الموضوع: معلومات عن الأكورد 2013 من الوكالة + صور

المشاركة الأصلية كتبت بواسطة game over

أنا نويت ان شاء الله اشتريها
لكن ياليت لو احد يورينا صورة طبلون الفل مخمل، ابغى اشوف ايش الفرق بينه وبين طبلون الفل 4 سلندر

وشكرا

ما يفرق شي بين جميع الفئات ، اللهم فئة السبورت 6 سلندر طبلونها أحمر ..

جزاك الله خير
لكن هل مكيف الفل مخمل يكون لمس وتحته الماوس زي اللي في الصوره هذي؟؟

http://www.automotiveaddicts.com/wp-...er-console.jpg

بصراحه رحت الوكاله وما افادوني

الماوس حق النفقيشن مايجي الا ف الفل اربعه سلندر جلد وانت طالع

اما فل المخمل بس مكيف لمس واللي تحت درج عادي لانه مافيها نفقيشن هذا كلام مندوب الوكاله وشفتها برضو ع طبيعه

ان شاء الله اكون افدتك ف هالمعلومه

السلام عليكم

اول مشاركه لي حبيت افيد الاخوه

انا من محبين الهوندا كنت بشتري الشكل القديم بس لما نزل الشكل الجديد 2013 الصراحه جذبني اكثر وعجبني الاوبشنز لهذا قمت بزيارة وكيل هوندا في الامارات الفطيم فرع العين

الكوبيه جايبين نوعين الاربعه و السته سلندر

الكوبيه السته سلندر مشكلتها ان شابوها رقم واحد بس مش فل اوبشن يعني مافي رادار في زرين على جهة اليسار مختفين سالته قلت له يجي من داخل لون غير الاسود و الابيض قالي لا بس هذا اللون وهذه تحسب نقطة سوده لصالح هوندا لازم يعطوا خيارات اخرى افترض اني ماخذ هوندا حمرا ومن داخل لونين اسود ابيض بدل ما يكون زعفراني و ابيض مثلا النافيجيشن موجود وشغال جربته و ما لقيت فيها الزرين اللي على يسار الاستيرينج وجعني قلبي حاس نفسي راكب رقم 3 مو رقم واحد سعرها 130 الف قلت له ليش ناقصه اوبشن ؟ قالي لانه في نوع بعدها يعتبر التوووب ولكن ما نقدر نجيبه علشان سعرها بيصير 150 الف درهم واللي بيكون زياده هو الرادار و زر ال p وزر مانع الانزلاق واكيد ما راح تدفع فرق 20 الف علشان هذه الاوبشان ولا راح تشتري هوندا بسعر 150 الف !! كلامه منطقي بس لو اعرف سعرها بامريكا كم فللل سته سلندر علشان اشوف فرق السعر بيننا وبينهم

الجير حلو و البدل شفتر موجود في السته سلندر الاربعه مافيه ما اعرف ليش ؟ و الاربعه كان مخمل ونصه جلد اعتقد انه قالي رقم واحد بس ما اعتقد مواصفاتها رقم واحد وهي مافيها لا بدل شيفتر ولا جلد ولا فيها اي ازرار على يسار السائق المهم الاسعار كالتالي للفل اوبشن اخذتها منهم

فل اوبشن كوبيه سته سلندر 129300 ردهم
فل اوبشن كوبيه اربعه سلندر 105300 درهم
فل اوبشن اربع ابوب 6 سلندر 133500 درهم ( مدري ليش اغلى من الكوبيه )
فل اوبشن اربع ابواب اربعه سلندر 103500 درهم

للاسف ما صورت لاني زعلت الصراحه ان الاربعه سلندر صار الحين فوق الـ 100 الف الله يرحم

بكره بنشوف السيفيك فوق الميه و الكورولا و غيرها من السيارات الصغيره

بعض الاوبشنز الموجود في الدفتر الخاص بالكوبيه اللي اخذته

سعة الوقود 65 لتر
العجلات للسته 18 انش و الاربعه 17 انش
نا قدرت اعرف كم سيدي يحمل مسجلها اللي يعرف يفيديني
الجير 5 غيارات للاربعه سلندر و 6 غيارات للسته سلندر

السته سلندر فيها نظام vcm للتحكم بادارة السلندرات اقراوا عنه بالنت
زر econ للاربعه و السته

تحياتي

السلام عليكم

الله على الاكورد

ما شاء الله

بعد ما راحت على السيفيك شريت لكزس 300 gs

بس الحين اشوف مواصفاتها في الاكورد هذا غير قطع غيارها نار ياحبيبي نار

ببيعها واخذ اكورد باذن الله

مشكور اخوي على الموضوع

رحت وكاله خريص

للاسف ال 6 سلندر مافيه

والدفعه الجايه كلها محجوزه

ويمكن فيه دفعه جايه في شهر 5 ميلادي