الموضوع: قصة سرقة كفراتي اكورد 2012

السلام عليكم ورحمة الله وبركاته ... كيفكم ان شاء الله بخير ... مالكم بالطويله وقفت سيارتي يوم الخميس بعد المغرب عند باب البيت بعد ماغسلت السياره ولمعتها وانا فرحان وجالس اناظر فيها واقول ماشاء الله حسيت اني راح احسد نفسي :d ورحت وجلست مع الاهل في البيت ونمت هذاك اليوم بدري عشان صلاة الجمعه المهم صحيت اليوم الثاني في الصباح بدري قصدي اروح افطر :d المهمت ركبت السياره وشغلت حسيت السياره مو مظبوطه السياره مايله على جنب بشكل كبير !! قلت يمكن بنشر او شيء ؟؟ نزلت رحت للجهه الثانيه وكانت الصددددددددددددددددددددددددددددمه الكفر الايمن الامامي والخلفي من الجهه اليمين مسروقه:( والله العظيم ماصدقت قلت يارب اكون بحلم وبعد التأمل والتدقيق بالسياره طلع الموضوع من جد وش اسوي وش اسوي المشكله الساعه ثمان ونص ويوم الجمعه وكل البيت نايمين المهم رحت واخذت سيارة اخوي وانا ماشي بالطريق قابلت دوريه امنيه وقفت ونزلت عنده وقلت له سيارتي مسروقه كفراتها :( قال رح بلغ القسم ... تحطمت والله .. قلت طيب .. لمن رحت ناداني الظاهر رحمني قال امش قدامي ورني وين السياره قلت طيب .. رحنا هناك اول مانزل العسكري قال والله العظيم اول ماقلت ان الكفرات مسروقه جاء في بالي انها اكورد ... الله يعين بس .. بعدين رحت القسم وكان التعامل منهم غير جيد ابدا والله العظيم مهمشين الموضوع لدرجه ماتتصورونها قال العسكري السياره باسمك قلت ايه قال اجل صور اثباتك والتأمين وتعال قلت طيب ...صور لي عندك قال ماعندنا ؟؟ يصرفني :p واروح ادور ولا لقيت احد يصور كل الناس مقفله .. وبعد جهد جهيد لقيت بقاله تصور :d والله لو كان يبي خمسين ريال ان اعطيه .. المهم صورت الاوراق ورجعت وفتح الظابط محظر واخذ الاقوال وقال تشك بأحد قلت لا والله .. سوى لي خطاب وقال رح المكتب اللي ع اليسار .. مكتب الادله الجنائيه رحت والقى الباب مقفل وادق الباب وانتظر انتظر انتظر المهم بعد عناء انفتح الباب وطلع العسكري والمفاجأه عسكري نايم :d والله :d قال وش عندك قلت سرقوني اللي مايخافون الله قال خلاص سجل رقم جوالك واحنا بندق عليك .. تحطمت :( ويوم مشيت ناداني مره ثانيه الظاهر رحمني :d مدري ليه يمكن شكلي بريء :o قال وين بيتكم قلت هنا قريب مره قال خلاص امش قدامي وانا وراك المهم اخذ العده حقته من كمرات وغيرها ومشينا رحنا البيت اول مانزل قال والله حرام السياره وكاله :( حطمني زياده :( المهم صور السياره كان بيأخذ البصمات بس لاني لمست السياره قال مانقدر كان مالمستها .. طيب وبعدين .. قال مانقدر ابدا .. اخذ عدته وقال (( الله يعوض عليك )) وراح !!! المهم صارت الساعه 11 ورحت وصليت الجمعه ودعيت على اللي سرقها وان شاء الله ربي يستجيب .. لمن رجعت بعد الصلاه وان ماشي على رجولي واناظر الا والجيران مجتمعين عند السياره ويناظروني يحسبون اني مادريت .. وصلت لهم قالو انسرقت كفراتك قلت ادري :d وكل من مر جلس يدعي عليهم ... الحمد لله احسن ان شاء الله ربي يستجيب وخاصة يوم الجمعه كل الناس جو عندي يواسوني والحمد لله المصايب تبين لك معادن الطيبين... تغديت وبعد الغداء قال اخوي وش بتسوي قلت الله يعينك توديني اروح اشتري لي كفرات :d المهم بعد الصلاه رحنا الوكاله وقطع الغيار مقفلين وش الحل وش الحل ؟؟ قال اخوي مالك الا الغرابي رحنا الغرابي والحمد لله اشتريت جنط مع الكفر ب 1540 ريال والاستبنه الله يعين نستخدمها ورحنا وركبنا الكفرات وحسبي الله ونعم الوكيل ... وانتبهوا يااخواني من هذولا الحراميه الله لا يوفقهم ... واسف ع الاطاله