ربل/جلد مساعدات الأكورد .. ومعلومات عن الأشياء اللي تؤثر على الراحه ( مهم )

[THE SILVER ACCORD]

السلام عليكم ورحمة الله وبركاته

كيف حالكم إن شاء الله بخير


وانا أتصفح الموقع هذا
http://www.hondapartsnow.com/

كنت ابحث وأستكشف قطع وأجزاء الأكورد .. واستمتعت بتصفح هذا الموقع

المهم يوم وصلت الرسم البياني حق المساعدات .. قلت بدوّر الربلات .. لأن يقولون اذا غيرتها تكون السياره أريح وألين

والموقع هذا فيه ميزه حلوه .. رسم بياني للقطع وأماكنها مع أسعارها .. ويعلمك كم تحتاج قطعه Req Qty. ومعناها quantity required يعني الكميه المطلوبه


لكن ما أدري اذا نقدر نطلب منه أو لا .. ياليت اللي يعرف يفيدنا


المهم هذي الربلات للمساعدات الأماميه - أكورد 2006 أربعه سلندر



صورة أكبر - إضغط هنا

RUBBER, SHOCK ABSORBER MOUNTING= رقم 6
وتحتاج 4 قطع ( 2 للمساعد الأمامي جهة اليمين .. و 2 للمساعد الأمامي جهة اليسار )
RUBBER, FR. SPRING MOUNTING= رقم 10
وتحتاج 2 قطعتين ( 1 للمساعد الأمامي جهة اليمين .. و 1 للمساعد الأمامي جهة اليسار )
RUBBER, FR. BUMP STOP = رقم 14
وتحتاج 2 قطعتين ( 1 للمساعد الأمامي جهة اليمين .. و 1 للمساعد الأمامي جهة اليسار )

المجموع = 8 ربلات للمساعدات الأماميه
المصدر - رابط مهم


وهذي الربلات للمساعدات الخلفيه - أكورد 2006 أربعه سلندر



صورة أكبر - أضغط هنا

RUBBER, SHOCK ABSORBER MOUNTING= رقم 2
وتحتاج 4 قطع ( 2 للمساعد الخلفي جهة اليمين .. و 2 للمساعد الخلفي جهة اليسار )
BUSH, RR. SHOCK ABSORBER = رقم 8
وتحتاج 2 قطعتين ( 1 للمساعد الخلفي جهة اليمين .. و 1 للمساعد الخلفي جهة اليسار )
RUBBER, RR. SPRING MOUNTING = رقم 10
وتحتاج 2 قطعتين ( 1 للمساعد الخلفي جهة اليمين .. و 1 للمساعد الخلفي جهة اليسار )
RUBBER, RR. BUMP STOP = رقم 15
وتحتاج 2 قطعتين ( 1 للمساعد الخلفي جهة اليمين .. و 1 للمساعد الخلفي جهة اليسار )

المجموع = 10 قطع

الرابط



ملاحظات مهمه :

1) احتمال اللي بالموقع تختلف شوي عن اللي عندنا .
2) مب شرط كلها يكون لها دور بالراحه بس
يعني بعضها ممكن يكون لها دور بالأصوات أو الإهتزازت أو الخ... ( اذا عندك اصوات من المساعدات عند المطبات والحفر .. يمكن من الربلات هذي ويمكن لا )

اللي ناوي يغير المساعدات .. ياليت يجرب يغير الربلات هذي .. وأتوقع ( ما تأكدت ) اذا فكيت المساعدات تحتاج وزن للمقصات الخلفيه والخ ...

وأرقام الوزنيه موجوده بكتالوج السياره تقدر تروح لواحد خبير وتخليه يوزنها لك على الأرقام اللي بالكتالوج .. أو أوزنها بالوكاله وريح راسك .. أهم شيء لا تخلي عمال يتعلمون على سيارتك ويحطون لك وزنيه من روسهم .. وطبيعي كفرات الأكورد الخلفيه تكون فارشه

3) اذا بغيت تغير كفرات سيارتك بالمستقبل .. ركب كفرات لينه .. وخل ضغط الهواء على 30

بعض كفرات هانكوك وتويو .. لينه
ولا تنسى تاخذ كفرات تاريخها جديد

واذا ما راح تحمل شيء ثقيل بسيارتك أو ما راح تركب 4 معك بالسياره .. تقدر تخلي الضغط على 28

بعض الكفرات قاسيه ومحجره .. وبعضها متوسطه .. وبعضها لينه
والكفرات بعد كم سنه من الإستخدام والكرف والشموس .. تيبس/تنشف وتصير قاسيه

يقولون ملمع الكفرات ( بخاخ الرغوه ) ينشفها ويخليها يابسه

4) حجم الجنوط والكفرات له دور بالراحه ..

كل ما زاد حجم الجنط و قل ارتفاع الكفر = تقل الراحه .. لكن تعطي منظر حلو وفخامه

و كل ما زاد حجم الجنط والكفر + كل ما كان الجنط أثقل .. يضعف عزم السياره ويزيد صرفية البنزين شوي

تهبيط السياره ( قص أو تليين يايات / أو تركيب يايات رياضيه ) = تقل الراحه بشكل كبير

5) الأكورد تجمع بين التعليق الرياضي ( ثبات - رساوه - الخ ... ) والأداء العالي و الراحه الجيده

بعض شركات السيارات الأخرى .. يركزون على الراحه ولا يركزون على الثبات والرساوه بشكل كبير


وشوارعنا السيئه جدا والمطبات والحفر لها دور أساسي بتقليل الراحه .. في كل السيارات


6) ما أدري اذا فيه مساعدات ألين من مساعدات الوكاله أو لا

[Aboabdulrahman]

السلام عليكم ورحمة الله وبركاته,
أخى الاكورد الفضى بارك الله فيك ونفع بعلمك, لى أستفسار هل هذه الموضوع يمكن تطبيقه فى الاكورد 2003
وأيضا أنا أوقات أسمع صوت طقة من الجهة اليمنى فى المطبات هل هذا له علاقة بالمساعدين علما بأنى مغيرها من حوالى أسبوعين ولا شيىء ثانى.وشكرا

[زووم6]

انا كان عندي انواع الطقطقه عندي ومريت اكثر الورش الى يقول سليمه والى جلده مقص
المهم خربتها وغيرت مساعدات قدام مع جلد المساعد رقم 6 وعددها اربع
وغيرت جلد الركب وجلد مقاصات وكل مقص 3 جلد وحسيت ان السياره ضبطت معى وصارت متماسكه
بس واجهت مشكله صوت مع المطبات كانه صوت بالاستيك او شيء زي كذا << زيييييط