الموضوع: استفسارات عن صيانة 10,000 كيلو

المشاركة الأصلية كتبت بواسطة عزآه

سلام عليكم و رحمة الله و بركاته
اسعد الله مسائكم / صباحكم بكل خير جميعاً


كنت فاتح موضوع من قبل عن صيانة 5000 كيلو و واحد من الأعضاء جزاه الله الف خير

اعطاني رقم وكالة هوندا حتى احجز موعد و استفسر منهم عن صيانة هذه

على العموم .. اني اتصلت عليهم على رقم المنطقة الشرقية - الدمام - خط الخبر السريع - قريب من الأسكان

اتصلت عليهم و يحولون لي على الكنترول و يجي واحد اجنبي و يهذر فوق راسي ماني عارف وش يبغى اتصلت عليهم نشبت لهم مافي فايده

و من بعدها دخلت على موقع الوكيل عبدالله هاشم في الممكلة العربيه السعوديه ( موقع هوندا )

http://www.honda-saudiarabia.com/quote/

دخلت ابغى اخذ موعد عن طريق هذا الموقع و ماعرفت كيف طريقه جلست احوس و ادور يمين يسار

الى ما جاني خيارات كثيره من ضمنها ( طلب كتيب ) - ( طلب موعد لتجربة السياره ) - ( استفسار عن الأسعار )

حطييت عليه و جاتني الخيارات و مو عارف شنو القصد من ( طلب موعد لتجربة السيارة )

هل المقصود هو انهم يخلوني اجرب سياره قبل لا اشتريها او قصدهم اطلب موعد لتشييك و فحص السياره !!

على العموم اكملت البيانات كلها و على الله .. و من بعدها مسكت الخط الى الدمام

و دخلت داخل و معاملتهم حلوه و قالو حاجز موعد او لا ؟ قلت لهم ضروري الموعد ؟

قالو لا خلاص ارجع لنا بعد ساعه و تلقى السياره جاهزه و خالصة ماعطلوني الحمدلله

لكن في شي ماعجبني اعطوني الفاتوره و مكتوب عليها ان الزيت الي حطوه لي زيت الترا7 15W40 !!

انا توقعت انهم يستخدمون زيت هوندا الأصلي و تفآجئات ان في الفاتوره كاتبين لي هذا الزيت




ابغى استفسر منكم

الأسئله حول هذا الموضوع :


- الزيت الترا7 افضل من زيت هوندا ولا هوندا افضل ؟

- شنو الفرق بين الترا7 و بين زيت هوندا ؟

- لو قررت اترك الوكالة و اتجه الى بنجري ابويمن تنصحوني استمر على زيت الترا 7 او اضل على زيت هوندا ؟

- زيت الترا سفن كم كيلو يمشيني ؟

- و شنو الأشياء الي يغيرونها لي في الصيانة 10,000 كيلو ؟

- و شنو فايدة صيانة 10,000 كيلو ؟

- هل هي مهمه ولا اسحب عليها ؟

- و هل في تغيير لـ للبواجي و القماشات او الفحمات ؟

- و هل في تغيير لـ زيت القير و الدركسون ؟

- صيانة كم يغيرون لي البواجي و القماشات و زيت القير و دركسون ؟

- و هل تنصحوني اني استمر على الوكالة او اطلع منها ؟


و شكراً لكم مقدماً ..

هلا ومرحبا اخوي اللي اخبره ان الصيانه كل 5 الاف تكون عند الخدمة السريعة وهي ماتحتاج حجز مسبق
بالنسبة لصيانة 10 الاف مافيها لا بواجي ولا زيت قير ولا قماشات لان توها السياره جديده يمكن يكون فيها صنفره للفحمات + تبديل للكفرات + تغيير زيت وسيفون + تربيط
والافضل وانا اخوك انك كل 5 الاف تغير زيت وسيفون عندهم بس ارخص لك وافضل لك وتسجل عندك في الكتيب انك جاي لهم كل 5 الاف وتكون داخل في الضمان
وعلى 60 الف تغير زيت القير مع الفلتر وعلى 80 الف تغير فلتر البنزين وفلتر المكيف وعلى 100 الف تغير زيت القير مع الفلتر مره ثانيه والبواجي والسير وطبعا الافضل كل 25 الف تغير فلتر الهواء وبعد 100 الف كل 40 الف تغير زيت القير مع السيفون

اما باالنسبة للزيت انا ما اغير اصلا الا الترا7 وهو زيت ممتاز ويمشيك 5 الاف

شكراً لك اخوي على ردك الكافي و الوافي

و بنسبة لزيت المكينة زيت الترا سفن على قولتك يمشيني 5 الآلف بس

لكن زيت هوندا يمشيني 10 اللآف

فأنا افضل اني اضل على زيت هوندا لأن ممشاه اكثر .. و شكراً مره ثانية

صيانة الخمسات مو ضروري تسويها في الوكالة يعني ماتخرج من الضمان لو سويتها خارج الوكالة لكن سويها في الوكالة أفظل خاصة إنه مو ذاك الفرق الكبير في السعر
لكن صيانة العشرات ضروري تسويها إذا كنت ماتبي تفقد الضمان يعني أعتقد لو ماسويت صيانة العشرات مرتين تفقد الضمان

انا اشوف مايحتاج تسوي صيانة 10 الف خساره على الفاضي 375 علشان تغير مكان كفرات و صنفره ودق فلشر يمين ويسار وشغل النور ويقول شيكنا على السيارة انا اشوف روح عندهم وغير زيت بس ولا تجيهم الاء على 30 ولا 40 الف

شكراً لكم جميعاً على مروركم و ردودكم

و انا ان شاء الله راح اودي الموتر صيانة الـ 10,000

و صيانة 15,000 بسحب عليهم


و بنسبة لك اخوي باحطاب

اشكرك على رايك لكن لا تنسى التربيط و الشد مهم

صيانة 10,000 اهم من 5000 و 15,000