اقتباس المشاركة الأصلية كتبت بواسطة فروووووس مشاهدة المشاركة
السلام عليكم كيفكم يا شباب انا غيرت بطارية من 55 امبير الى 66 امبير من النوع اللي صناعته سعودية يا شباب هل تغيير الى امبير اكبر تاثر بالسيارة؟ لاني ما حصلت 55 امبير وقلت اركب هذا تمشي حالي الين ما اغير الى بطارية افضل هاه شباب ادلونا بمعلوماتكم لا تبخلو علي بنصائح
من وجهة نظري

تغيير البطاريه إلى أمبير أعلى ما أتوقع يأثر على السياره .. لكن هم حددوا الأمبير عشان ما تشتري شيء زائد عن حاجتك وتخسر فلوسك على الفاضي

وهم كتبو الأمبير الموصى به عشان ما يقول الواحد ليتهم كاتبين بالكتالوج كم تحتاج امبير .. ونصيحه لا تغيرها خلك على 66 امبير .. خاصة انك مركب إكسسوارات كثيره ( سيستم صوت - شاشه - يمكن تركب زينون )

اللي يأثر على السياره انك تركب بطاريه أضعف من الموصى بها بكتالوج السياره .. تصير ما تكفي للسياره و يصير عليها ضغط عالي ويقل عمرها الافتراضي بشكل كبير

واذا بتركب زينون لا تنسى تركب كتاوت وفيوز .. مع أن الزينون التجاري أحيانا يأثر على كهرباء السياره ويخلي النور يعلق

واذا تبي تقوي شمعات النور العاديه .. فيه فرق بين الشمعات الأصليه حقت الوكاله والألمانيه والكوريه والخ ... اللي عند محل الزينه

الكوري أضعف من الألماني مع أنهم بنفس الواط watt

والشمعات العاديه الهالوجين ( الصفراء ) بعد فترة طويله قبل تحترق تضعف شوي إضاءتها