مجموعه استفسارات عن الاكورد 2013

**Root1** · 11-01-2013, 02:35 AM

السلام عليكم ورحمه الله
عندي مجموعه استفسارات عن الاكورد الجديده
بالنسبه لل 6 سلندر الي ب 129900 هل هي جلد ونافقيشن ؟
وهل الانوار الاماميه زنون ؟
ماادري هل هي نفس مواصفات الاكورد الامريكيه ؟ علشان الامريكيه تجي زنون ( وفيها عدستين بالنور الواحد اما السعوديه من الصور الي بالمنتدى فهي عدسه وحده)

**meshoo** · 11-01-2013, 02:55 AM

وعليكم السلام

اول سياره وصلت كانت 6 سلندر وفيها عدستين بس اي فئه الله واعلم

وبعدين ماحد يقدر يفيدك بدقه اصبر خلال الايام القادمه يتضح كل شيء

**بلال العلمي** · 11-01-2013, 11:19 AM

الاربعة سلندر فل ما تجي بعدستين حتى في امريكا لكن تجي بمواصفات ممتازة مثل النقطة العمياء وموجودة عندنا في السعودية لكن اللي ماهو موجود هو التنبيه في الاقتراب من السيارة اللي امامك

ولا تجي بالتنبيه بالخروج من المسار ولا تجي بالقير الستيب ترونيك اللي في الدركسون

**Musouka** · 11-01-2013, 04:02 PM

أتوقع الستة سلندر عندنا راح تنزل بفئتين مقاربتين لفئتي ستة سلندر الأمريكيتين (EX-L V6 وَ Touring) في التصنيف (ولكن قد تنقصها في المواصفات).

في أمريكا فقط فئة الـTouring الرياضية تأتي بمصابيح LED أمامية بعدستين (وليس زنون)، الستة سلندر المعتادة تأتي بعدسة بضوء هالوجين عادي، لكن كلتا السيارتين تأتيان بشريط LED　أسفل النور الأمامي (موديلات الأربعة سلندر تأتي بشريط بنور هالوجين عادي).

توقعي الشخصي هو أن فئة الـSport اللي راح تنزل لدينا (سعرها 135 ألف) ستكون شبيهة بفئة الـTouring في أمريكا، وهذه صورتان غير واضحتين للسيارة في السعودية وتقدر تشوف كلمة Sport تحت عبارة V6 في الصورة الثانية:

وهذا شبيه بما تفعلها هوندا مع الـTouring في أمريكا:

الستة سلندر العادية عليها عبارة V6 فقط:

بمعنى أن الستة سلندر العادية احتمال كبير أنها لن تحصل على مصابيح LED أمامية الذي سيكون حصرياً لفئة الـSport وستحصل على LED فقط في الشريط الأمامي السفلي (هذا في حال اتبعت الوكالة هنا نفس التصنيف الأمريكي)، والله أعلم.

شيء آخر يخص فئة الـSport/Touring وهي أنها رياضية يعني الداخلية تكون عادة سوداء أو بلون داكن ولا تحتوي على تخشيبة.

شيء آخر يخص فئة الستة سلندر وهي أنها لم تحصل على محرك بتقنية Earth Dreams الجديدة ذات الحقن المباشر ولا ناقل حركة الـCVT الجديد كما هو الحال مع فئات الأربعة سلندر ويأتي المحرك وناقل الحركة فيها كتطوير بسيط لمحرك الجيل الحالي، ويتوقع تقديم هاتين التقنيتن مع تعديل نصف الموديل في 2016، ولكن في المقابل فمستوى الهدوء فيها أعلى من فئات الأربعة سلندر.

**بلال العلمي** · 11-01-2013, 04:09 PM

اخي موسوكا

السبورت عندنا ما راح تجي برادار ولا راح تجي بالكاميرا العلوية الخاص بنظام تحديد المسار ونظام مراقبة السيارة الامامية

السبورت عندنا راح تكون ستة سلندر وبعدستين ليد ولكن بدون مواصفات التورينغ من ناحية المواصفات الزائدة كالرادار مثلا

السيارة اكورد 4 سلندر فل راح تحصل على شريط ليد امامي ايضا ونزلت صورتها امس

يظهر لي ان السبورت اللي في امريكا هي نفسها بتنزل عندنا لكن بمحرك ستة سلندر اضاءة ليد فقط يعني مواصفات خاصة للشرق الاوسط لاول مرة تتم من عام 2003 لاننا تعودنا انه ينزل عندنا اللي ينزل في امريكا نفسها وهذه اول مرة تنزل فيها مواصفات مختلفة عن اللي موجود في امريكا

**al.berens1** · 11-01-2013, 05:16 PM

هذا كلوو لعب هشومي لزم يلعب في المواصفات مايجيبها كامملللة

لا حول ولا قوة الا بالله

**بلال العلمي** · 11-01-2013, 05:38 PM

لا مو هشومي حتى في الامارات نازلة بنفس الطريقة

المسألة قد يكون لها علاقة بالاسعار على العموم ميزة هشومي هو ان الطلب اذا زاد على سيارة معينة يجيبها يعني لو تطلبون التورينغ ويصير عند المبيعات طلبات للتورينغ الامريكية الكاملة بيجيبها بس تحتاج لطلبات وعادي حتى لو زاد السعر الى 150 الف وفوق شوي

**Musouka** · 11-01-2013, 05:39 PM

المشاركة الأصلية كتبت بواسطة بلال العلمي

اخي موسوكا

السبورت عندنا ما راح تجي برادار ولا راح تجي بالكاميرا العلوية الخاص بنظام تحديد المسار ونظام مراقبة السيارة الامامية

السبورت عندنا راح تكون ستة سلندر وبعدستين ليد ولكن بدون مواصفات التورينغ من ناحية المواصفات الزائدة كالرادار مثلا

السيارة اكورد 4 سلندر فل راح تحصل على شريط ليد امامي ايضا ونزلت صورتها امس

يظهر لي ان السبورت اللي في امريكا هي نفسها بتنزل عندنا لكن بمحرك ستة سلندر اضاءة ليد فقط يعني مواصفات خاصة للشرق الاوسط لاول مرة تتم من عام 2003 لاننا تعودنا انه ينزل عندنا اللي ينزل في امريكا نفسها وهذه اول مرة تنزل فيها مواصفات مختلفة عن اللي موجود في امريكا

لاحظ أن ذكرت أنها مشابهة لها "في التصنيف (ولكن قد تنقصها في المواصفات)".

بس كلامك يبدو منطقي أكثر، فيبدو أن السيارة هي السبورت (لاحظت متأخراً وجود الجناح الخلفي المدمج) ولكنها ستحصل على أنوار الـled الأمامية والمحرك وناقل الحركة من التورنج.

**Root1** · 11-01-2013, 07:42 PM

الله يعطيكم العافيه على الردود ماقصرتوا

طيب ال 6 سلندر الي ب 130 الف تجي جلد ونافقيشن ؟ ولا محد يدري ؟

مشكورين

**باحطاب** · 11-01-2013, 10:59 PM

مادري ليه مستعجلين اصير كم اسبوووع وبتعررررف عنها كل شيء ... الحين مافي شيء واضح

**accord 6th gen** · 12-01-2013, 01:19 AM

الحين محرك الستة سلندر اللي عندنا مو نفس اللي نازل بامريكا يعني بدون تقنية ايرث دريمز ارجو الافادة. بالنسبة للاكورد ستة سلندر الفئة العادية متاكد تجي جلد مية بالمية اما النفقيشن تسعة و تسعين بالمية :d

**Root1** · 12-01-2013, 03:44 AM

المشاركة الأصلية كتبت بواسطة باحطاب

مادري ليه مستعجلين اصير كم اسبوووع وبتعررررف عنها كل شيء ... الحين مافي شيء واضح

الله يعطيكم العافيه
انا الحين بامريكا علشان بشوف اذا هي نفس المواصفات اشتريها من السعوديه اذا لا اشتريها من هنا وارسلها للسعوديه, انا لازم اقرر الاسبوع هذا علشان ان شاالله برجع قريب للسعوديه.

ان شالله المواصفات ماتكون اقل بكثيرر من الامريكيه :s