اقتباس المشاركة الأصلية كتبت بواسطة عبدالله الزهراني مشاهدة المشاركة

الله يعافيك أخوي .. فعلا كان كلامهم خطأ وأنا تأكدت اليوم .. الفل المخمل فيها زر البلوتوث الي بالدركسون وفيها ستاره خلفيه وفيها حساسات

الفرق بين الفل الجلد والمخمل هو الجلد (أمّااااا :d) + نافيقيشن + الكاميرا الخلفيه + نظام صوتي افضل معاه مضخم صوت (سوب اوفر) + تعديل وضعيات المقعده كهربائيا للسائق والراكب في الجلد وفقط السائق في المخمل

في نقطه سألت عنها في الوكالة ما أفادوني!!! مكتوب في الكاتلوج أن التكييف يختلف بين الفل الجلد والمخمل . لكن الموظفين يقولون مافي فرق!

مؤاخذة على التجهيزات بالوكالة اليوم ان مافي تجربة لقيادة السيارة! .. وفي كم سيارة مقفلينها! طلبتهم يفكون الفل الجلد ورفضوا!! .. طلبتهم يشغلوا اي سياره اتأكد من شيء في الشاشة اللمس ورفضوا!! .. لاحظت كم واحد زعلان من التأخير في تسليم السيارة

السيارات في وكالة الدمام (واحدة من كل فئة ما عدا الستاندرد و الستة سلندر العادية حيث لم تكونا موجودتين) كانت كلها مفتوحة مساء اليوم بس ما تشتغل حتى على وضعية المسجل (كبسة زر بدون بريك)... كان هناك حفل التدشين بعد صلاة العشاء بس مشيت قبل فما أدري إذا شغلوا سيارات بعد ما طبوا في الأكل أو لا :d

مراتب الجلد اللي قدام مريحة بس اللي ورا أحسها قاسية نوعاً ما.

أحد مسئولي المبيعات قال لي من يوم 8 يناير أنه لا توجد تجربة قيادة وهو شيء غريب لأن كان عندهم سيارتين عليهم لوح فيقدروا يخلوها لتجارب القيادة... بالنسبة لللإكسسورارات كالجناح الخلفي فهي لم تصل بعد.