ياأهل الخبرة أفتوني بسيارتي
السلام عليكم ورحمة الله وبركاته
أخواني أعضاء المنتدى ، سبق أن نزلت موضوع في هذا المنتدى عن أن سيارتي تنقص الزيت بشكل وااااضح
طبعاً السيارة أكورد 2008 ( 6 سلندر ) ماشية حتى الآن 86 ألف فقط
ذهبت للوكالة وطلبت منهم أنهم يشيكون على السيارة بالكمبيوتر ويعملون لها صيانة الـ 80 ألف بعد ماخلصوا الصيانة قالوا لي الموتر مافيه أي شي
طلعت من عندهم وبعدها مامشت السيارة تقريباً 550 كيلو فقط شيكت على عيار الزيت لقيت العيار مافيه زيت خير شر
رجعت السيارة لهم ووريتهم الزيت أنفجع الميكانيكي وخاف إني أنكبه لأني مطلع السيارة من عندهم لي تقريباً 3 أو 4 أيام بس.
جلست السيارة عندهم يوم ونص تقريباً ويوم جيتهم شيكوا عليها وقالوا لي مانقدر نفتيك إلا إذا فتحنا راس المكينة فرفضت لأن مجرد فتح راس المكينة بيكلفني تقريباً 4500 ريال بالوكالة بسبب التايمنق وبعدها أخذت السيارة وطلعت من الوكالة.
فتكفون ياشباب أفيدوني وش تتوقعون المشكلة هل تكون شمبر مثلاً وإذا كانت شمبر كم بتكلف ...؟؟؟
واحد ميكانيكي من الشباب أعرفه ( سعودي ) جاني اليوم وشيك على السيارة قالي مستحيل أنها تكون شمبر لأنه فتح غطاء الزيت بالمكينة والسيارة شغالة وما أنخفض عزم السيارة
على العموم السيارة ماأدري عن ماضيها شي لأني شاريها قبل شهر تقريباً ، ويوم رجعت للوكالة وبحثت في تاريخ السيارة عندهم لقيت اللي قبلي مسوي لها صيانة الـ 60 ألف وصيانة الـ 70 ألف ماسواها ......
وإذا ثبت لي أنه الشمبر أتمنى من أي شخص صارت له المشكلة هذي وحلها يعلمنا كم كلفته بالضبط وعند أي محل عشان نعرف اللي لنا واللي علينا مثل مايقولون
التعديل الأخير تم بواسطة النايف1 ; 24-12-2012 الساعة 02:30 PM سبب آخر: إضافة
والله غريبه الله يعينك اتوقع انها معيونه عشان كذا باعها على العموم انصحك تبيها لو تخسر فيها شيء بسيط لان اي موتر اذا انفكت المكينه قطه لو بالوكاله هذي نصيحتي لك وانصحك تطلع موتر وكاله لو الفرق يوصل الى 30 الف على الاقل تستعمله 10 سنوات وماتحط فيه الى قطع استهلاكيه تقبل مروري
ضوابط المشاركة
رد مع اقتباس
مواقع النشر (المفضلة)