فزعتكم : مشكلة مع الوكالة بخصوص شراء اكورد 2013

**iMu7ammed** · 09-02-2013, 08:59 PM

السلام عليكم ..

ي أخوان قبل أسبوعين كنت في وكالة عبدالله هاشم اللي بـ الدمام ..

و سألت الموظف بخصوص الاكورد 2013 , قالي الموجود للعرض و ان السيارات راح تكون متوفرة بـ حدود شهر و نص إلى شهرين ..

قلت له إذا الموضوع كذا رآح احجز السيارة الحين و المبلغ بالكامل راح يتوفر معي على نهاية الشهر , و كذا اكون مستعد قبل لا توصل السيارات

بعدها بكم يوم صديقي راح للوكالة و قالوا له نفس الكلام السيارة راح تتوفر من شهر و نص إلى شهرين ..

لكن الصدمة اني اليوم مريت الوكالة ابي استفسر عن شيء قالي الموظف ان السيارات راح تتوفر بعد بكرة :( ..

قلت له طيب الحين انت معطيني كلمة ان السيارات راح تتوفر بعد شهر و عليها , و انا معطيك كلمة ان المبلغ بيكون جاهز على نهاية الشهر , كذا انت وهقتني لو ادري ما حجزت الحين ( و الحل ؟ )

قالي لا تخاف دامك حاجز السيارة ما راح تنباع , و دام المبلغ راح يتوفر هذا الشهر لا تخاف , قلت له متوفر عندي نص القيمة يصير ادفع عشان اضمن انها ما تروح ..

قالي انا بكلم الادراة بخصوص الموضوع و قال ذكرني بعد بكرة , و انا بتصل عليه بعد بكره بـ إذن الله ..

وش تنصحوني ي أخوان ..؟

أنا محتار يمكن السيارات توصل بعد بكرة يمكن لا , اخاف الوكالة تبي تمشي السيارات للي يدفع اول و تطير السيارة :(

الصراحة ما ادري مدى مصداقية الموظف , تنصحوني اكلم المدير بعد بكرة بخصوص الموضوع لا صار شي لا سمح الله !!

ابي شورتكم ي اخوان ..

**بلال العلمي** · 09-02-2013, 09:38 PM

فريق المبيعات عليهم ضغط لازم يصرفون السيارات لان فيه طلب مو طبيعي فيها

حتى سيارات العرض انباعت ماشاء الله ما توقعوا ان السحب بيكون للدرجة هذه

**هوندا 2013** · 09-02-2013, 10:13 PM

من قريت العنوان قلت بس اخذوا فلوسك وقالوا انقلع مافيه سيارة.

اخوي الله يرضى عليك انت مصعبها وهي سهله وش وراك ، اذا راحت اطلب غيرها الله اكبر الدنيا ماهي بطايرة.

تقبل تحياتي ومروري والسلام

**Dominot** · 09-02-2013, 11:18 PM

يَ رجآل آحمد ربك آنهآ بتجي بعد يومين

آنآ لعبوا في حسبت ام امي

قبل اسبوعين دفعت لهم عربون وحجزت وقلت اللون رمادي

قالي الموضف : يومين او ثلاث ونتصل فيك وتجي تاخذها

والحين مر عليها اسبوعين وشوي

ولين الحين يقولون اللون مو متوفر اختار واحد ثاني مدري وشو

واليوم اتصلت على موظف ثاني عشان اختار لون بديل ويوصل بسرعه

قالي واللهي النظام مو مبين عندي الألون ! سلامات طقطقه هي ؟

لي اسبوعين وهم حتى ماحجزوا لي السياره واللون وكم يبيلها عشان تجي بعد الحجز ؟

بالقليل 3 اسابيع وبكره ادق عليه عشان احدد اللون الموجود واتصل عليه يحجزه لي

ياشيخ مرمطه خلها على ربك ,, كرهوني في السياره قسم بالله