس البطارية ومتأكد أنها 45 أمبير
بحاول أرفع لك صوره وأوريك 45 أمبير مكتوبه على بطاريتي القديمة .. نفس البطارية اللي بالصورة فوق
ملاحظه :
انا سيارتي 2006 .. يعني يمكن الموديلات الجديدة تحتاج بطارية بأمبير أعلى من 2006
افتح دليل المالك أو دليل المستخدم ( موجود بدرج السياره ) .. وشف كم تحتاج امبير
مواقع النشر (المفضلة)