الموضوع: بخصوص تهريب طرمبة الدركسون ( نقاش + حلول )

بسم الله الرحمن الرحيم

السلام عليكم

الكل يعرف مشكلة التهريب والتنديه في الأكوردات واغلبنا عانا منها

السؤال وش افضل سياره من ناحية طرمبة الدركسون وقلة خراباتها

لان الاصلاح يعتبر حل مؤقت للطرمبه وبعدها ترجع المشكله واعتقد سبب التهريب هو ( طقم الاصلاح ) نفسه

علشان كذا ودي أجرب طقم اصلاح لسياره ثانيه احاول اضبطه على الاكورد ونشوف النتايج اذا ينفع

لاني قريت في النت واحد معه همر مركب طقم اصلاح من تويوتا ;)

فشوروا علي وش اطلق موتر من ناحية طرمبة الدركسون

وهل السيفيك فيها تهريب طرمبة مثل الأكورد ولالا؟ وهل هي مثل طرمبة الأكورد ولا شكل مختلف ؟

واذا كان مافيها تهريب هل طقم اصلاحها مختلف عن الاكورد ؟ وهل يركب ؟

شكرا على الموضوع واتمنى من الاعضاء الي سبق لهم التجارب طرح تجربتهم والنتيجه راح اكون متابع للموضوع

المشاركة الأصلية كتبت بواسطة عبدالله28

شكرا على الموضوع واتمنى من الاعضاء الي سبق لهم التجارب طرح تجربتهم والنتيجه راح اكون متابع للموضوع

حياك الله اخوي

الشيء اللي راح يساعدنا في الموضوع اذكر شفت مقطع في اليويتوب لامريكي يغير طقم الاصلاح للطرمبه وكانت الربلات لونها ( احمر )

بعكس اللي في الوكاله يجي ( أسود ) وعلى ما أظن كان يمدح الطقم

وهالشيء يمكن يبين أن العله في ( طقم الاصلاح ) نفسه وهالشيء سهل حله اذا ماقارناه بتغيير الطرمبة كاملة

شكرا لحضورك وننتظر باقي الاخوان

تكملة للموضوع :
جمعت هالمعلومات يمكن تفيدنا


1 - طرمبة دركسون 2012 وطقم الاصلاح نفس الموديلات السابقه من 2008 وفوق مافيه فرق ابد وماودي اتفاول على اصحاب هذا الموديل لكن من الواضح ان المشكلة لم تحل :(



2- طرمبة دركسون السيفيك وطقم الاصلاح يختلف تمام عن الاكورد واتمنى من ملاك السيفيك يعلمونا فيه تهريب عندهم ولالا ؟؟ ( ارجوا التفاعل )



3- سعر الطرمبة حاليا عند النعماني وخارج الوكاله 2200 ريال وعلى ما أظن 2007 وتحت بـ 1900 ريال
هذا بالنسبة للأصلي فيه تقليد طبعا بس ماينصح بها

الله يجزاك خير اخوي
كانت معي هوندا سيفيك جلست شهور والحمدالله مافيها مشكلة من هالنوع

وقبلها هوندا اكورد 2006 وتهرب من تحت وبعتها ولا صلحتها
والحين معي اكورد 2008
مافيها تهريب تهريب بس العلبه فيها رغوة
ووالله تعبت كل ورشه اروح لها اللي قول 200 واللي يقولي 100
ولا ودي ادفع فلوس وفي الاخير محد يصلحها والحمدالله مافي تهريب

لقيت روابط تتحدث عن المشكله وكيفيه اصلاحها اليكم الروابط http://www.youtube.com/watch?v=GR5QN3A3rJ4 هذي للهوندا اكورد 2007 والرابط هذا للأيكورا نفس المشكله بالضبط ياليت الاخوان الي يعرفون انجليزي يترجمون كلامهم واتمنى التفاعل من الاعضاء http://www.youtube.com/watch?v=Wf-_qp1y4yc