المشاركة الأصلية كتبت بواسطة نصراوي
يابعد قلبي والله ، لكن يالغالي اذا ممكن اسعار الكشافات والصدام ، وهل تنصحني بصدام مستعمل
او صدام مش حالك ؟
وكشافات وكاله او مش حالك ؟
والظفيره من وين اشتريها وكم سعرها يابعدي
لو بتركب كل شيء جديد وأصلي .. بتكلفك كثير .. والكشافات بصراحه ما تستاهل كل هالتكلفه ووجع الراس ( صدام - شبك - رش الصدام بويه نفس بويه سيارتك - تسليك وكتاوت وفاصل خارجي و الخ ... )
لو واحد صادم و منعدم عنده الصدام والشبك .. ويبي يشتري صدام .. في هالحاله انصحه وبقوه أنه يشتري صدام 2006 أو 2007 بدل 2005 ونازل
لأن شكل صدام 2006 و 2007 احلى واحسن وتقدر تركب عليه كشافات
ورش البويه ما راح تفرق معه .. سواءا صدام 2005 ونازل أو صدام 2006 و 2007
لأن الصدام الجديد يجي أسود بدون بويه
لكن في حالتك .. حرام تتخسر مبلغ وقدره عشان كشافات .. والحمد لله صدام والشبك عندك يمشي الحال وأصلي
الكشافات التجاريه التايوانيه ( يجي معها فاصل وظفيرتها ) لكن ما ادري اذا يجي معها كتاوت او لا .. و ما أدري بكم بالضبط لكن اتوقع ما تزيد عن 200 ريال
كشافات الوكاله الأصليه اغلى بكثير
والصدام اذا لقيت صدام 2006 أو 2007 مستعمل أصلي ونظيف شوي ونفس لون سيارتك وبسعر مناسب .. لا تتردد .. لأن كذا وفرت على نفسك وما تحتاج ترش بويه
والشبك وعلامة الهوندا تقدر تركب تجاري
وظفيره الكتاوت الصفراء التايوانيه حق النور من محلات الزينه .. سعرها ما يتعدى 50 ريال .. لكن اختر النوع المناسب
لو تركب زينون مثل لون زينون اللكزس أو أبيض ثلجي على الواطي مع تركيب كتاوت وظفيره خارجيه .. بتصير سيارتك كشخه وبتكلفه بسيطه مقارنة بسعر الأشياء اللي تحتاج تغيرها عشان تقدر تركب كشافات
انت في أي مدينه ساكن ؟؟
عشان اعطيك رقم فرع الوكاله بالمدينه اللي انت ساكن فيها
واذا بغيت تسأل عن السعر .. لا تنسى تقول لهم كم بعد الخصم
لأن فيه خصم على بعض القطع بالوكاله
قبل شراء أي قطعه مستعمله .. قارن سعرها بسعر القطعه الجديده الأصليه
لأن لو فرق السعر بسيط .. خذ جديد أفضل وأحسن
رد مع اقتباس
مواقع النشر (المفضلة)