الموضوع: الأكورد تصنف من اي فئه السيارات ؟ ( مقارنة بين الأكورد 2012 x ازيرا و سوناتا 2012 )

سلام عليكم و رحمة الله و بركاته

اسعد الله صباحكم / مسآكم بكل خير جميعاً


اخوآني انا دار بيني و بين صديقي نقاش حاد جداً حول موضوع المواتر

كنا نتكلم عن الأكورد و تصنف في اي فئه من المواتر


في بداية الموضوع بعد ماشريت الأكورد قالي خويي ليه ماشريت لك سوناتا ؟

- قلت له سوناتا منشتره في كل الشوارع

- و قلت له السوناتا كوري وجودته ضعيفه مره

- و قلت له السوناتا ماهي راسيه في طريق مثل الأكورد

- و الأكورد افضل شكل من الخارج و رسميه اكثر


باأختصار عديت له عيوب السوناتا بشكل مفصل ... آلخ


رديت عليه نفس السؤال و قلت له ليه انت ماشريت اكورد ؟


- قالي السواناتا داخليتها افضل و افخم

- الأكورد تفتقر للمواصفات

- السوناتا فيها بصمه و بانوراما

- الأكورد مافيها ولا شي من هذا ولا فيها تكنولوجيا

انا وش لي بموتر مافيه ولا مواصفات ... آلخ




قلت له الأكورد موتر قوي و جوده .. قالي وش ابي في القوه و الجوده إذا المواصفات مو متواجده ؟

قلت له حتى انا بعد وش ابي في موتر كوري مجرد خرده تغريني بمواصفاتها وهي في الأساس لا هي قويه ولا فيها جوده ؟

انا ماخذ موتر علشان مواصفاته و كأني داخل ملاهي ؟ ولا ماخذ موتر يفيدني و يعيش معي ؟


و جلسنا نقارن الأكورد بسيارات الثانيه وو قفنا عند الأزيرا

يقول ان الأزيرا حرام تقارنها بـ اكورد و مقارنه ظالمه للأكورد.. قلت له ليش ؟

قال لأن الأزيرا تقارن بـ الأفالون .. و الأكورد من فئة السوناتا و الكامري

وانا قلت له من ظلم تحط السوناتا جنب الأكورد قال ليش ؟

قلت له السوناتا موتر ماهو قوي مثل الأكورد و كوري في نفس الوقت .. و الكامري صار حجمه صغير و طاحت هيبته ماهو مثل قبل



و من خلال هذا الموضوع لكم حرية التعبير و اتمنى منكم توضيح

الأكورد من اي فئه ؟ هل هي من فئة السوناتا و الكامري ؟ او من فئة الأزيرا ؟ او من فئة الأوريون ؟

لو جيت بقارن الأكورد بـ أي سياره اقارنها ؟ من ناحية القوه و ليست المواصفات