وعليكم السلام ورحمة الله وبركاته
اذا انت ماشي على الزيت كثير فوق 60 ألف .. طبّق الإقتراح الثاني ( تغيير الزيت على دفعات )
واذا انت ماشي على الزيت 40 أو 60 ألف فقط .. غيره على طول بالوكاله
وانصحك بتغيير فلتر القير الخارجي
زيت الدركسون اذا كان عندك خبره كافيه + عندك زيت الدركسون الخاص بهوندا ( تجده بالوكاله ) .... تقدر تغيره
تشفط الزيت من علبة زيت الدركسون .. ثم تعبي زيت الدركسون الخاص بالهوندا ( لا تستخدم إلا هذا الزيت فقط لا غير .. وإلا راح يسبب لك مشاكل كثيره )
لكن قبل تشفط الزيت .. نظف علبة زيت الدركسون من الخارج .. عشان تقدر تشوف مستوى زيت الدركسون بسهوله
ولازم مستوى الزيت يكون مناسب ..
اذا كان الزيت قليل جدا = تآكل طرمبة ودوده الدركسون .
اذا كان الزيت أكثر من الازم = راح يسبب لك تهريب وتلف الصوف وممكن تسبب تنديه بطرمبة الدركسون .
والمستوى المناسب للزيت ..
أن يكون الزيت بين الخطين ( خط المستوى العلوي .. وخط المستوى السفلي ) .. بشرط ان السيارة تكون بارده
لأن زيت الدركسون ممكن يتمدد مع الحراره
# صور من الانترنت للتوضيح
علبة زيت دركسون الهوندا
لون الزيت
الزيت لازم يكون بين الخطين والسيارة بارده .. واذا ما تقدر تشوف مستوى الزيت .. نظف العلبه من الخارج
وانصحك تستخدم Isopropyl alcohol لتنظيف العلبه من الخارج .. موجود بالصيدليات .. على شكل بخاخ أو على شكل مسحات طبيه
وبعد ما تنتهي من إستخدام Isopropyl alcohol .. بلّل قطعة قماش أو منديل بالماء .. وامسح العلبة عشان تتخلص من بقايا Isopropyl alcohol
ميزة Isopropyl alcohol انه يشيل الأوساخ والزيوت بسهولة وبسرعه .. ويستخدم ايضا لتعقيم الجروح .. وتعقيم الجلد قبل إعطاء الإبر
مواقع النشر (المفضلة)