اكورد 2013 فل كامل والا تورس 2013 سياحي

**اكورد 2013** · 10-01-2013, 08:48 PM

السلام عليكم انا محتار اشتري اكورد 2013 فل كامل 4 سلندر مع نفقيشن والا اخذ تورس 2013 sel

**أكــــــــــورد11** · 10-01-2013, 09:03 PM

وعليكم السلام
اكورد2013 6سلندر وانت مغمض شكل جديد وحلومشكلة العزل وايضا طرمبة الدركسون صارت كهرباء ..
ايضا تحمل وجوده بعكس التورس التسارع افضل من السابق كاميرا جانبيه وخلفيه شاشتين للخرائط والمسجل
الثبات فيها صار افضل من الجيل السابق لدرجه انها تفوقت بالثبات على البي ام الفئه الثالثه ..استخير الله والله يكتب لك فيها نصيب ..

**اكورد 2013** · 10-01-2013, 09:12 PM

مشكور اخوي ع الرد بس الاكورد اللي باخذها 4سلندر ويقولون الشباب اللي هنا ان الاكورد شايلن منها الكاميرا الجانبيه ما فيه الا الخلفيه

**meshoo** · 10-01-2013, 09:23 PM

وعليكم السلام

انا اقول انتظر شهر وشوف الوضع بشكل كامل الحين صعب تحكم

**م ج رد حلم** · 11-01-2013, 02:41 AM

شوف ياخوي انا معي 2009وماشي عليها 140وكم يوم وابيعها

السيارة ماشاء الله تبارك الله تستاهل كل ريال يندفع فيها

ولله الحمد من يوم طلعت من الوكالة ماقد طبت ورشه لاميكانيكا ولاسمكره وبويه

اذا تبي سيارة كرررف خذ اكورد وانت مغمض

عيوبها معروفه قاسيه جدا وعزلها الارضي صفر مكعب

وعلى النقيض تماما التوريس مريحه وعزلها مميز

وانت براحتك

**hasan1982** · 11-01-2013, 03:58 AM

وش تقصد بالاكورد فل كامل .. الستة سلندر فل كامل او الاربعة سلندر فل كامل

التورس 6 سلندر sel مخمل تقريبا ب 116 ألف ريال

الاكورد 4 سلندر فل كامل مخمل ب 107 الاف تقريبا

الاكورد 6 سلندر فل كامل بفوق 130 الف ريال.

من وجهة نظري اذا بتاخذ اكورد 6 سلندر بفوق 130 الف ريال فعندك خيارات افضل .. ممكن تاخذ تورس sel دفع رباعي ب 124 الف ريال تقريبا سيارة عزلها ممتاز و مكينتها قوية و ناعمة في السواقه

اذا قصدك بتاخذ اكورد 4 سلندر سواء مخمل ب 108 او جلد ب 117 او تورس sel دفع امامي ب 116 الف فالتورس هنا 6 سلندر و تقارنها باربعه سلندر يعني مقارنه مجحفة بحق التورس

انا احب الاكورد بس انصدمنا من مواصفات الوكيل لي تقريبا 3 شهور انتظر و اشوف المواصفات الامريكية الخرافية في السيارة و فجاه الشباب يقولون فيه مواصفات كثيره غير موجوده و شالها الوكيل

على العموم انتظر اسبوعين حتى تتضح الصورة و تشوف المواصفات اذا عرضتها الوكالة رسميا

**اكورد 2013** · 11-01-2013, 04:24 AM

بانتظر ان شاء الله اسبوعين لين يعرضونها بالوكالة ويحطون مواصفاتها رسميا

**سلطان2020** · 11-01-2013, 07:06 AM

والله ياخوي أشوف إنه تنتظر من شهر لين شهرين حتى تبان عيوب الموديل الجديد
يعني لاتتحمس وتشوف الإخوان نازلين مدح فيها - لأنه ماشافوا عيوبها لسى - وتشتري على طول

اصبر وشوف هل تم حل مشكلة العزم السيء
وهل تم حل مشكلة العزل الأرضي والجانبي
وهل تم حل مشكلة أصوات الديكور
وهل تم تغيير الدركسون بالكامل أم لا

بعدين تقدر تقرر هل تشتري الأكورد الجديدة أم لا

أنا الحين سيارتي ماشية 25000 وفيها صوت من الديكور الخلفي ومن الدرج ومرتبة الراكب الامامي ومن الأبواب
لما أمشي على خط غير مسفلت أو مسفلت بشكل غير جيد أسمع تشكيلة عجيبة من الأصوات سببت حرج لي عند أخوياي يقولوا : لسى السيارة جديدة ليش هذي الأصوات

أخوياي واحد معه أكسنت ماشي 9000 والثاني سوناتا ماشية 14000 وماعندهم أصوات نهائي
وأنا صوت الديكور الخلفي طلع بعد إسبوعين من يوم طلعت السيارة يعني لسى ماوصلت 5000

**accord790** · 11-01-2013, 09:50 AM

اذا انت بالرياض روح للعيسى واطلب تجربة قيادة للالتيما الجديده
ب117 الف ريال فل كامل 6 سلندر

افضل خيار باقل سعر

**B Useful** · 19-01-2013, 11:59 AM

انت سألت وجاوبت نفسك

( فل كامل ) او ( سياحي )

دايم الفل كامل لا يعلى علية وقت الشراء ووقت الاستخدام ووقت البيع ..
السياحي حتى وانت تستخدمة تنقهر وانت تشوف الازرة ناقصة والتحكم ناقص ومافية فتحة سقت .. الخ ..