السلام عليكم ورحمة الله وبركاتهأولا أقدم شكري لكلاً من الأخ العزيز بلال العلمي والاخ العزيز صالح الشبيكي على ماقدموه لي من نصائح وتوجيهات :o
حبيت أعلمكم قصتي مع الوكاله ,, دخلت المنتدى وفجأه طحت بموضوع أخونا بلال العلمي بخصوص تغيير كراسي المكينه على الضمان للأكورد 2007
وبعد عدة رسائل مع الأخ بلال توجهت للوكاله فرع الدمام وكلمت مشرف الصيانه وقالي بالحرف الواحد مافيه اي إستدعاء لموديل سيارتك
رجعت للبيت وإتصلت على نفس الفرع وطلبت مدير الصيانه , شرحت له الوضع قالي أرسل رقم الشاصي لجوالي وراح أشيك ع الجهاز.بعدها بدقائق إتصل علي وقالي أنت يشملك التغيير بس للأسف ماراح يتم تغييرها لك بسبب عدم الإنتضام بالصيانه الدوريهقلت له طيب الخلل مصنعي وش دخل الصيانه الدوريه قالي هذا الكلام اللي عندي,قلت له حصل خير,ثاني يوم رحت للفرع نفسه ودخلت على المدير تبع الفرع ومن سوء الحظ إنه إتصل على مدير الصيانه وكان الرد نفس كلام مدير الصيانه :(
رجعت للبيت وقلت والله مااأسكت عن حقي , فرفرت في قوقل لين طحت بموضوع أحد الاخوان هنا والموضوع يخص إيميل هوندا في اليابان.دخلت قوقل ورحت للترجمه وكتبت مختصر لمشكلتي وأرسلته للايميل الخاص في الشركه الام, ومن ثاني يوم يتصل علي شخص يدعى المعتصم مدير صيانة هوندا في المملكه على ماأظن,وقالي نعتذر عن اللي صار وراح يتم الإتصال عليك من فرع الدمام,وفعلا ثاني يوم من مكالمته دق علي نفس مدير الصيانه اللي كرشني ورفض يصلح السياره, وإعتذر لي وقالي حنا أسفين وأبلغك إنه بإمكانك إستبدال كراسي المكينه على الضمان, وطلب مني حجز موعد مع الصيانه, ولله الحمد رحت لهم أمس وتم إستبدال الكراسي مجانا
إيميل الشركه باليابان customersvc4@spirit.honda.co.jp
سيارتي أكورد 2007
وفقكم الله ورعاكم
وأعتذر لأني كتبت الموضوع على عجاله
رد مع اقتباس
مواقع النشر (المفضلة)