السلام عليكم أخوانـــــي

وعليكم السلام

اسف طولت عليكم أسئلة .. بس أخوكم جديد على الهوندا ..

و متوظف جديد بالرياض و لا أدري فيها شي ..

ياهلا وسهلا فيك بالرياض بين أهلك وناسك

فأنا أبي ورشة متخصصة هوندا ..

أبي أغير زيت القير .. و الفلتر ..

ورشة متخصصة في هوندا لتغير زيت القير ما خبرت والله لكن انا بفيدك باللي صار معي

فيه ورشة اسمها (جيركو) ورشة كبير متخصصة في مشاكل القير وتغير الزيوت .. بالصناعية القديمة
بوصفها لك من الدائري الشرقي وانت على الدائري الشرقي تطلع مع مخرج 17 غرب تمشي الين تتعدى النفق تبع تقاطع علي بن ابي طالب واول اشارة تاخذ يسار تمشي الين ثالث او رابع تقاطع بتشوفها على يسارك جنب ورشة (شلنجر)

وحسب مافهمت ان فلتر القير مايتغير عشان ما يسبب لك مشاكل قد تصل الى التوضيب .. وبإمكانك تتأكد

و لو سمحتو أبي أغير زيت المككينة مع الفلتر ..

كم تاخد علبة ..

زيت المكينة مع الفلتر 4 علب ونص والتكلفة على حسب نوع الزيت اللي تبي تحطه يعني التكلفه معك من 110ريال الى 180 ريال تقريبا ويعتمد هالشي ع نوع الزيت هالكلام اذا بتغيره خارج الوكالة .. داخل الوكالة يكلفك تقريبا 135 ريال ..



وكم علبة زيت قير أركب ..

على ما اذكر انها 4 علب مو متأكد والله لاني غيرنه قبل سنة ونص تقريبا بس الفني بيعطيك الاكيد ان شاء الله

و كم سعر طقم اصلاح الدودة لللأكورد 2007 ..

4 سلندر ..

ماعندي علم والله وان شاء الله يفيدوك الشباب

و فلتر البنزين .. شغلته صعبة ولا فك وركب ..!!

فلتر البنزين شغلته تقريبا ساعة فك وتركيب بس نصيحة خلك على راسهم لا تخلي موترك وتروح ..

و شكرا لكم أخواني .. أسف على الأطالة ..

بس محتاج نصيحة لا اطيح بيد طباخ ويجيب فينا العيد ...

أتمنى أكون أفدتك ولو بشي بسيط :)