السلام عليكم ورحمة الله وبركاته

اخواني انا مركب انوار اماميه رياضيه الي يجي فيها ليد على كامل النور
المهم بداية المشكله معي / انطفى النور الواطي من النور الامامي الايمن ورحت للكهربائي عشان اغير شمعه ، رحت وطلع لي الكهربائي الشمعه الاولى وهي محروقه واشتريت اخرى وجاء ركبها برضوا ما اشتغلت وجاء طلعها وسوا اختبار للشمعه طلعت شغاله جاء سوا اختبار بجهاز الفحص للفيش الي تركب فيه الشمعه طلع الفيش بدون كهرباء ؟؟!! استغرب الكربائي
المهم قلت له ركب لي الشمعه وخليها لين افضى واوديها للوكاله لان وقتها انا كنت مسافر ، ركب لي الشمعه وركب الافياش ورجع كل شي مكانه شوي انطفى الليد حق النور ؟؟!! المهم انا اخلاقي زقت شوي رحت وديت السياره البيت وسافرت ورجعت بعد اسبوعين شغلت السياره بروح مشوار بسيط بالليل شغلت النور اتفاجئ بالعالي اشتغل معي شوي وانطفى واصبح النور الامامي الايمن ( ليد + واطي + عالي زينون ) كلها انطفت والنور الامامي الايسر كلها شغاله .

بصراحه خفت ووقفت السياره وما ابي احركها لين افضى واروح لمركز كهرباء راقي او للوكاله

انا طرحت الموضوع يمكن احد فاهم في هالمشكله شي او مرت عليه وعارف لها حل بتكاليف بسيطه يعني ابي رايكم في حل هالمشكله قبل لا اتورط بورشه تنصب عليه او الوكاله ومعروف نصباتهم .

الله يكتب لكم ولي الاجر
تحياتي