صيانة 5000 كيلو و ماحدث بتفصيل الممل

[عزآه]

سلام عليكم و رحمة الله و بركاته
اسعد الله مسائكم / صباحكم بكل خير جميعاً


كنت فاتح موضوع من قبل عن صيانة 5000 كيلو و واحد من الأعضاء جزاه الله الف خير

اعطاني رقم وكالة هوندا حتى احجز موعد و استفسر منهم عن صيانة هذه

على العموم .. اني اتصلت عليهم على رقم المنطقة الشرقية - الدمام - خط الخبر السريع - قريب من الأسكان

اتصلت عليهم و يحولون لي على الكنترول و يجي واحد اجنبي و يهذر فوق راسي ماني عارف وش يبغى اتصلت عليهم نشبت لهم مافي فايده

و من بعدها دخلت على موقع الوكيل عبدالله هاشم في الممكلة العربيه السعوديه ( موقع هوندا )

http://www.honda-saudiarabia.com/quote/

دخلت ابغى اخذ موعد عن طريق هذا الموقع و ماعرفت كيف طريقه جلست احوس و ادور يمين يسار

الى ما جاني خيارات كثيره من ضمنها ( طلب كتيب ) - ( طلب موعد لتجربة السياره ) - ( استفسار عن الأسعار )

حطييت عليه و جاتني الخيارات و مو عارف شنو القصد من ( طلب موعد لتجربة السيارة )

هل المقصود هو انهم يخلوني اجرب سياره قبل لا اشتريها او قصدهم اطلب موعد لتشييك و فحص السياره !!

على العموم اكملت البيانات كلها و على الله .. و من بعدها مسكت الخط الى الدمام

و دخلت داخل و معاملتهم حلوه و قالو حاجز موعد او لا ؟ قلت لهم ضروري الموعد ؟

قالو لا خلاص ارجع لنا بعد ساعه و تلقى السياره جاهزه و خالصة ماعطلوني الحمدلله

لكن في شي ماعجبني اعطوني الفاتوره و مكتوب عليها ان الزيت الي حطوه لي زيت الترا7 15W40 !!

انا توقعت انهم يستخدمون زيت هوندا الأصلي و تفآجئات ان في الفاتوره كاتبين لي هذا الزيت




ابغى استفسر منكم

الأسئله حول هذا الموضوع :


- الزيت الترا7 افضل من زيت هوندا ولا هوندا افضل ؟

- شنو الفرق بين الترا7 و بين زيت هوندا ؟

- و هل تنصحوني استمر على زيت الترا 7 او اضل على زيت هوندا لو قررت اترك الوكالة و اتجه الى بنجري ابويمن ؟

- و كم حده و اغيره ؟ يعني كم كيلو اعطيه و اغيره ؟

- و ابغى اعرف صيانة الـ 5000 كيلو بعدها صيانة كم ؟

- كم يوصل العداد و اودي السياره الوكالة مره ثانية ؟

- هل في صيانة لـ 10,000 كيلو او 15,000 كيلو ؟

- و شنو الأشياء الي يغيرونها لي في الصيانة الي بعد 5000 كيلو ؟

- و هل في تغيير لـ للبواجي و القماشات او الفحمات ؟

- و هل في تغيير لـ زيت القير و الدركسون ؟

- و هل تنصحوني اني استمر على الوكالة او اطلع منها ؟


و شكراً لكم مقدماً ..

[الشاعر فيصل الجهني]

واللهه اني مثلك وفي حيرة من امري
وان شالله باكر بودي السيارة بسوي صيانة الخمس الاف

وبخصوص زيت هوندا يقولون يمشيك 10 الاف كيلو

زيت الدركسون اظن يتغير في صيانة الـ 60
وزيت القير والبواجي الـ 80

وانا اشوف صيانات الـ 20 و40 و60 و80 و100 سوها بالوكالة والباقي اسحب عليهم

واهم صيانتين الـ 60 و 80

ودي//

[عزآه]

شاكر لك مروك اخوي الشاعر و ردك

اتمنى الي عنده معلومه عن الأسئله ياريت يفيدني

[عبدالله28]

بمساء الخير بالنسبه للأكورد على حسب الكتالوج الي عندي 2012 طالبه زيت بمواصفات m او احدث للأسف زيت هوندا او الترا سفن بمواصفات قديمه l الوكاله اهم شيء تبيع راجع الكتيب الي جاي من السياره وتأكد من كلامي اذا ماتعرف التصنيفات هذي مثلي سابقا سو بحث بقوقل وتلقى الشروحات اتمنى من الناس تنتبه بالنسبه لزيت السياره بالنسبه لي اغير كاسترول ايدج 5w40 ابو العلبه الذهبي تخليقي بالكامل يمشي اكثر من 10 لاف كيلو مع المحافضه على اللون واللزوجه انصح فيه بشده واسف على الاطاله تقبل مروري

[عزآه]

شكرا لمرورك لكن لحد الحين ماحد جاوبني على اسئلتي

معقوله مافي اعضاء يعرفون اجابه لأستفساراتي !!