النتائج 1 إلى 9 من 9

الموضوع: تفتفه خفيفه لما امشي بهداوه او بسرعه ثابته

  1. #1
    عضو
    تاريخ التسجيل
    01-2013
    الدولة
    الدمام
    المشاركات
    20

    افتراضي تفتفه خفيفه لما امشي بهداوه او بسرعه ثابته

    السلام عليكم
    عندي مشكله وما لقيت لها حل وياليت مساعدتكم ياشباب
    عندي اكورد الفين وسته لما امشي بهداوه او بسرعه ثابته على سبيل المثال لما امشي ستين او ثمانين تبدأ تفتفه خفيفه في السياره مع العلم اني مغير فلتر بنزين وبواجي و ومسوي تصفية بخاخات ولا بقى الا حساس الهوا ما ادري هل تضنون المشكله منه ولا لا وتقبلو تحيأي وياليت تتفاعلون مع مشكلتي لأنها ممكن تمر على اي شخص في المستقبل عشان نقدر نلقى لها حل ونتلافاها ويعطيكم العافيه

  2. #2
    عضو
    تاريخ التسجيل
    01-2013
    الدولة
    dammam
    المشاركات
    4

    فعلا هو حساس فلتر الهواء

    حصلت معي بسيارتي السابقه وللأسف لم اكتشف السبب الا بعد تلف الحساس طبعا كنت اركب فلتر البناشر ويقول اصلي وهو تجاري :d

  3. #3
    عضو
    تاريخ التسجيل
    01-2013
    الدولة
    الدمام
    المشاركات
    20

    افتراضي بكم سعر الحساس؟

    يعطيك العافيه يا اخ احمد بس حبيت استفسر اذا عندك خلفيه او عند احد اللخوان بكم سعر حساس الهوا حق الاكورد الفين وساه ولكم جزيل الشكر ويعطيكم العافيه على المشاركه

  4. #4
    The Power Of Dreams
    تاريخ التسجيل
    05-2009
    المشاركات
    1,247

    افتراضي

    وعليكم السلام


    انت غيرت
    ( فلتر بنزين وبواجي و ومسوي تصفية بخاخات )

    باقي تغير فلتر هواء المكينه سعره 110 ريال بالوكاله ( بعد الخصم 20% )


    لأن فلتر الهواء اذا كان شبه مسدود يأثر على أداء السياره وصرفية البنزين

    وشيّك على ( علبة فلتر الهواء + الهوز اللي يكون بين علبة فلتر الهواء والثروتل بودي ) تأكد أن مافيها شقوق .. لأن اذا فيها شقوق بيأثر على السياره .. وبعض البناشر غشيمين ويكسرون علبة الفلتر

    انا كان عندي كسر بعلبة فلتر الهواء من البناشر بعضهم يفكون علبة الفلتر بغشامه ؛ وسويت لها لحام بارد ( فكيت العلبه ونظفتها وغسلتها ونشفتها .. ثم حطيت عليها " معجون لحام بارد أو ما ادري وش يسمونه .. المهم شريته من ساكو امريكي أصلي و يجي معجونين تخلطها زين ثم تحطها .. وتخليها فتره عشان تنشف .. ويصير قوي جدا ) وصارت العلبه
    .. أهم شيء توزنها بحيث يكون المعجون تمام ولا يكون فيه فراغ عشان ما يدخل غبار


    نجي للبواجي

    البواجي اللي عند الوكاله حقت 2007 ونازل ..
    ZFR6F-11
    اكتشفت أن البواجي هذي حقت CR-V قديم موديل 2001 و 2000 .. ومكينة الـ CR-V القديم اذا ماني غلطان 2.0 .. يعني أصغر من مكينة الأكورد 2.4
    http://www.hondapartsnow.com/genuine/honda~spark~plug~98079-5614G.html

    وهذي صوره من كتالوج أكورد موديل 2006 .. البواجي المناسبه ( حسب كلام الكتالوج )


    ZFR6K-11 = NGK
    أو
    KJ20DR-M11 = DENSO



    بموقع بواجي NGK .. يقولون البواجي المناسبه للأكورد 2006 و 2007
    IZFR6K11 .. نفس اللي بالكتالوج
    ZFR6K-11 .. لكن IZFR6K11 هذي ليزر أريديوم اتوقع عمرها أطول وأغلى

    رابط موقع NGK - أضغط هنا


    وبموقع DENSO .. يقولون البواجي المناسبه

    SKJ20DR-M11
    نفس البواجي اللي بالكتالوج KJ20DR-M11 .. لكن هذي SKJ20DR-M11 اريديوم عمرها أطول وأغلى

    بواجي الوكاله حقت 2007 ونازل .. نوعها NGK V-Power
    ZFR6F-11

    وانا استخدمها حاليا ولا جربت غيرها من يوم اشتري السياره .. لأني دائما اشتريها من الوكاله

    و اتوقع الاختلاف بسيط بين ZFR6F-11 و ZFR6K-11


    انتهينا من البواجي



    نجي للـ Gap



    وهذي الطريقة الصحيحه لتعديل الـ Gap



    بعض البواجي تجي موزونه وجاهزه .. وبعضها تحتاج للوزن


    انا عندي القطعه هذي مشتريها من ساكو


    ميزتها
    فيها فيلر قيج Feeler Gauge وقاب قيج gap Gauge لوزن البواجي و قطعة لتعديل وزنية البواجي


    وفيه قطعه تكفي ومناسبه للبواجي .. لكن ما لقيتها


    والـ Gap تكون حسب الكلام المكتوب بكتالوج السياره




    اذا العامل اللي ركب البواجي غشيم .. ممكن يخرب وزنيتها
    لأن وزنية البواجي دقيقه وتحتاج خبره




    جرب بنزين 95 من محطة الدريس او نفط
    بعض المحطات يغشون البنزين

  5. #5
    The Power Of Dreams
    تاريخ التسجيل
    05-2009
    المشاركات
    1,247

    افتراضي


    خل تنظيف الحساس آخر شيء .. والثروتل بودي لا تقربه لأنه إلكتروني

    كل السيارات الجديده الثروتل حقها يكون إلكتروني

    الثروتل بودي وحساس الهواء يحتاج بخاخات خاصة ومناسبه لتنظيفها .. غير متوفره بالسعوديه .. بحثت عنها ومالقيتها




    والتنظيف الخاطئ أو المواد المستخدمه الغير مناسبه للتنظيف .. تخرّب الثروتل بودي وحساسات الثروتل بودي


    لكن قبل تغير حساس الهواء .. نظفه بـ


    واذا غيرته لا ترميه
    خله عندك سبير وحقل تجارب :d



  6. #6
    عضو
    تاريخ التسجيل
    01-2013
    الدولة
    الدمام
    المشاركات
    20

    افتراضي

    الله يإطيك العافثه ما قصرت على مشاركتك معنا والحقيقه سلمك الله اني مغير ومشيك الشغلات الي ذكرتها وبالنسبه للتفتفه ما تجي لما تكون السياره واقفه او اكون داعس المشكله ما تبدا التفتفه الا لما امشي بسرعه ثابته او اكون داعس على خفيف وهذا الي لحس مخي لكن انا بدخلها الوكاله بكره عندي موعد معاهم هناك وبخليهم يفحصونها بالكامل عشان اعرف وش البلا منه وراح ابلغكم وش بيصير معي عشان تستفيدون ويستفيدون الاخوان معنا والله يعطيكم العافيه

  7. #7
    عضو
    تاريخ التسجيل
    01-2007
    المشاركات
    76

    افتراضي

    هاه يا أبو سلمان وش صار معك

  8. #8
    عضو
    تاريخ التسجيل
    04-2018
    المشاركات
    1

    افتراضي

    وش صار معك علمني ما ابي اخسر على موتري نفس مشكلتي بضبط ابو سلمان

  9. #9
    عضو
    تاريخ التسجيل
    11-2012
    الدولة
    الرياض
    المشاركات
    49

    افتراضي

    حل مشكلة التفتفه يا شباب بسيطه بدل ما تصرف فلوس على الفاضىي .

    1- البواجي اصليه وضعها تمام

    2- الكويلات مهمه تكون لسه بقوتها وتادي وضيفتها بشكل سليم .
    ( خراب الكويل بسبب تلف البواجي وانت لسه تمشي بالسياره والبواجي تالفه )


    كل ماذكر سليم ولسه السياره تفتف . هنا الحل

    اشتري

    1- علبة معزز اوكتان
    2- علبة منظف بخاخات

    طبعا اشتريهم من ساكو حتى تضمن انهم امريكي اصلي . اشتري افضل نوع العلبه الي

    استيكرها كله انجليزي هذه اصلي الي فيها عربي انحش منها

    ( حق المحطات كلام فاضى وايضا تنظيف البخاخات بالجهاز ممكن يزيد يخربها )


    طريقة الاصلاح :

    اولا عبي التانكي فل وحط علبة معزز الاوكتان وطلع مشوار 50 كيلو على قدر استطاعتك .

    الين يخلص التاكي

    ثانيا عبي التاكي مره ثانية وحط علبة منظف البخاخات واطلع مشورا 50 كيلو .


    اذا ضبطة معاك دعوة لي بظهر الغيب

المواضيع المتشابهه

  1. تقطيع خفيف لما امشي بسرعه ثابته
    بواسطة أبو سلمان في المنتدى هوندا اكورد Accord
    مشاركات: 2
    آخر مشاركة: 28-01-2013, 07:21 PM
  2. السيارة مو ثابته
    بواسطة heronassim في المنتدى هوندا اكورد Accord
    مشاركات: 9
    آخر مشاركة: 29-04-2011, 07:36 PM
  3. حراره السياره غير ثابته
    بواسطة اكورد 98 في المنتدى هوندا اكورد Accord
    مشاركات: 11
    آخر مشاركة: 06-02-2011, 12:19 PM
  4. تفتفه فالاكورد 2006
    بواسطة azooo3 في المنتدى هوندا اكورد Accord
    مشاركات: 2
    آخر مشاركة: 11-11-2009, 08:28 PM
  5. تفتفه تخوف
    بواسطة HonDa 2o0o في المنتدى هوندا اكورد Accord
    مشاركات: 5
    آخر مشاركة: 08-08-2009, 05:24 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 72.26 Kb. compressed to 63.87 Kb. by saving 8.39 Kb. (11.61%)]