نريد مشورتكم ...

**أحمد القرني** · 20-12-2012, 06:02 AM

صباح الخير للجميع اتمنى أن يكون أعضاء المنتدى بخير وسعادة يا رب’ لي مدة ما كتبت موضوع لكن راح اكتب موضوعي وهو عبارة عن :

تلبيس المقاعد تعرفون أن المقاعد لو ما لبستها راح توسخ من قبل الأطفال أو بالغلط عصير أو شئ أخر ...
لكن أنا بغيت اسأل بحكم خبرتكم...

ماهو الأفضل تلبيس للمقاعد أو تفصيل المقاعد ؟

ثانيا هل الأفضل الجلد أو المخمل ؟

رحت محل في تبوك يقولي 1650ريال تفصيل وعمالة فلبين لكن غالي جدا :(

المخمل تلبيس 450ريال في أوتو مجيك ...سعر مقبول ...

أخيرا أنا أخاف من أبو يمن (ماهو كلهم) شغل فلوس ليس إرضاء الزبون وعمل ممتاز ...وأيضا نريد تجاربكم والأسعار أفضل من اللي فوق أو شغل ممتاز لكن شغله يستاهل تدفع ...

علما بأني من تبوك إذا أحد يعرف محلات ممتازة يدلني عليها وشكرا للجميع .

**عزآه** · 20-12-2012, 06:19 AM

اخوي طبيعي بقولك تلبيس مقاعد الجلد افضل

اولاً لأنها كشخه
ثانياً لأنها مانعه للأتساخ
ثالثاً لو ينصب على الأسيات زيت ولا بيبسي ولا عصير ولا شي مايتدمر عليك ينمسح بسرعه
عكس المخمل يبغى لك تعب على ماينضف من الوصخ انصحك تلبسها جلد.. و شكراً

**THE SILVER ACCORD** · 20-12-2012, 08:59 AM

ما انصحك بالتلبيس

لأن اخاف تتخسر وتدفع 1650 ويمكن ما يضبط التلبيس أو يخرب بعد فتره يصير فيه تجاعيد وميلان

اذا مراتبك مخمل وتبي جلد .. خذ مراتب جلد من التشليح

أو دور لك واحد يبي يبدل الجلد بالمخمل

الجلد مشكلته بالشتاء بارد جدا وبالصيف ناااااااار يشويك من حرارته << من واقع تجربه

اخوي سيارته مراتبه جلد ومجربها صيف وشتاء .. وسيارتي مراتب مخمل مجربها صيف وشتاء

المخمل ما يكون بارد ولا حار .. عكس الجلد

عيب المخمل

تنظيفه اصعب من الجلد + الجلد أفخم

لكن الراحه عندي أهم من الشكل .. والتنظيف اذا تمسح الشيء على طول .. يصير التنظيف اسهل واسرع

اذا بتخليه ينشف ويصير يابس وتضربه الشمس لأيام طويله .. بيتعبك بالتنظيف خصوصا البيض اذا انكسر بالسياره أعوذ بالله

وإذا مالك خلق تنظفه .. خذ السيارة لأقرب محل تلميع سيارات .. ويرجعها وكاله

**الشاعر فيصل الجهني** · 21-12-2012, 01:25 PM

هلابك اخوي

الجلد افضل بكثير من المخمل
والله اني سيارتي جلد واللون فيراني
وفي عز الظهر مافيه لا حراره ولا شيء

لان السبب اني مظلل تظليل عازل

والعجيب بالجلد لو كان ساخن شغل المكيف دقيقتين على طول يبرد

نصيحتي لك فصل جلد وضلل السيارة عازل وشكرآآ